月份彙整一月 2011

雖然馮小剛的《非誠勿擾2》，置入性行銷太多，令小弟在戲院看時有點發麻，只不過，編劇王朔和馮小剛玩的膠，真的夠意思。 開頭那段離婚大典，真的可謂經典之作，廣電總局看不到這情節的政治味，果然曲線人士一大堆在官府裡。沒錯，在現實中極少有離婚大典，但在開明的歐洲國家，不少國家是這樣和平分手，典型例子就是捷克和斯洛伐克，更不用談歐洲人分手有多和平。筆者認識一對夫妻，妻子是華裔英國公民（當然是不大典型英國公民），丈夫是華裔法國公民，雙方離婚情節的搞笑以及平和程度，不亞於《非誠勿擾2》內的情節，而且真人真事。 如果中國人真的做到《非誠勿擾2》離婚大典的境界，讓台灣、香港公投下離開，雙方還隆重其事，互表友誼和友愛，我相信這才叫中國達致民主化一個指標。 只不過，不要說統獨這樣惹火題目，大家看黃毓民、陳偉業退出社民連，文革詞語滿天飛，連敵我矛盾都搬出來了（囧），再比照一下片中的離婚大典，你會慨嘆，片中那套離婚大典確是超現實，因為現實世界有人做得出，應該可以列作聖人了。 後話：《非誠勿擾2》評價極端，因為《非誠勿擾2》是玩得好盡的哲學片，表面是搞笑，對白是典型北京式佻皮對白，但情節查實很沉重，對婚姻的質疑，老夫少妻的問題，人生的成敗功過怎評斷，面對死亡，甚至講到安樂死等問題，比上集《非誠勿擾》沉重一百倍。因此，歐陸派的朋友會給《非誠勿擾2》評價高於第一集， 但如果你期望仍是那套小品電影，很抱歉，《非誠勿擾2》不是這回事。而孫紅雷演的李香山，也不是典型會在中國出現的人，這該是馮小剛，或王朔的夫子自道。讀過王朔作品的朋友，就不難摸到這套片查實「很王朔」。

太陽報呂迪明專訪 今日謝志峰大大聲問，呢位呂迪明有無政治聯繫，謝志峰當然唔係亂問問題，因為她表面為人熟識身份，係撐高鐵陣線發言人，但實際呢？ 新界青年聯會幹事名單 她真正身份唔係暗土共，係直頭土共。成班民建聯高層做會長、顧問一大堆位嘅組織，連北極企鵝專家張國鈞都喺度，呢個唔係土共組織係乜嘢，你話俾我聽，隨時呢個呂迪明入咗中國共產黨，或者民建聯都唔奇（嗱，入兩者係有分別）。 講大話唔眨眼到呢個地步，當謝志峰係傻架。簡單嚟講，撐高鐵嘅組織，好多都 會係呢啲土共組織，大家睇清楚。

BBC apologises to Japanese over atomic bomb jokes 雖然呢挺口不擇言有啲過份，只不過，作為英國人，我不贊成向日本道歉。你日本班右翼分子篡改教科書條數，唔駛還呀？同咗英聯邦戰死香港、緬甸、海峽殖民地、英屬馬來聯邦、英屬馬來屬邦、巴布亞新幾內亞果啲戰士道歉未？日本人大晒呀？日本人有種，就首相跪喺台灣孫立人將軍墓前道歉，當年唔少孫立人領導中華民國國軍戰士，就喺緬甸戰場解救英軍戰死。 只不過，BBC One呢類口臭到爆嘅節目，以至口不擇言嘅英國人，肯定唔只Stephen Fry，以及Qi呢個節目。 BBC好笑嘅節目，特別呢類無獎，但抽水抽到離晒譜嘅Quiz Show唔少，最出名係Have I got the news for you? 經常拎啲政客嚟恥笑，Boris Johnson出名其中一個原因，就係佢喺呢個節目表演嘅恥笑絕技。 但抽得水多，唔記得火控就出事，佢某次抽水抽到走火（唔喺BBC Quiz Show抽），用巴布亞新幾內亞食人族嚟潤番自己保守黨人，兼抽工黨水，結果抽咗去太平洋，搞出風波。 連講音樂，都有個叫Never Mind the Buzzcocks嘅抽水騷，所以呢啲口沒遮攔事件，十單八單。只不過，以往BBC One同BBC Two嘅節目好少俾全世界觀眾睇到，但依家遇正一個日本人，喺日本屋企對住個iPlayer睇到，因此走去投訴一啲都唔奇。 所以英國人依家可能要學吓抽水嘅火控，陶傑講菲律賓講到外交風波（雖然事實證明，菲律賓呢個國家係膠到無朋友），英國人抽水抽過太平洋，真係無乜好奇怪。當然，英國人抽自己都唔客氣，仲記得Boris Johnson抽David Cameron用到科索沃果吓靚抽就知，抽水係唔應內外有別，有得抽就抽，唔好抽中鏹水就得。好似葉劉咁，哈哈哈。 後話：雖然頭條新聞嘅format，唔係British Quiz Show，而係土產香港嘅惡搞show，只不過，喺精神承傳上，兩者一脈相承。最好笑《頭條新聞》嘅主持組合，查實係吳明林同林旭華，睇番以下片段就知。

「多名社民連成員更衝入會場抗議，其中立法會議員梁國雄向唐遞上破爛的紙紮車，諷刺唐會自食其果，「車毀人亡」，但唐拒絕接收。其後梁國雄引述唐對他說，紙紮車可「留番你（梁國雄）第日自己用」。」 東方日報：唐英年又失言 祝自閉早康復 我睇果陣，我心諗，唐膠年，你條友做特首，不出半年唔暴動就奇喇。 人地送你紙紮車，寸到話「留番你第日自己用」，呢啲己經係MK仔開片之前互寸至講得出嚟，堂堂司長竟然講啲咁嘅嘢。加上同場加映，自閉症居然可以康復嘅偉論。呢條友開口得罪人易過食生菜，點止易燃物品，簡直係易爆物品，佢上台半年唔暴動，就係香港福氣。 我建議高官強制驗腦計劃，第一個要驗佢。

這是純屬小弟一些想法，但我覺得，都值得在這個民生問題多多時刻提出： 1. 小弟好奇怪，各大公用事業爭相加價，但現在想通一點，因為提出不加價是沒獎，但加價就一定批。像專線小巴想加座位不加價，就不獲接納，還被運輸署含血噴人。電車這麼多年都沒加過價，但政府有沒有對電車公司特別好？ 因此，要認真考慮向財政司司長提出，要實施公用事業不加價有獎計劃，可以是稅務優惠，可以是政策優惠，但要承諾三年或以上不加價，一旦申請加價要嘔晒啲利益出嚟。如果不加價有獎，會否令民生生活過得好一點？ 2. 近日香港奶粉缺貨情況，簡直令人心寒。小弟正考慮，好不好搞個奶粉團購，只限持香港永久居民身份證，真係有BB或者朋友有BB嘅讀者購買。當然具體細節未定，但小弟就呢個問題，想諮詢各位意見。咁做唔係為賺錢（我唔打算學班水貨客加成百銀罐都去買，黐線架），我目的係保障香港家長嘅利益。

以上片段，係政府提供俾記者，再有人提供俾林忌放上網。 好多唔識法律，真係拆遷隊毒入腦嘅五毛，認為咁樣對付朱凱迪無問題。錯到離譜，港鐵人員無權用武力，而且用柔道咁用係過度武力，過度武力係《侵害人身罪條例》嘅ABH，甚至GBH仲得（睇朱凱迪傷勢），警察唔拉人，就完全係黐線。朱凱迪嘅勸交行為，連普通襲擊罪都唔係，但果位港鐵保安，無合理辯解使用過度武力，就準備被人告襲擊甚至ABH。 政府仲好意思話人刪剪片段，有種就後面警方班花生友拍嘅嘢全部一刀不剪放上網，睇邊個膠啲。只不過，根據警隊條例第10條，警察有責任防止同制止罪案，依家成班友袖手旁觀，係唔係警隊條例第28條嘅棄職行為，監都有得坐，需唔需要大家集體去警察投訴科，真係報警。 呢個政府正一袁木級政府，黑白是非顛倒晒。 後話：五毛黨空群而出，而其中一件叫SCE0700嘅五毛黨，依家小弟有證據懷疑係警務人員，睇嚟有啲友仔食得禾米多，乜好鍾意小弟做投訴X咩？

「諮詢會延遲大約半小時，至晚上六時半才開始，有菜園村村民在會上發言，不滿當局暴力清拆。唐英年在總結時就說，本港是法治社會， 清拆行動以合法、合情、合理為原則，目標是希望幫到所有人。」 請問唐膠年： 1. 港鐵工人咁樣襲擊朱凱迪，咁就叫合法。 2. 菜園村新村未建好，俾懷疑陀地勒索五百萬路權費，咁叫合情？ 3. 未傾掂農作物賠償，用遠低於市價賠俾人，咁叫合理？ 唐膠年，真係八十後車毀人亡，英年早逝。唐膠年再次向香港人宣戰，依家形勢極度清楚。

「屋 宇 署 指 酒 店 工 程 無 遮 擋 永 順 大 廈 規 定 通 風 窗 戶 2011-01-21 HKT 18:17 上 環 文 咸 西 街 64 號 永 順 大 廈 部 份 業 主 … Continue reading →

自己睇片，但睇完好慶。

港鐵嘅工程人員，當自己做緊世界摔角大聯盟？定係以為自己係城管或者拆遷隊，用埋啲咁嘅野蠻手段對朱凱迪？ 我睇法好簡單，菜園村巡守人員有乜冬瓜豆腐，就去鄭汝樺office玩大佢，反正鄭局長佢都爭全香港人好多條數。仲有，將件事寫成英文、瑞典文，以後港鐵競投歐洲、澳洲嘅鐵路系統前，解釋吓菜園村發生乜事先喇。