月份彙整一月 2011

Sarkozy sparks row with plan to teach nursery children English 雖然我明白薩爾科齊嘅苦心，但我可以講，法國就係法國，佢呢個建議嘅下場，真係會累佢變不孝子，即係法國人人問候佢娘親，甚至佢祖宗。 雖然講起上嚟，依家英國皇室，都係法國嘅諾曼第公爵係咁打上去嘅後人，咁照咁講上嚟，講英文都無講德文咁唔可以接受嘅。但事實上，法國人對任何法國文化有關嘅嘢，由食物到語言都好執著，呢種執著法國認得第二嘅話，就無人敢認第一，叫法國佬細細個就要學英文，天方夜譚無咁早。 況且第一個出嚟媽叉佢呢個建議，隨時係執政黨裡面啲人，依家薩爾科齊個黨，有部分係戴高樂黨（嗱戴高樂黨同戴高樂主義者係有分別，戴高樂主義者未必有意見），戴高樂將軍雖然佢個流亡政府最初設喺倫敦，佢號召法國人抵抗到底嘅宣言都係BBC播出嚟，但係戴高樂呢個人平日係絕口不講英文，第一個反對英國入歐共體（歐盟前身）就係戴高樂將軍。薩爾科齊呢個建議，唔係執政黨班友打響第一槍媽叉，仲有邊個？ 佢呢個建議，同高登禁止講粗口，要改用粗口filter係無分別。雙語主義喺邊度都合理，但法國呢個國家。我諗算吧，如果我住法國，我都會只會選擇講法文，因為法國人呢挺硬頸係佢生存之本。

小弟在看新聞時，見到傳媒浪費篇幅報導賭王爭產的事，越想越氣。 比起新馬師曾爭產鬧劇，無疑何家劇本比較好，至少劇情還講謀略，不是新馬師曾那次般，劇情彷如溏心風暴。只不過，當時香港沒有太多不平事，大家食花生食得過癮也算了。 今天香港膠事一大堆，光是保育，政府山、大浪西灣、菜園村、南生圍，還有八成強拍，奶粉缺貨，亂咁賣樓，何鴻燊一家的事值得這麼多新聞篇幅嗎？ 何家被搶劫，那是他的事，傳媒應搞清楚緩急輕重。

見小弟昨天少有地無update blog，都想像到小弟病到有幾嚴重，呢排啲感冒病毒真係非一般嘅惡。 不過小弟喺屋企休養果陣，最滾係傳媒浪費時間報連前線記者都認為有厭惡性嘅賭王未死先爭產嘅新聞，賭王一家爭產橋段確係新鮮，但關我乜事。好明顯埃及局勢發展更值得報導囉。 香港啲採主，可唔可收起你地嘅膚淺同唔專業。

城巴新聞公報 城巴喺港島嘅車費，一向以嚟都係平過新巴，更加唔好講平過九巴，但點解城巴可以唔駛加價，仲賺突要嘔番成五千幾萬俾市民，但九巴要加成百分之八咁多，連港鐵都要巧立明目加價。 終根究底，公用事業駛唔駛加價，同油價未必有大關係，你估城巴會買到零舍平嘅油？香港有幾多間油公司至得架。問題嘅關鍵，係公用事業機構有無盡力避免加價，同埋政府有無做嘢，去令到避免加價呢件事成為現實。政府係又批加價，唔係又批加價，但唔加價嘅公司唔獎勵，有唔加價嘅諗頭就諗計阻止，咁香港人多得你鄭汝樺唔少。 九巴同港鐵唔好話乜嘢成本上漲要加價，你同我解釋吓點解城記可以唔加先。

「 1224 British Airways says it has chartered a plane to bring back any passengers who wish to leave Cairo. This is not an evacuation – it is for anyone who is already booked on a flight, but wishes to … Continue reading →

半島電視台：Egypt not trending in China 啲人話埃及個親美獨裁政權倒台，美國會驚，我諗隨時中國仲驚過你。你睇Twitter上嘅中國網民，幾熱烈討論同研究埃及班友嘅示威手段就知。所以中國即刻驚到喺新浪微博將埃及列為敏感字，真係膠到震。 當然，中國當局睇到以下呢套片，佢見驚到賴尿，我理解嘅

明報：年宵檔播《肉蒲團》預告被喊停 指影響人流 食署急加例阻播 書展賣𡃁模寫真集，我完全唔反對，書展本來唔係俾人當年宵咁行。但呢鋪蕭才子喺維園擺檔咁嘅嘢，我覺得過晒火位，政府應該儘早採取行動。 年宵係一家大細行，唔係得成年人行，要宣傳咸片，唔可以用其他方法嘅咩？依家家長帶仔女嚟維園行年宵，啲細路見到啲咁嘅嘢，點解釋？ 我絕對唔係道德塔利班，但凡事有界線，我唔明係蔡志森同明光社，點解要抽菜園村水，都唔抽賭王三妻四妾，又搞賭博呢啲違反基督徒行為嘅水，亦唔見蔡志森呢啲社會歪風嘅水。我可以講，呢啲就係真真正正社會歪風。拍三級片我唔反對唔阻止，但喺年宵市場播咸片，食環署上嚟阻止仲話係政治打壓同騷擾嘅話，呢啲就叫是非曲直不分。 後話：我重感冒，本來應該休息，但件事太膠，不得不寫。

突尼斯爆發茉莉花革命後，現時蔓延到埃及、也門、敘利亞都怕革命來。可能少數美國與伊朗、敘利亞等國立場一致，就是對革命的態度。 只不過，革命終歸要來，因為這些所謂回教國家的政府都腐敗不堪，只不過過去冷戰時期為防蘇聯才被扶持，但不代表這些人現在還存在是合理。正所謂官迫民反，民不得不反。 但中國推友們，只是享受圍觀的興奮，還是內心有一些真正看法，小弟還等著瞧。

galileo_c：菜園新村四評 「5. 最後於 去年十二月六日 地主設定的買地期限，菜園村村民沒有選擇，決定先買地再處理其他問題。 6. 今日 – 交出現金三十萬﹝劉表示還可以減﹞，以及割讓菜園新村村口約一萬二千平方英尺土地與不知名的丁屋發展商﹝包括九千平方英尺魚塘，用來起豪宅丁屋；約三千平方英尺農地則作為丁屋屋苑停車場﹞」 點解好似catspring呢啲聲稱新界原居民嘅友仔，抹黑菜園村村民唔眨眼，因為真正極度貪婪，係呢班原居民而唔係菜園村村民。呢班原居民想用自己啲地區勢力，大搞無本生利嘅生意，簡單嚟講，真係好過去搶。 小弟奉勸新界原居民賺夠就好收手，香港好多人唔係好睇得順眼呢班友。catspring最好自己唔好匿埋喺新浪網度發膠音，交代清楚自己同姓劉、姓梁呢班友有無乜嘢親屬關係，金錢關係，如果被人起底起到有啲關係，件事真係膠到無人用。特別catspring單嘢同我無直接關係（佢夠膽直接挑我機仲歡迎），但係新浪網因為有人借新浪平台喺度玩抹黑，除非有人叫呢條友收手，否則遲早實要同新浪網交手，咁係唔係要搞個「新浪五毛苦主大聯盟」至收到科咁呢？雖然新浪網聲稱用戶合約係用中國法律，但我想睇新浪網係唔係真係咁易甩得身。

自由時報：吾爾開希籲馬 正視台灣人民對中國的不放心 「王丹說，中國一直將香港作為「如何對付台灣的實驗基地」，今天在香港發生的事情，很可能成為台灣的明天；香港在一九九七年回歸中國，對台灣具有至關重要的指標意義。他說，台灣主流論述以為中國正在改變，「但是中國政權有些東西，幾十年來一點都沒變」，台灣學界與政界應該提升對香港經驗與發展的關注，觀察沒有變的方面，才能對中國有更客觀的認識。」 由2009年5月6日，小弟開始「跨海作戰」方案，開闢台灣第二戰場，將香港的不快經驗四處宣揚後，這個階段，是香港政府一舉一動都得受檢驗的時候。 現時情況很簡單，香港政府越硬膠，台灣人研究得越清楚，就越會反對所謂的一國兩制高度自治，統一這台戲這沒得唱。簡單而言，只要土共、特膠政府越膠，就越為台獨力量增添民意基礎。這看香港這幫人，看自己的算盤，還是看什麼。 當王丹、吾爾開希都這樣說時，香港正正是藍營的死門。因為基本上，香港這幫土共政客一早己經無可救藥。