月份彙整十二月 2010

繆美詩：再Rap一次 黃世澤：誤用網上平台，Rap出公關災難 MC Jin居然仲敢喺平安夜於APM搞平安夜音樂會，我覺得面皮厚到無倫。因為Rap起嚟無節奏感（Rap歌要流暢到數白欖咁易至叫及格，以粵語嚟講，粵語好適合唱Rap，但偏偏要求填詞功力亦最高，因為粵語有九聲，粗口全部響到爆），歌詞充滿住「起錨」、「Sure Win」之類厭惡性元素，陳岳鵬嘅倒屎能力之高，真係驚為天人。而MC Jin敢同特首合作，唔驚重覆麥嘜嘅死法，真係只可以講，有啲人真係天生厚顏。 小弟認識嘅林忌，佢絕對唔係小弟呢種會聽LMF果挺人，佢平日唔聽Rap，但佢同好戲量合作填嘅惡搞版，都可以即時KO MC Jin（你會唱林忌同好戲量合作版嘅詞，定係MC Jin惡頂版），我諗有樣嘢好重要，要填粵語Rap歌，通曉粵語韻律以及對社會具批判精神（亦即係美國Rap歌原本嘅精神，本來經濟日報篇文有相當篇幅介紹Rap與政治，但因為唔係個個讀者頂得住果堆解說而要割愛），之前小弟介紹過LMF，唔係為粗口而粗口，MC仁填嘅詞都係諗清諗楚，甚至成個法國大革命理念都寫入去，MC仁本身亦係留法返嚟。 所以，呢次特首辦唔係東施效顰咁簡單，係直頭挑釁年青人，大批年青人走去惡搞特首同MC Jin，一如Rachel講，抵死。 延伸閱讀： 黃世澤：LMF、香港、法國 黃世澤：清舊歌散記 除咗粵語，南洋嘅Rap歌都係好犀利，因為混埋馬來語/印尼語，馬來語/印尼語係極為適合Rap嘅，最經典作品係認識南洋入門歌《麻坡的華語》，成個南洋嘅語言、種族、奇怪社會問題等等，一首歌講得清清楚楚，最堅係，好多識背《麻坡的華語》嘅係五、六十歲嘅長輩。 後話：查實特首辦有個人，肯定比陳岳鵬熟Rap呢種體裁熟十萬倍，大家應該估到係邊個，佢真係無乜理由俾MC Jin呢啲垃圾出到街。 我諗，應該要有位博客或者高登仔（我知高登應該有呢挺高人），認真向大家介紹吓Rap嘅歷史，同文化傳統，小弟呢樣嘢，就絕對唔敢獻醜喇。再有呢類文化上的錯判，小弟講真真係唔係好頂得順。 仲有，林忌加好戲量惡搞版嘅編曲，就真係好熟流行音樂嘅編曲，熟過特首辦用公帑請嘅膠人多多聲。

「包 致 金 姪 女 Amina 違 5 感 化 令 　 即 時 判 監 6 星 期 2010-12-23 HKT 12:17 終 審 法 院 常 任 法 官 包 致 金 姪 女 Amina ， 違 反 感 … Continue reading →

聖誕權真係超錯 XD

繼續講今期壹仔封面古仔，亦即係任生嘅自述。 1. 好多謝任生向壹仔大爆案情，好多撐任生嘅友仔，話其他花生黨好似小弟咁呢，討論任生係唔啱，妨礙司法公正喎。只不過，呢鋪任生真人示範，佢自己喺壹仔討論案情，仲要直接同受害人有關嘅，既然任生都講咗，咁其他人就可以根據任生所講去評論案情。所以，我好多謝任生架。 2. 雖然陳大文upload咗有關任生單案嘅壹仔古仔，但我都要媽叉佢，之前我地花生黨食花生，就話我地呢啲討論案情嘅人，更加唔好講受害人根本不可能同傳媒透露點受害，但係任亮憲喺壹週刊大講案情又得，陳大文即時upload，而且任生擺明對受害者搞人格謀殺，咁又無問題，究竟呢啲係乜雙重標準嚟嘅呢？ 3. 不過小弟仲有一樣嘢佩服任生，就係任生竟然喺刑事案跟身嘅情況下，仲有膽意圖利用民事途徑告人發律師信。嗱，小弟雖然無正式發過律師信，但小弟作為一個身家清白嘅人，有人講啲唔合事實嘅嘢要求民事濟助查實都好正常，咁小弟就被人封咗係律師信魔人。依家警察喺有合理懷疑情況下，有一定證據支持下，己經拘捕任亮憲在先，有人討論任生嘅嘢，任生就夠膽出律師信。我想問邊個至係律師信魔人？我諗律師信魔人嘅稱譽，留番俾任亮憲先生吧。

陳大文部落：高清全版本) 任亮憲-馬草泥強姦案專訪 先多謝陳大文極速將今期壹週刊頭條嘅古仔scan上網，只不過，《壹週刊》有兩張相嘅caption，引發極大疑問： 1. 「任亮憲去年被傳媒影到與妻兒參加六四遊行，他重申當時己分居」 2. 「任亮憲與前妻零七年十二月結婚，今年六月法庭己頒准離婚令」 星屑醫生facebook講：「睇完，我唔明，他有哪一句是大話？我同劉嗡，在年頭到現在，一直 幫他monitor 同evaluate 他有關感情的說話，上年6月帶女遊行，12月攪完離婚，那時都未 去城市論壇。蘋果的訪問在五區公投前一兩個月，他說無女，有乜錯 ？” 」 我想問，邊個時間至係事實，依家就係得個亂字。同埋帶女遊行，又點樣令人信服係分居，真係奇怪。 司法機構：如何申請離婚 「是否必須說明提出離婚的原因? 呈請人必須證明他 / 她有理由（或根據）認定婚姻已到終結，即法庭所指的「婚姻已破裂至無法挽救」。 法庭會接受下列其中一項或多項理由為證明： 配偶曾與人通姦，而呈請人認為無法忍受與他 / 她共同生活。 配偶的行為令人無法合理期望呈請人可與他 / 她共同生活。 在提出離婚呈請前，呈請人與配偶已分開居住最少連續1年，而其配偶也同意離婚。 在提出離婚呈請前，呈請人與配偶已分開居住最少連續2年。 （在這種情況下，無須配偶同意離婚。） 在提出離婚呈請前，呈請人已遭配偶遺棄最少連續一年。 就共同申請而言，申請雙方必須向法院證明（a）在申請離婚前，雙方已分開居住最少連續1年；或（b）在申請離婚前不少於1年，已向法庭呈交一份經雙方簽署的同意書（表格2E）而該通知書其後並未被撤回。」 我唔排除任生可以唔駛分居1年（由向法院發出雙方同意分居的書面通知），小弟問過法律界人士，只不過呢種情況下可以頒出離婚令，情況仲大劑 1. 有人通姦 2. 有人作出不可接受行為，例如打老婆 出現以上行為，幾乎係上庭唔理分居幾耐，都會發出暫淮判令（decree nisi），咁任生咁快話拎到判令，係唔係呢啲更不堪嘅情況？唔怪得講得咁唔清唔楚？任生係唔係應該講清講楚咁？而如果任生係因為通姦而唔駛分居一年就拎暫淮判令，係唔係星屑醫生應該履行佢喺facebook嘅賭注？ 仲有，正常嚟講，decree … Continue reading →

PRC VPN 想在聖誕期間，在中國外遊免受防火牆困擾，或者在香港，透過VPN觀賞BBC本土，或者ITV（包括部分英超賽事）節目，可以訂購PRCVPN，每月月費三十元。 香港健康產品 除了原有Honest Tea同Aveeno產品，現新加Bath & Body Works以及Aveeno Baby產品優惠。 此外，訂了羅技G27的朋友，小弟將於日內逐一發信通知發貨及付款詳情。

最近，有人寫咗隻叫「網絡發言防和諧器」嘅犀利軟件，用佢嚟發政治文，GFW嘅自動系統都偵測唔到，要system admin或者啲五毛黨自已刪飽佢，相當好用。 查實，呢種唔係新創意，高登仔一早發明咗。 話說2003年至2005年，高登admin為防阻止班高登仔講粗口，發明咗粗口filter，打咗粗口入去全部變晒另一啲嘢，所以至有爆粗問候人老母變咗暗戀人老母嘅膠事。後來，有高登仔發現咗粗口filter嘅漏洞，寫咗隻粗口輸入器，所以網絡發言防和諧器，只不過係粗口輸入器嘅「加大碼」版。 當然，網絡發言防和諧器係實用性，唔係粗口輸入器擺明玩膠。只不過，以網絡發言防和諧器嘅基礎，加上類似粗口輸入器嘅創意，應該可以搞中國網絡遍地硬膠。玩殘啲網警同五毛，都係一種賞心樂事。

「港 大 民 調 ： 港 人 對 「 中 國 人 」 認 同 感 下 跌 2010-12-21 HKT 15:32 港 大 民 意 研 究 計 劃 ， 在 本 月 初 訪 問 1 千 名 市 … Continue reading →

「中國外交部發言人姜瑜表示，香港政府與菲方就馬尼拉 人質事件後續事宜進行了商談並已達成一致，對此表示歡迎。 姜瑜說，上周，菲律賓 旅遊部長訪問了香港。根據香港政府通報，特區政府 與菲方就人質事件後續事宜進行了商談並已達成一致，他們對此表示歡迎。他們希望有關措施盡快得到落實。 （中新社）」 中國當局係咪喺菲律賓挾持人質上放過菲律賓，嚟換取菲律賓唔出席諾貝爾和平獎？呢啲吃裡扒外嘅賣港行為，等同漢奸。 我依家至知，最大件漢奸，原來喺北京中南海。

英國本土面臨真係百年一遇低溫兼大風雪，搞到英國航空交通大亂，大批旅客滯留希斯路機場唔知點算好。 對包機接旅客，小弟認為呢個諗法有啲膠，因為依家問題係因天氣，飛機降落唔到，而且呢個問題就算你安排坐歐洲之星都無用，因為歐洲都係被大雪所累。 當然，香港人滯留當地係要照顧，但政府要分緩急同嚴重性。 1. 如果果條友係英國公民同葡國公民，我話之你乜年紀，香港政府嘅包機都唔應該照顧佢地，英國公民嚟講，英國就係佢地Homeland，葡國公民係歐洲公民，有乜事向英國政府求助，無話幫唔到你。記者最好查查，邊啲高官子女滯留又揸居英權護照（即係英國公民），係嘅話唔該呢啲官員辭職。 2. 如果滯留當地嘅港人，喺英國有住宿地址，例如學校宿舍，唔該唔好返香港，返少香港一次渡聖誕唔駛死嘅。 3. 國泰又好，政府又好，真係要照顧係當地無住址，又事前無準備嘅公幹及旅遊旅客，或者己經退咗宿嘅學生，佢地至係苦主，而且佢地真係孤立無援。 香港市民對不少高官子女，同埋港孩要求政府派包機係好有意見，如果真係要做包機安排，唔該先照顧無準備嘅公幹客同旅客，唔係有宿舍住嘅學生。同埋如果要包機，政府不如諗住萬一南北韓開拖，喺首爾、濟洲等地嘅香港人點撤離。