多謝任生自爆內幕

繼續講今期壹仔封面古仔，亦即係任生嘅自述。

1. 好多謝任生向壹仔大爆案情，好多撐任生嘅友仔，話其他花生黨好似小弟咁呢，討論任生係唔啱，妨礙司法公正喎。只不過，呢鋪任生真人示範，佢自己喺壹仔討論案情，仲要直接同受害人有關嘅，既然任生都講咗，咁其他人就可以根據任生所講去評論案情。所以，我好多謝任生架。

2. 雖然陳大文upload咗有關任生單案嘅壹仔古仔，但我都要媽叉佢，之前我地花生黨食花生，就話我地呢啲討論案情嘅人，更加唔好講受害人根本不可能同傳媒透露點受害，但係任亮憲喺壹週刊大講案情又得，陳大文即時upload，而且任生擺明對受害者搞人格謀殺，咁又無問題，究竟呢啲係乜雙重標準嚟嘅呢？

3. 不過小弟仲有一樣嘢佩服任生，就係任生竟然喺刑事案跟身嘅情況下，仲有膽意圖利用民事途徑告人發律師信。嗱，小弟雖然無正式發過律師信，但小弟作為一個身家清白嘅人，有人講啲唔合事實嘅嘢要求民事濟助查實都好正常，咁小弟就被人封咗係律師信魔人。依家警察喺有合理懷疑情況下，有一定證據支持下，己經拘捕任亮憲在先，有人討論任生嘅嘢，任生就夠膽出律師信。我想問邊個至係律師信魔人？我諗律師信魔人嘅稱譽，留番俾任亮憲先生吧。