月份彙整十二月 2010

好坦白，小弟唔係iTV Coronation Street嘅擁躉，我想借套片嘅intro嚟講，一啲香港消失咗嘅嘢。 小弟以往讀書嘅地方又好，住嘅地方又好，同貓都係好有緣，小弟住喺北角舊樓嘅日子，層層都有一隻或兩隻無家可歸嘅貓周圍走，呢啲貓某程度係舊樓衛生系統嘅一部分，因為佢地好鍾意捉老鼠。無人管呢啲貓，只不過有兩三戶人會俾啲新鮮魚佢地食，日頭就懶洋洋訓佢嘅覺，夜晚老鼠就唔敢放肆。只不過，呢種天生天養嘅「獅子山下精神」就消失咗。 中大係一間傳統上唔係咁英國嘅大學，只不過，有樣嘢絕對係中大傳統，叫做中大貓，因為中大佔據成個馬料水山頭，實有一啲貓走咗入中大範圍。中大貓同啲舊樓貓又唔同，中大貓我可以叫做「公共寵物」，因為呢啲貓唔怕人，又成日走喺中大宿舍或者學生會辦公室附近，久而久之有愛心嘅學生、教職員餵養，呢啲喺中大自出自入嘅「中大貓」久而久之變成咗大家生活嘅一部分。而膠樽義仲係中大校長果陣，話太多流浪貓喺中大繁殖，要搵漁護署咁制，後嚟中大有校友同學生，入去幫啲貓絕育，雖然查實係有問題做法。中大咁多年嚟，都係咁樣人貓共處，你膠樽義管咁多把叉？ 英國iTV Coronation Street將流浪貓四圍走放入opening theme（到依家2010年版都係），因為呢啲依賴社區，但又唔係固定一戶養嘅貓，係城市人情味嘅一部分。所謂獅子山下精神又好，歲月神偷果種韻味都好，呢啲舊區人情味係不可或缺。但依家林鄭月娥嘅強拍，搞到田生地產大肆入侵。呢啲城市貓如果只係西方電視劇至睇到嘅回憶，我諗都係幾荒謬。

壓倒「繁榮」 市民最盼香港「公平」 對當政者嚟講，呢個係一個重要訊號，市民對大財閥主導一切嘅情況唔係太容忍到，己經變成咗明顯不過嘅現實。 依家己經唔係乜嘢八十後七十後定世代之爭咁簡單，而係呢個情況變咗「階級鬥爭」果陣，步向法國大革命果挺情況，好可能就係香港將要面對嘅情況。 唔知香港當政者，聞到棺材香未？

以上的「海報」，是中國網民號召參與「樂清獨立調查團」用，而借用，正是《讓子彈飛》的角色。當然，現實的調查不可能像片中的「張牧之」，帶一隊武裝人員入村調查，但由這個改圖，己經充分反映中國人對權勢的不信任。 而且樂清一帶的抗爭，並不會因為有村民錢會雲被人活活用行刑式輾死而結束。事實上，當地不少上訪人員都表示不怕死，因為他們沒有東西損失，零星的武裝抗拆（例如自行改裝土製大炮對付拆遷隊），以至上訪事件，最終會匯流成武裝騷亂，因為不搞出來事根本沒人為你討回公道。像錢雲清在天涯的post，在他死前的回應是零。但死後就有大量人開始關注樂清。 零星這類「圍觀事件」、「武裝騷亂」一多起來，四處都有火頭，中共就疲於奔命，只要有點像四川保路風潮之類危機，政權就可能無預警完蛋，因為政府威信早就蕩然無存。 所以有人說井水不犯河水，我說河水亦最好不犯井水，有必要時，井水也得要來個「東南互保」，大家曉小弟的意思。

「索羅斯嚇壞出口商 午盤暴升1.139元 2010-12-30 12:18 中廣新聞 張雅惠 市場傳出，國際炒手索羅斯鎖定新台幣匯率，索羅斯並非等閒之輩，「恐索效應」嚇壞了出口商，新台幣匯率盤中飆升一點二零一元，以二十九點一九五再度刷新十三年來盤中新高；午盤暫收二十九點二二八，暫升一點一三九元，台北匯市成交量放大到七點六七億美元。 」 索羅斯如果真係以狙擊新台幣為目標，小弟睇未必。 索羅斯確係好鍾意喺個市超靜嘅時間興風作浪，上鋪金融風暴就揀喺1997年7月1日出手，泰銖即刻食咗屎。只不過，索羅斯真正嘅大茶飯，並唔係新台幣。 新台幣係索老嘅練兵場，因為台灣樓市失控一定要加息打壓，升就升硬，索老原本想攻入嚟無人知，新台幣係受管制貨幣，又係台商用嚟結算嘅貨幣，所以要攻大中華三地嘅貨幣，新台幣係最佳練兵場。 喺胡錦濤訪美前，中國因為要向美國示好，所以會任由人民幣升一陣子，索羅斯點挾升人民幣，中國亦都唔會理（理嚟做乜，有人幫你做，你唔通自已郁手），只不過，當索羅斯嘅手影出現咗喺台灣果陣，大家應該要預算到，2011年香港個市係殺戮戰場，你自問無能力玩嘅，唔該依家諗走退出計劃，呢個場唔係人玩。

以上片段係英國ITV播嘅Law & Order: UK嘅Opening，Law & Order係少數玩齊世界咁多個大城市嘅美劇，Law & Order本來場景設定喺紐約，最近整咗個洛杉磯版（因為洛杉磯同紐約民情係兩回事），而英國、俄羅斯同法國都有本地化嘅改編版本。法國選擇咗Law & Order Criminal Intent嚟改編，因為Law & Order當中涉及太多同Common Law有關嘅嘢，而Criminal Intent只係講Criminal Procedure，無咗法庭辯論果部分。 查實中國、香港、台灣追開美劇嘅人，都知道Law & Order係乜，如果要整個講華語嘅版本，應該用乜城市做場景。答案好簡單：香港。 我講過n次，香港到今日都係一個縮水版嘅聯合王國，至少法律上係，所以Law & Order UK同Law & Order原裝本地化撈亂用都仲得，特別認真要寫啲有關案件果陣，Law & Order UK香港化好可能稍加改動就搞掂。 而且有啲罪案，可謂香港特產，西方世界對港產片嘅世界有一定認知，配番音可以出口番去西方國家，甚至有啲劇情可以回饋番依家仲拍緊嘅Law & Order系列，因為Law & Order都幾鍾意拎啲現實案例嚟改寫或影射，香港可以提供唔少素材。而對中國睇開美劇嘅觀眾，香港係一個可以切入嘅地方。一個用漢字嘅普通法司法管轄區，無幾多個。 當然負起呢個重任嘅電視台，絕對唔係無線，喺壹傳媒開始喺台灣開播電視台，同埋PCCW進軍免費電視有機會成事，我諗壹傳媒或PCCW是但一個台，都可以將Law & Order本地化做得妥妥當當，一個電視劇玩齊紐倫港咪話唔爽。

「周 松 崗 宣 布 明 年 底 約 滿 退 休 2010-12-29 HKT 17:35 港 鐵 行 政 總 裁 周 松 崗 宣 布 ， 將 於 明 年 年 底 ， 合 約 屆 滿 時 退 … Continue reading →

「 民記靠鄧麗君籌1000萬 【明報專訊】除選舉，籌款係每個政黨重要環節，好似民主黨10月時搞黨慶晚宴，結果籌7位數字，但要講到吸金能力，民建聯眾政黨中認第二，都應該無人敢認第一。好似最近民建聯協辦音樂劇《愛上鄧麗君》，包一場演出籌款，民建聯副主席蔣麗芸話，呢個活動已經成功為個黨籌得超過1000萬元。」 乜民建聯認為侮辱死人，借死人個名招搖撞騙好好玩，抵佢被稱為禮義廉黨。 我一直都記得鄧麗君嘅政治信仰，堅持中國嘅民主同三民主義，以下係鄧麗君講過： 「我回大陸演唱的那一天，就是三民主義統一中國的那一天」 「親愛的大陸同胞們，你們好，我是鄧麗君。我現在來到金門廣播站向大陸沿海的同胞們廣播，我今天要跟大家說的是，我很高興地能夠站在自由祖國的第一前線——金門，我感覺到非常地快樂、非常的幸福。我希望大陸的同胞也可以跟我們享受到一樣的民主跟自由，唯有在自由、民主、富庶的生活環境下，才能擁有實現個人理想的機會；也唯有全體青年都能夠自由發揮聰明才智，國家的未來才能充滿光明和希望。我希望很快地能夠再回到金門，跟金門的弟兄們見面；當然，還有跟沿海的大陸同胞們通話。在這裡祝大家身體健康，民主萬歲！謝謝！」 民建聯作為中國共產黨嘅外圍組織，有乜資格借鄧麗君個名嚟籌款。呢種政治騙徒，我地一定要說不。

「政情：辦世界盃港府諗壞腦 特區政府民望低沉，成日想借舉辦國際體育盛事沖喜迎新，申辦二○二三年亞運會，幾乎鐵定失敗告終，但呢盆冷水似乎仲未足以淋熄港府嘅雄心喎，我哋聽聞，面對民意巨大反彈，港府對申亞早已不存寄望，反而有人忽發奇想問：申辦世界盃好唔好呢？ 有建制派立法會議員透露，港府申亞嘅拉票攻勢，臨近聖誕前已全面煞停，代表港府不再存有幻想，之不過，申亞大龍鳳照樣會足版上演，明知要求民建聯轉軚無望，無法湊夠支持票都好，依然極有可能喺農曆新年之後，向立法會財務委員會提出申請撥款，由議員否決，讓申亞計劃「自然死亡」，算係正式為事件畫上句號。 「德成局長」曾德成申亞夢碎，不過港府中有人認為，申亞搞唔成無所謂，搞世界盃又得唔得呢？申辦世界盃以國家為單位，如果香港要搞，即以中國名義申辦，實際籌辦嘅主角係香港同珠三角城市。嘩，一場申亞美夢，令香港精英運動員磨拳擦掌，如果舉辦世界盃，全港球迷舉腳贊成，淨係講吓都令人好亢奮喇。 」 小弟睇完呢篇《東方日報》嘅報導，第一時間諗係，民政事務局高層乜有林忌嘅忠實fans，仲要一開口膠力乘大十倍，真係高人。 話說政府再申亞之後，林忌周圍同人推廣，不如直接申辦2022冬季奧運算喇，既然要mission impossible，不如嚟個勁啲，喺熱帶地方搞冬季奧運，所以搞咗個2022爭取冬季奧運嘅facebook page，當然大家知道，係玩緊膠，真係Final Fantasy。 政府內部嘅玩膠高手，明顯比我地呢啲平民知道高官好大喜功嘅口味，可能有人以為香港足球已經起飛心都雄埋，所以就投其所好直頭申辦世界盃。 講真，如果曾德成有意申辦世界盃，真係唔知支唔支持好，喺香港公然捧英格蘭或者荷蘭係好爽嘅事，只不過曾德成真心膠力十足，稍為支持佢都怕佢會認真執行，一個唔好彩爭到返嚟，真係唔知點算，連卡塔爾都可以辦世界盃，咁只要曾德成俾FIFA嘅膠人夠甜頭，又唔怕被BBC Panorama攝製隊捉到行賄，爭到返嚟真係頭都痕，心情好鬼矛盾。 正如吾友Ryanne喺twitter度講，不如爭一級方程式喺香港舉行實際啲。你曾德成要好大喜功，咁唔該搵啲可能大家有興趣，又搵到食，又唔會太頭痕嘅返嚟玩。

港區人大代表信誓旦旦話趙連海獲保外就醫，結果就係趙連海網站寫咗啲嘢，但啲嘢係唔係趙連海寫都唔知，中國網絡監控發展到有幾出神入化，大家都心照。 中國當局發展到連趙連海都咁搞果陣，無恥程度比劉曉波情況更升級，正所謂無恥無極限，下鋪可能嚟單更衰。中國想做文明國家，發夢你就有份。 對呢啲國家，基本上零期望。 後話：民主黨、社民連（現內閣）、公民黨、民協都有為趙連海事件奔走，但某個聚集網絡打手嘅網站，仍然沈醉於黨內內鬥。呢啲叫民主派？收工喇。

今日中國網絡出現史無前例嘅大亂局，依家香港人係入唔到去淘寶網買嘢，而中國大批網民，連GMail都入唔到。 我唔知中國當局玩乜膠，但依家好明顯中國當局對網絡嘅威力越嚟越驚，結果做嘅嘢越嚟越無恥，無恥到影響經貿嘅地步，呢個世界唔少大中小公司用緊Google App至得。 但可以肯定，呢鋪硬膠只會搞到中國人人VPN。