月份彙整十一月 2010

黃世澤：中國應有秩序讓韓國統一 英國衛報：中國支持韓國統一朝鮮半島的國務院機密文件 「The VFM commented that China had far less influence on North Korea “than most people believe.” Beijing had “no will” to use its economic leverage to force a change in Pyongyang’s policies and the DPRK leadership “knows it.”」 … Continue reading →

「日期： 2010年 9月 事件：倫敦飛香港的波音 747-400客機因壓力控制閥故障，需在空中緊急釋放燃油並折返倫敦 日期： 2010年 7月 事件：溫哥華飛香港航機遭登機橋撞毀機身，被迫停飛 日期： 2010年 6月 事件：墨爾本飛香港客機在跑道準備起飛之際引擎故障，延飛 18小時 日期： 2010年 6月 事件：香港飛荷蘭的 747客機途中一個引擎失靈，火花四濺及冒煙，機長即時關上出事引擎，安全着陸 日期： 2010年 5月 事件：香港飛台北的 747客機因引擎故障折返香港，降落時機尾冒出火花 日期： 2010年 4月 事件：印尼泗水來港航班兩個引擎先後失靈，要高速滑翔急降，有 6個機輪爆胎，全機人員要由逃生滑梯疏散， 8人受傷 日期： 2009年 7月 事件：載有 398人的香港飛札幌 747客機因機艙突然冒煙，需急降九州福岡機場 資料來源：《蘋果》資料室 」 小弟近年成日坐國泰或者港龍嘅客機出入，所以見到咁嘅紀錄，大佬，唔驚就假，我坐國泰都係求一個安心（啱啱去台灣坐華航，講真，啲機師嘅駕駛進取度嚇親人）。 國泰嘅機一定係港機工程做維修，以往港機工程嘅維修係有保證，只不過呢，港機工程近年唔少維修都搬咗入中國做，我諗突然跌Watt跌成咁，應該要有個交代，好多香港人坐國泰，好多香港年青人任職國泰做空姐。近半年每個月都嚟一單膠嘢，係會影響國泰個品牌。

有位叫阿貓嘅原居民，不惜無證據含血噴人誹謗菜園村居民事件，小弟雖然去咗台灣幾日，十二月亦應該好唔得閒，但小弟無諗住就咁算數，小弟實會力查到底，並且要求新浪香港，一係要求阿貓為佢自己言論負責，一係新浪香港幫埋佢負責。但另一方面，有幾點可以分享： 1. 我發現撐阿貓嘅留言，只喺UncleRay嘅博客出現，而且好多唔同嘅名，好明顯五毛空群而出，但喺我呢度Wordpress.com系統，小弟一個都未見，班五毛黨根本係用分身扮多人。因為Wordpress.com有公布IP政策，用同一個IP搞屎搞尿一定被小弟發現，如果啲IP屬於個別公司或團體，小弟要查出亦唔難。 2. 以小弟嘅人脈網絡，再掌握嘅信息，類似阿貓嘅言論，除咗出自《文匯報》，小弟發現喺接近地產界嘅友仔，亦流傳相類耳語。當然記者唔敢用阿貓啲料，否則真係有人告上法院都似，但小弟大致上掌握到，呢啲耳語係邊啲人作出嚟。 如果有人提供到阿貓嘅真實資料，小弟鼓勵各位做吹哨者，如果有政府文件，真憑實據，既然大家睇Wikileaks睇得過癮，可以不妨放埋上Wikileaks嘅，只不過，點解一直只有一堆五毛出現，我未見過一位深喉俾啲真憑實據我睇嘅。

「曲: 鄧智偉 、葉肇中 詞: 陳詩慧 唱: 古巨基 未懼身上被子彈留痕 維護妳我卻甘於捨身 站在風浪下對抗黑暗 而為妳 是毫無疑問 烈火熊熊升起 圍牆徐徐倒地 嗅著漫遍夜空血銹味 蝴蝶長埋土地 情愫長留於天地 亂世中煙火摧毀不了傳奇 漫天的炮火混亂地湧起 處身危城可不理 為祇要捍衛驚恐的妳 就是未怕死 未懼身上被子彈留痕 維護妳我卻甘於捨身 就讓天下在見証足印 誰為愛 活過而無憾」 《巾幗豪情2義海豪情》最令小弟印象深刻並非劇集本身，而是主題曲，香港很久沒有一首電視劇主題曲，令人如此印象深刻。而香港近十多年，除了Beyond的歌，最缺乏是熱血的歌，這首令人眼前一亮。 一如《義勇軍進行曲》，大家知道是中華人民共和國的國歌，但忘了這是電影《風雲兒女》的主題曲，亦是國軍遠征緬甸第200師軍歌（200師師長戴安瀾，在1942年身殉英屬緬甸，戴安瀾也是在廣西崑崙關之役扮演重要角色，日後如果有日大政奉還中華民國，義勇軍進行曲可以恢復原有國軍軍歌的角色），《義海豪情》這首陳詩慧的作品，日後大家記得，可能是政治歌曲。 1. 這首歌，我第一時間想起是一九八九年北京大屠殺中抵擋子彈的北京市民和學生，特別是替學生擋子彈的無名市民，很多這類事情還未有機會清查出來，而不是《義海豪情》情節，我懷疑李添勝有心，因為陳詩慧有做過地下唱片背景，寫得出來的。明年支聯會八九六四集會，可以拿這首歌來用（對那些看CCTVB劇的人，可以即時想到六四是怎樣一回事，配上王維林擋坦克的畫面就是，王維林那種真的叫慷慨就義）。 2. 自《血染的風采》後，近代極缺乏這類講明會捨身成仁的歌（中國最缺這種熱血），日後如果爆發革命，大家會想到這首歌將會有什麼用途。 這首歌或許是意外，但某程度上是反映香港社會集體潛意識，流行文化往往比實情早一兩年，在側田的《命硬》流行，以及cctvb《巾幗梟雄》大收後，香港不久便爆發反高鐵、五區公投等事件。在《義海豪情》後，大家想起中國順德陳村的暴力衝突時，大家應該想到什麼力量潛藏於香港民間。

如果義海豪情喺早少少拍，或者套劇只賣去南洋唔賣去中國（好似第一集巾幗梟雄咁），我諗李添勝至可以講番佢自己想講嘅嘢。 由巾幗梟雄一睇，李添勝對時局，以至共產黨係好有意見，呢個亦係點解巾幗梟雄同時得到師奶同一啲對TVB劇唔滿意好耐嘅人共同欣賞原因。如果套劇製作果陣仲係陳志雲當政，未必河蟹得咁厲害，大家睇節目巡禮果個版本，應該預期原來版本係好激吓（甚至我有理由相信，呢個係李添勝對時局的警告）。 但李寶安只會諗賣唔賣到中國嘅問題，結果儘管有部分無線高層唔識睇對時政嘅睇法，得以保留落嚟，只不過喺中國己經ban咗有關部分，小弟相信呢部片，最後只能賣去南洋。只不過，好多地方唔係被迫多餘咁寫（結局），就係唔合歷史事實（例如抗戰勝利無青天白日滿地紅旗）。所以，小弟睇咗幾集，就放棄無睇義海豪情。 講真，義海豪情應該重拍，但可能係中國共產黨倒台之後。韋家輝嘅《大時代》可能係唯一反共反到底嘅傳奇。

繆美詩：直資風波 喺香港，做評論絕對唔同人要有唔同分工，因為膠問題太多，葉問都搞唔掂。好似直資問題，小弟承認自己一直睇漏咗。 直資學校問題，基本上同政府做漏一樣嘢，同香港家長心態有關 1. 政府撥得錢俾呢啲團體，應該要求佢地有個services agreement，亂用撥款唔單只無直資身份，仲要係追番啲錢。簡單嚟講，政府撥咗筆錢後嘅監管，如果無審計署核數，一早亂晒大籠。 2. 香港啲家教會係乜嚟，入得家教會嘅家長，以小弟以往觀察，好多係想擦教師鞋，幫自己仔女搵著數嘅家長（例如指派仔女做學長，犯事放軟手腳）嘅平台，所以家教會唔單只因Rachel講嘅心態問題，更大鑊係家教會嘅家長，一定係校方管理層嘅死忠，果吓大件事。 所以，香港搞直資，家教會監察係廢，而校友會監察都會係廢（你睇中大好似香樹輝呢啲友仔咪明囉，保駕護航就有，完全唔記得應有責任），可能最後係直資要受監管要同津校一樣嚴，呢個就係香港呢個硬膠城市悲哀之處。

BBC: FIFA’s Dirty Secrets（要睇節目內容，需要UK VPN或UK Proxy幫忙，或你人在英國本土） 明天記得留意BBC One Panorama，有關篤爆英格蘭賄賂FIFA人員爭取世界盃主辦權報導。 新華社班硬膠，講到英國首相David Cameron想迫BBC腰斬呢個節目咁， 「BC創建於1922年10月18日，屬於公共服務廣播公司。它的主要經費由人民提供，政府徵收，議會批准。具體地説，英國居民要想收看電視就必須向政府繳納電視費。電視費的收取標準每年由政府提出，議會批准。以今年4月的數據來説，平均每戶繳費的金額是145 50英鎊。這筆錢的最終使用者就是BBC。故此，BBC奉行直接對公眾利益負責的編輯方針。為了申辦世界盃，這一次政府能否打破以往的慣例，直接干預其運作的獨立性，將會引起人們的關注。」 新華社硬膠原文 你估特膠政府干預香港電台呀，David Cameron試吓公然阻止BBC One播呢集Panorama，我敢擔保呢劑嘢即變醜聞，然後一係David Cameron辭首相兼辭埋議員一職，一係就內閣請求女王解散國會大選，BBC工會亦會即刻罷工話知你死。 事實上，呢啲爭取國際體育賽事主辦權涉及貪污，唔係乜新聞，特別世界盃，涉及大量商業利益，所以香港唔適合申辦亞運，如果曾德成同霍震霆為求目的不擇手段，香港邊度嚟好似BBC Panorama或者Newsnight呢啲咁夠薑嘅調查新聞節目？

市　別 國民黨 民進黨 無黨籍 親民黨 新黨 台聯 總計 台北市 31 23 2 2 3 1 62 新北市 30 28 8 66 台中市 27 24 10 1 1 63 台南市 13 27 17 57 高雄市 29 28 8 1 66 總計 … Continue reading →

呢次選舉，可謂小弟少數對綠營跌眼鏡嘅選舉。當大家講緊政黨勝負果陣，小弟有啲擔憂，不妨初步分享。 1. 由高雄陳菊大勝（民進黨將楊秋興票全部當藍營投，但事實上，有啲高雄縣民，係綠營支持者但會投楊秋興，事實上楊秋興應該代表親民黨 + 綠營高雄縣部分票就啱），台南賴清德一面倒，仲要綠營重心兵力唔喺南部。ECFA之後，南台灣藍營再難經營係肯定。 2. 高雄市議員選舉，陳水扁個仔陳致中，被人狂唱叫雞都第一名當選。可以睇到，喺南台灣，陳水扁係佢地嘅英雄。再搵扁案抽水，就係北台灣效果一流，但喺南台灣抽中鏹水。加上連勝文都不幸被槍擊，所以我建議，藍營無必要再抽扁案水，雙刃劍嚟，好難用。 3. 新北同台北，雖然打得好靚，但蔡英文最後時刻火控失敗，結果就由贏變輸，呢個會影響民進黨會唔會繼續走中間路線，定係北部維持基本盤算數。 4. 小弟同林忌，以至其他喺當地嘅評論員交換過意見，依家台灣出現咗唔問實績，唔問實際政綱，只問政見相同嘅情況，呢股陳水扁年代遺風，喺藍綠之間都揮之不去，咁樣會出現各走極端狀況。 5. 而中部台中市，以及民風慓悍著稱彰化縣和雲林縣，將會喺2012決定勝負，因為雙方各自回歸基本盤，咁樣就好似2004年咁，由呢三個縣市嘅「游離人士」決勝負，只不過彰化偏藍，雲林偏綠，結果最終係台中決勝負。但果度嘅地方派系，講緊果啲人馬就⋯⋯藍綠都唔係，而係鎮瀾宮。 即係話，除非馬英九禁晒啲地下賭場佢，否則乜嘢膠事都可以發生，我唔曉估。 （如果大家睇得明呢篇文，應該估到，點解連勝文咁唔好彩，竟然要食子彈。而依家台灣政治其中一個硬膠關鍵係，一啲做事章法完全你估計唔到嘅地方人士，我發現估計選舉結果隨時同寫馬經無分別）

小弟好快會離開休息嘅地方，前往重要開票中心觀察。 但依家出現情況係，台南、高雄兩個城市無懸念，民進黨絕對可以死守，但北北中全面繃緊，遠見民調出現北北中全部在差距範圍。 台北同新北都有兩個指標性票站，台北是天母天玉里，而新北是板橋華興里，因為這兩個票站的人口結構與總體人口結構一樣。而出現可能好大爆冷結果（小弟都跌眼鏡），如果根據華興里的現有結果，雙方票數差距極小，但根據天母里結果，蘇貞昌無法攻下台北市。 只不過，可能最大爆冷，就是看來很穩陣的胡志強，不是大勝，有可能小勝，甚至輸掉。 小弟粗略解釋，由於槍擊事件，令台北市深藍選民出來挺郝龍斌，但治安爛爆的新北市和台中市，特別治安人人知道爆透的台中市，同時激出中間選民要出來。 換言之，就算國民黨北北中全面固守，都將會好煩。因為，一旦換成總統選舉結果，大家想一想什麼事。