月份彙整十月 2010
捍衛品味
上個禮拜法國LVMH集團收購Hermes 14.8%股權，而且價錢幾抵。 價錢抵係一個因素，但係Hermes家族肯俾LVMH買14.8%股權，而LVMH又肯唔入董事會，果吓先神奇。呢個收購唔係銀紙咁簡單，係法國佬先下手為強，防止中國暴發戶入侵嘅重要一著。 近年中國溫州佬喺意大利大肆收購中小型品牌，然後大請溫州新移民親友嚟做，搞到Made in Italy個名聲價大跌。而做Prada同Miu Miu嘅Prada集團已經被中國收購者虎視耽耽，如果Prada真係放棄家族持股，喺香港上市，小弟祝佢地好運。 法國佬對自身文化好重視，而做得時裝名牌嘅，佢地知道佢地嘅價值係品味嘅堅持，間公司落入中國暴發戶手上就實死無生。所以我相信法國各大主要名牌之間，會開始以互相控股方式防止中國暴發戶來犯。中國貪官買佢地嘅產品或者無問題，但中國投資者要買埋公司就等下世。 老實講，中國改革三十幾年，但仲係成個野蠻國家嘅嘅款，對果啲名牌嚟講，有啲咁樣暴殄天物嘅消費者已經係災難，更何況落入呢啲人嘅手。
郭台銘係咪應該同全世界解釋吓？
「蘋果手機在華女工據報中毒無法行走 2010-10-26 HKT 16:19 澳洲傳媒報道，中國蘇州一間生產蘋果電腦和iPhone手機的工廠，一批女工因工業中毒無法行走，已入院超過半年。 澳洲廣播公司駐華記者說，他在蘇州第五人民醫院，訪問這批女工，她們表示，在通風不足的廠房內，長期吸入化學溶劑「正己烷」」（n-hexane），導致中毒。其中一人說，廠方用「正己烷」來清潔電子產品，並在產品貼上品牌商標。她一開始中毒徵狀已很明顯，雙手麻痺，難以步行或跑步。 蘋果公司拒絕證實，是否有外判生產工序到蘇州的工廠，但強調公司對所有供應商，都有嚴格的工業安全要求。」 小弟一直以嚟都強烈拒用金山工業(GP嘅生產商)嘅產品，因為金山工業生產工序置人命於不顧，又唔俾醫藥費。所以，小弟睇到澳洲廣播公司嘅報導，感到好心痛。 正已烷唔係乜嘢新嘅工業用溶劑，只不過長期接觸正己烷嘅危險性幾乎全世界都知，美國依家要求工廠保證工廠通風極為良好，空氣中嘅正已烷含量唔超過50ppm，依家郭台銘懷疑膠到用正已烷抹iPhone touchscreen，一定唔可能合符50ppm嘅美國安全標準，無良工廠實有富士康份。 郭台銘應該向全世界交待清楚，究竟佢係點樣管工廠，因為搵工人用正已烷抹Touchscreen結果就係實有工人慢性中毒，只有用機器嚟抹玻璃至可能用正己烷。相信好多iPhone用家，並唔想用一部生產程序罔顧人命安全嘅電話。
應該為徐若瑄鼓掌
小弟好少喺報紙文章，擺明車馬支持個別藝人（唔計小弟喺《南華早報招職》寫專欄果陣，因為果個係娛樂專欄），但呢鋪，小弟喺《自由時報》擺明車馬支持徐若瑄維護台灣嘅舉動。 江平講果啲完全係胡說八道，小弟喺《自由時報》嘅文章，向中國人講一樣嘢叫國際常識，大英帝國唔會膠到用British England、British Northern Ireland（我可以講，有人夠膽寫British Northern Ireland嘅話，保證打交，唔係講笑）之類稱號，香港喺英治時期都唔叫British Hong Kong，近年British Hong Kong呢個用法嘅興起，係香港人用嚟同中國劃清界線用，因為中國香港呢個稱呼實在太不知所謂。 香港人一直唔夠膽喺自己嘅傳媒，對「中國香港」呢個叫法說不，所以趁呢次機會，我順道為香港人講句公道說話。乜嘢中國香港、中國台灣，你當香港同台灣係殖民地？
法國為何最愛公投
法國國會參議院雖然己經通過退休金改革法案，但法國嘅罷工，似乎唔係點平息過。你話搵防暴警察，但大家都見到法國人有幾勁，隨手揸住催淚彈罐奉還俾警察。你話佢地激，法國人話呢個係法國傳統。 法國由於朝野兩邊都一定打到底嘅性格，所以喺法國，一係坐等民眾運動膠到引發政變為止，一係就係戴高樂將軍式解決方法：先曬馬，再公投。 如果依家仲係戴高樂做總統，戴高樂唔駛講實自己吹雞吹夠一百萬人上街反制，因為唔上街反制還以顏色，你點說服自己嘅盟友出嚟公投賭一鋪，然後就將個議題付諸公投，如果公投政府輸咗，就政府落台解散政府再玩過，如果公投工會輸咗，咁工會亦輸得心服口服，你敢違抗公投意旨嗎？ 法國係膠，係唔會膠到好似意大利咁，黑手黨長期阻止地球轉無人理，無人理到那不勒斯為咗擴建堆填區，反對民眾係唔係都燒垃圾車。講真，法國戴高樂乜叉都拎去公投嘅打法，可能係經常面對硬膠deadlock果陣最有效同和平嘅解決辦法，唔通你諗住由得罷工發展到革命，或者更膠嘅嘢？
近年最高招嘅恥笑行為
「智 利 頒 授 勳 章 予 33 名 獲 救 礦 工 2010-10-26 HKT 01:17 在 智 利 ， 被 困 地 下 礦 坑 70 天 後 后 獲 救 的 33 名 礦 工 ， 獲 頒 … Continue reading
江平條友都白痴
「 〔記者顏若瑾、王寓中、王述宏、俞肇福、特約記者曹姮／台北─東京連線報導〕中國代表團廿三日大鬧東京國際影展，無理要求台灣代表團須以「中國台灣」或「中華台北」名義出席，朝野立委昨天紛紛表示錯愕與遺憾，民進黨立委痛批這是馬政府傾中政策與態度下的結果，呼籲全面退出兩岸協商，否則不用等到二○一二年，台灣國際地位就將喪盡！ 民進黨主席蔡英文表示，這件事情讓我們認清一個現實，就是中國對我們主權的打壓，從來不會鬆手，不管我們怎麼樣委屈自己，去讓中國感覺到比較高興，「一點都沒有用」。她敬告馬政府，對這件事情不要太浪漫也不要太天真，因為這種事情的本質還是一直存在。」 本來真係唔想用「打飛機」呢個字嚟形容江平嘅行為，只不過，呢鋪變相為民進黨助選嘅行動，小弟只可以用打飛機打出膠嚟形容。 對英國人嚟講，你監粗要人要中國台灣或者中華台北都己經白痴，台灣政府無論喺土地、人民、法律三方面都有全面控制，台灣幾時係你中華人民共和國領土，台灣想叫乜都得，呢挺硬膠做法己經好膠。 但更膠嘅係，世界盃連聯合王國本土都分四隊波，英國貨好多時都係英格蘭製造或者蘇格蘭製造，咁聯合王國分裂咗未？英國人聽到中國人居然為咗咁大吵大鬧，只會覺得呢個國家啲領導係一班白痴嚟。 大家試吓用高登語言想像一吓個情景，你只會覺得，江平呢班友全屬生番，出去影展除咗提供花生位，乜嘢作用都無。
高登被指係有毒網站事件初步分析
近日用Firefox或者Safari睇高登，都會出現話高登係有毒網站，高登雖然叫人用IE 9，但高登仔十之八九都睬你都傻。 而根據Google分析，有幾個散播病毒網站嘅嘢掛咗上高登，應該似係有人貼啲有問題嘅嘢上去，依家將果幾件膠嘢嘅Whois提供俾大家分析 Domain Name : co.cc :: Registrant, Administrative Contact, Technical Contact :: Name : JONG SUNG, KIM Email : katoffel@nate.com Address : 864-2, JANGHANGDONG, ILSAN, GOYANG,GYEOUNGGI Zipcode : 410837 Nation : Tel : +82.319196171 Fax : +82.319196150 ::Name … Continue reading
反日反出火，大家準備好新時代沒有？
中國政府班硬膠，成日都以為自己有能夠控制反日浪潮，但似乎佢地呢鋪打錯晒算盤。 以上片段係日本朝日電視台嘅新聞報導，留意陝西省寶雞市嘅反日遊行，打出咗係民運嘅口號，包括英九哥，大陸人民歡迎你，反對高房價，以及要求多黨制等橫額。換言之，反日浪潮己經變咗第二樣嘢，但中國當局依家鎮壓反日，就實變汪精衛第二。 或許簡單啲講，中國己經進入巨變年代，唔知大家準備好未？
小弟無周光輝咁無恥
香港有啲政治既得利益分子，真係無恥得好得人驚，好似周光輝一條友揸三張飛，都認為自己問心無愧，我覺得幾得人驚。 如果無意外，2012年小弟都可能係三票黨成員，但三票黨小弟只係用嚟打擊保皇黨嘅工具，但三黨呢家嘢並唔係光榮，因為無理由我有專業資格，或者有一間公司，就可以多人一票，呢個同法國大革命前個議會有乜分別。周光輝問心無愧，證明條友無恥。 如果政府真係想政制有啲進展，唔該政改本地立法廢除公司票，公司票只係造票手段，對社會一啲好處都無。
社民連EGM真係值得直播
睇開BBC Parliament，都知英國國會各大黨，包括全國性大黨Liberal Democrat, Labour同Tory，以及蘇格蘭大黨SNP，佢地嘅黨周年大會都有直播，否則都睇唔到文立彬同文禮彬點樣兄弟相爭。 社民連好快會開EGM，小弟真係高度建議社民連諗計直播呢次EGM，一方面花生指數相當高，另一方面，呢個亦開創香港政黨提高透明度嘅先河，至少呢方面同英國四大黨睇齊，你話幾威呢？ 而且喺Twitter同Facebook小弟提出呢個建議後，得到熱烈回應，小弟覺得社民連應該諗諗佢。
