月份彙整十月 2010
Office 2011用得過
自蘋果跳槽到Intel平台以嚟，使用Microsoft Office都係令人媽媽聲，Office 2004唔係Universal唔在講，Office 2008嘅效能都唔係咁令人滿意，結果唔少人都某程度上跳到iWork嘅懷抱。 只不過，Office 2011正式出咗之後，小弟認為如果因工作需要用Microsoft Office，可以考慮一吓。 1. Office 2011效能好咗好多，小弟用緊Core 2 Duo 2.18 GHz嘅Macbook Pro，反應係比iWork以至Office 2008順暢，至少Microsoft有做好優化程式碼。 2. 如果唔用慣OS X本身iCal, Mail分開晒嘅玩法，依家Mac Office終於有Outlook，習慣玩一站式，會幾合呢啲人口味。 小說可以講，Microsoft Office 2011 for Mac係用得過，只不過Microsoft Office係好過癮嘅軟件，喺Mac上嘅版本不嬲都表現不錯，但Windows上嘅版本就越出越差，真係唔明Microsoft班友諗啲乜。
香港青年會又搞賣港調查
「青 年 會 調 查 稱 支 持 申 辦 亞 運 市 民 比 反 對 多 2010-10-31 HKT 13:50 調 查 顯 示 ， 48% 受 訪 市 民 支 持 香 港 申 辦 2023 年 亞 … Continue reading
少女成份與民主成份
江康泉：真多成份 江康泉呢段喺6月25日發表嘅漫畫，源自鄧小樺一段形容政改方案極為絕核到肉嘅gag，就係明明係一個麻甩佬，點樣化粧黐假髮，佢都係一個麻甩佬，有少女成份又有乜用。 依家林公公仲衰，連「少女成份」都費時俾，用「少女成份」引你上當，然後就搵件乜粧都無化嘅麻甩佬俾你，當中嘔心程度認真一等一。如果照依家本地立法嘅建議，除咗益咗民建聯，對邊個都無好處。
Filed under 香港政治
胡市長，選到咁膠你都係時候退休
胡志強請人扮智利礦工，點知連自己請乜水都未搞清楚，結果當中四條友原來係綠營嘅支持者，走去倒戈支持蘇嘉全。 我諗當選戰執行膠到呢個程度，小弟對胡市長有一個好忠實嘅建議，你都係退休陪吓老婆，享吓清福吧。你太累呀，唔適合繼續做市長，太硬膠呀。
欣賞清明上河圖：欣賞啲乜至得架？
小弟好少寫藝術，並唔係因為無學過，小弟家學淵源，尚有一定美術同書法底子，只不過唔夠熟怕寫錯。只不過，呢次清明上河圖互動版嚟香港展出，搞出炒飛熱潮，但花生人士太多，大家只知道係世博中國館鎮館之寶，但係，有乜價值至得架？ 小弟研究漢字系國家文化，一向都係中、台、日、韓、港、越視為一個整體，因為六地文化互有關連。最典型例子係書法，依家由於中國書道不傳（同簡體字破壞力有直接關係），好嘅紙筆墨硯好多時要去日本、韓國去搵到好嘢，認真荒謬。而王羲之最可能係唯一傳世真跡嘅《喪亂帖》，正係日本皇室珍藏，唔係二次大戰搶返嚟，係奈良年代由和尚帶返去日本。 當《喪亂帖》都東渡扶桑果陣，好多中國藝術風格都係果時東渡，特別宋朝有唔少商人旅居博多一帶，形成日本好多文化上係承傳唐宋，所以大家見到點解《清明上河圖》咁似日本啲嘢，因為日本啲嘢係唐宋果陣一路保存到依家。正如較早前有啲中國硬膠，竟然將著漢服嘅人當成著和服嘅人，因為中國班友完全唔記得乜叫中華文化。日本和服另一個名係吳服，而大致式樣上，係跟唐朝嘅服裝，所以你叫我結婚著嚟自滿族嘅馬褂我係唔會咁做，一係完全著西服，一係同時著印尼民族服裝（因為法律上我係印尼土著，去到馬來西亞依家可以當係土著，得啖笑，呢個法律漏洞係黐線之最），如果要著漢族傳統服飾，我唔介意著吳服，因為吳服正係源自中國，咁都唔知呢啲硬膠就睇番歷史書喇，特別係清政府禁止漢服嘅歷史，自清政府剃髮令後（著漢族服裝要殺頭），漢族服裝只係保留喺越南、朝鮮同日本，有傳流亡日本嘅革命黨人係專登著吳服出入，以示自己驅除韃虜，恢復中華嘅決心。 所以，如果藉清明上河圖互動版嚟港機會，講唐宋文化點樣影響成個漢字系地區，同今日嘅日本文化嘅關係（日本文化係正統中華文化保留最多繼承者，其次係台灣同埋大韓民國，中華人民共和國基本上無呢個傳承資格），原來我地有時鍾意日本果啲好嘢，個根源查實都係中國，我覺得係有意思。如果只係硬膠膠咁展示個互動版算數，亦無其他輔助展品，睇完唔知做乜，大家之後會發現大家炒嚟都唔知做乜。
大家樂又要威又要戴頭盔
大家樂因為扣減食飯時間嘅人工，結果被人改名做「太刻薄」，成為全民圍剿對象。 本來，如果大家樂反對最低工資到底，又唔係乞人憎到好似廿蚊張宇人，咁都算。問題係，條友又要搏政府支持，或政治資本，加入乜叉最低工資委員會，講真，小弟有理由懷疑大家樂係咪有人用最低工資委員會裡面嘅職權以權謀私。 呢挺又要威又頭戴頭盔嘅行為，一向都唔值得同情。所以大家罷食大家樂，隨便，小弟平日都係食美心。
霍震霆與民為敵
「 霍震霆反擊：申亞與扶貧風馬牛 (明報)2010年10月29日 星期五 05:10 【明報專訊】面對多個黨派均反對申辦2023年亞運會，港協暨奧委會會長霍震霆 昨於立法會 討論《施政報告》致謝議案時「大反擊」，批評坊間把申亞與扶貧變成「兩個只能活一個」的生死抉擇，令他感奇怪和「非常遺憾」，認為兩者根本風馬牛不相及。」 小弟唔想郁吓都話人係人民公敵，但不幸嘅事實係，霍震霆，以及努力維護關愛基金同亞運兩大硬膠項目嘅曾德成， 依家就係輕重不分，一意孤行，同全香港人民意對著幹。連葉國謙呢啲咁無恥無賴嘅友仔，都唔敢同你頂落去，你霍震霆憑乜嘢要浪費香港市民幾百億，只係俾你條友用嚟威。資源有限，事實係香港大把地方更需要錢，亞運算得乜？我都未計關愛基金果筆爛帳。 事實好清楚，曾德成同霍震霆繼續硬膠落去，好快佢地就變成人民公敵。我好怕用人民公敵呢個字，因為英文嘅Public Enemies被人用嚟美化啲銀行大盜，而Enemies of the People就被赤柬呢個人渣政權用嚟作為殺害無辜之用。但呢兩條友除咗係人民公敵，我諗唔到其他稱號形容呢兩條硬膠。
施政報告致謝動議被否決應該落台喇
港府有膠人提出，將本會「致謝」特首發表施政報告，改為本會「察悉」特首發表施政報告。 我想土共呢班硬膠，要搞清楚Policy Address原本係由乜變出嚟。 Policy Address喺英國同類物體叫Queen’s Speech，再正規嘅名係speech from the throne，由內閣撰寫全年施政大綱，由女皇喺每年立法年度開始時讀出。如果喺澳洲、加拿大等地，一般係由總督代表女皇去讀（呢個亦係以往港督讀施政報告嘅原因），如果當時有皇室成員訪問，就皇室成員去讀。 致謝Queen’s speech，喺西敏寺傳統係重要法案，如果國會不致謝Queen’s speech， 等同不信任動議，或者憲法無寫明要倒台，但否決政府全年施政綱領，同向政府投不信任票一樣，因此，呢個政府一般要倒台。 土共仲好意思話只係表態，表你個頭。呢啲不尊重議會嘅hihi，好心佢返屋企早抖喇。所以，你改咗字眼都無用。Audrey鬧爆政府嘅建議係旁門左道，認真一矢中的。
英國大臣被扑頭，香港高官嘆冷氣
Government minister mugged walking home from work 「A government minister was hit over the head as he was mugged while walking home from his central London office. The robbers struck as Lord Hill of Oareford, 50, made his way from … Continue reading
天主教都出咗聲
「【本報訊】「專業爹哋」購買三名兒子，製造單親家庭，連日來遭全港巿民炮轟，天主教香港教區副主教楊鳴章神父昨日接受傳媒訪問時批評李家的做法不擇手段，抹煞人的尊嚴，擔心影響社會風氣和孩子的價值觀，「總係覺得有錢就可以得 o架喇」。」 天主教香港教區己經出咗聲，但一直喺好多「道德」問題上凶神惡殺嘅新教教會，到依家都無出過聲，而明光社同港福堂呢啲教會，究竟想沉默到咩嘢時候？ 法律有問題唔在講（小弟講嘅法律問題，《蘋果日報》終於作有系統報導，連同小弟嘅文章一併刊出），但如果李家傑未婚都可以借肚產子，大家可以諗到有乜事可能發生。小弟有啲新教朋友，己經對香港主流教會嘅龜縮表現好唔耐煩。 小弟係自由派，代母呢種技術喺道德上，對我係無問題，只不過，未婚男子，唔理有乜性傾向，走去搞代母產子咁有無問題，咁大家諗清楚先喇。
