月份彙整八月 2010

台灣入出國及移民署：港澳居民99年9月1日起網路申請入臺許可，入出境免繳費 港澳居民（唔計本來有免簽嘅英國、加拿大公民）入台證免費本來值得歡迎，但我睇完份公告，即時爆粗。 馬英九，我平日喺自由時報丙你都丙得頗多，但我估唔到你膠到，幫特膠護照推銷，特膠護照，一本中共發出嘅護照就免費入台，BN(O)同澳萄年代發出嘅葡國護照，就無得免得入台，你依家幫特膠護照背書呀？台灣又唔同時當BN(O)同英國公民護照一樣看待，咁你條膠人想點？ 所以我決定出手小丙馬政府，呢個馬英九幾時變咗共匪總統？ Short URL: http://wp.me/p7cGY-2Bg

明報：劉應東「成功爭取」惹是非 「 Emily搵過梁小姐，佢話劉應東派畀居民嘅宣傳單張，宣傳自己「成功爭取政府承諾在工程完結後，永久移除鋼線灣卸泥口，改建為社區設施」，梁小姐睇完即刻火都嚟，佢話自己同一班貝沙灣居民，早喺上年底已經開始為呢件事奔波，當時劉應東都唔知喺邊度？憑咩口野話係自己「成功爭取」？ 劉應東就回應話，佢白紙黑字有一張由運輸及房屋局 寄出嚟嘅信，講到明係順應佢口地要求，有憑有據，所以唔怕居民指摘喎！阿東仲即刻搵咗律師出信，反指梁小姐對佢構成誹謗，要求道歉還佢清白。」 劉應東大概搞錯咗佢選緊乜，依家選緊係區議員，唔係每月之星。 住得貝沙灣嘅，財力上唔驚你條膠人告，另一方面，劉生實以為依家仲係佢喺英國讀書嘅香港，誹謗可以係又告唔係告，自從鄭經翰對謝偉俊案例喺香港終審庭，以鄭經翰勝利告終以嚟，只要梁小姐係fair comment，你己經告唔到佢誹謗，事實上，香港啲區議員，成日喺議會收到風，話政府就嚟答應居民要求，然後喺果刻再入紙政府抽水邀功，呢種由民建聯帶起嘅風氣己經令好多人反感，喺中產區，呢招係唔work。 既然劉生月尾發功，分分鐘發功到九月，不如九月每月之星俾佢算，至於區議會議席，都係投票俾司馬文好喇。 Short URL: http://wp.me/p7cGY-2Bd 後話：wordpress.com主機喺美國，劉生睇完好唔滿意嘅，要告就嚟美國告。

商台：蔭權前往俄羅斯展開三日訪問行程 商台：蔭權前往俄羅斯展開三日訪問行程(原裝版) 商台新聞部，可能有高層或者記者，覺得曾蔭權喺菲律賓人質事件上表現英勇（雖然我覺得唔係，我嘅論點好清楚），但係呢，好心寫條題果陣唔係喺度發綺夢，條題好肉麻呀，我就快連隔夜飯都嘔埋出嚟。 下次你班友要交心，唔好俾大家睇到，商台出咗件查小欣同健吾都己經好難頂，再嚟多幾次呢類標題，我睇怕真係有損市容。 Short URL: http://wp.me/p7cGY-2B7

「內地網站冒《明報》名義發假新聞 (15:02) 內地網站今天上午流傳一則冒用香港《明報》名義的假消息，指「由於中國在美國『兩房』債券虧損4300億美元的外匯儲備，據傳言中方準備處理主要責任人、人民銀行行長周小川」，又稱「美國國會發言人、美聯儲副主席科恩威脅說：如果中方處理周小川，將公布中國5000名高官在瑞士銀行的存款額，對此中方沒有應答」，消息引發內地網民猜測周小川出逃。」 查實喺七月，呢條真假難分新聞己經喺中國有人傳，但唔知點解呢條膠聞近日傳出得特別勁。而且條新聞，又唔係無根據，因為中國真係揸持四千三百億美金兩房票據，所以作嘢條友又唔係乜都唔知。 呢鋪，花生味真係濃郁。 Short URL: http://wp.me/p7cGY-2B4

台灣自由時報：北方三島海域 將設國家公園 「〔記者盧賢秀、黃旭磊、徐義平／綜合報導〕台灣北方海域有三座孤立的小島─彭佳嶼、棉花嶼和花瓶嶼 ，原漁場資源豐富，近年來卻因過度捕撈，漁獲已漸衰退，加上中國漁船不時越界捕魚，更使用滾輪式拖網，嚴重破壞底棲珊瑚礁生態，海洋國家公園管理處預計年底把這塊海域劃為海洋國家公園，讓漁業資源喘息生育。」 如果我係環保分子，我一定講明，拒吃中國漁民捕嘅海鮮，咁都得，呢啲己經係蝗蟲行為，馬英九政府喺呢啲問題上，不應該向中國漁民客氣，一律沒收拖網機械至放人。 為咗地球生態，係唔係應該向呢種拖網說不，甚至明文禁止？小弟認為有必要提上國際。 Short URL: http://wp.me/p7cGY-2AX

李瀅銓：還死傷者公道，不向弱者抽刃 呢篇文嘅作者，正係馬尼拉大悲劇嘅生還者，佢講比其他人講更加有力量。 事實上，呢幾日港菲兩邊都有唔少挑動種族矛盾嘅抽水黨喺度亂嚟， 菲律賓方面： 1. 前總統埃斯達拉達（呢件係仆街嚟）個仔，聲稱自己被香港入境處人員不禮貌對待，當然呢條仆街係乘機抽水上位 2. 唔知乜人周圍發短信，話香港人會對付菲律賓人 3. 有人話，香港人怒火太勁就排華（咁勁呀，排埋馬尼拉市長同總統呀笨） 香港方面： 1. Facebook上有啲納粹支持者，係咁散播仇視菲律賓人言論 2. 有香港人乘機炒菲傭 兩邊都有好多呢啲唯恐天下不亂嘅粉皮，不過我相信呢啲粉皮搞唔起事，而我對呢類粉皮嘅態度好簡單，咁鍾意抽水話，我話你知係菲律賓定香港人，喺香港發表種族中傷言論就全部平機會見。如果菲律賓使館人員想搏懵亂發短信，香港政府搜集足夠證據，就提報中國政府，要求將有關領事人員當作不受歡迎人物處理。如果發短信條粉人係揸簽證嚟旅遊嘅旅客，下次香港唔駛歡迎呢啲友仔入境，原機遣返。 Short URL: http://wp.me/p7cGY-2AS

健吾：傳媒有所為有所不為 如果話電視上有關菲律賓件事嘅評論，最無恥果個叫阮次山嘅粉人，喺報紙評論度，最無恥一定有健吾份。 乜唔直播，隱暪事情真相就叫傳媒操守，咁北韓宣傳部長個位啱佢，正好佢又識日文，做埋對日本心戰工作都仲得。1997年陳進興事件，同樣都有直播，點解果次南非武官可以平安獲釋，陳進興棄械投降？件事會唔會惡化，責任喺政府度，唔喺傳媒度，菲律賓政府怪傳媒，因為電視直播俾全世界睇到佢地係硬膠，如果菲律賓要阻止門多薩透過電視掌握實況，大可以即時干擾電視訊號，佢無咁做佢地膠。 呢種同菲律賓政府文過飾非嘅亂嚟論調，係對死者嘅二次謀殺，健吾都唔係第一次發膠音，點解《明報》仲要俾呢條友霸住個地盤？香港大把人寫得好過佢，唔駛呢啲無良心嘅友仔浪費紙張。 Short URL: http://wp.me/p7cGY-2AP

「香 港 法 證 人 員 不 獲 准 登 上 旅 遊 巴 搜 證 　 菲 警 稱 須 經 批 准 2010-08-29 HKT 00:16 菲 律 賓 警 方 不 容 許 香 港 的 法 證 … Continue reading →

喺大家關注緊菲律賓件事果陣，有兩件事大家可能漏咗眼，一件係一九八九民運工人領袖韓東方入咗香港民主黨，一件係司徒華公開加挺曾俊華做行政長官，如果曾俊華做行政長官，隨時民主黨真係變咗執政黨都唔奇。點解會有咁奇嘅事發生？ 司徒華嘅資歷，大家都知，出現以上奇景，因為中國政治改革準備攻堅，一場中國政改嘅大風暴可能好快大爆發。 胡舒立：温家宝深圳讲话为何受关注 知易行难。中国改革已经到了必须推进政治体制改革的关键时刻。近年来，经济体制改革虽不断有技术性进展，然而，在财税、要素价格改革等政府曾作出庄严承诺的领域，迄无重大突破。原因复杂，而主要障碍便是政治体制改革止步不前。由于政改滞缓，文化、社会体制改革亦难有大突破。深化改革障碍重重，令公众对改革本身的评价和预期产生分歧。在改革开放已逾卅载、中国经济总量跃居全球第二之时，领导人仍不得不重申“只有坚持推进改革开放，国家才有光明前途”，这正是改革“边际效益”下降的反映。政治体制改革已经拖不起、等不得了。 胡舒立分析咗溫家寶深圳講話想點，十一月胡錦濤南下深圳，好可能有大動作，果刻正係香港政改本地立法各黨大講數時刻，己經好明顯，胡錦濤一條喺黨內己經搞唔掂班反對政改嘅膠人，所以用咗香港民主黨呢個平台，同海外民運以及中國維權人士同開明派重建聯繫（記住，如果司徒華真係做咗做王者，咁喺香港實現咗八九民運反對者與共產黨透過談判分享權力安排，何俊仁本身就係中國維權人士一員，亦係中國民族主義分子高度尊重嘅人），而江系土共回應就係要為《基本法》23條立法搞破壞同倒屎。 喺菲律賓呢件事慢慢冷卻落嚟後，一場中國政治大風暴可能就喺香港上演，大家留意住。政改成功當然對邊個都好，政改唔成搞得唔好就大家提早著草。 Short URL: http://wp.me/p7cGY-2AH

喺1997年台北南非武官官邸挾持案中，負責同陳進興講數果個正係連避彈衣都無著，明知對方係窮凶極惡罪犯，兼真係有槍在手嘅謝長廷。當年台灣仲有膠人，鬧謝長廷作秀。正如謝長廷講，作秀唔搵呢啲嘢嚟玩，搵自己條命嚟靠飛咩？ 經歷過菲律賓呢件事，比照謝長廷嘅經歷，明顯係菲律賓有問題。如果當時菲律賓，有位國會議員拍心口表示幫門多薩求個公道，或者安排贖金，一路緩和門多薩情緒，件事可以好似陳進興事件咁，人質安全被救出。你諗吓，陳進興知道佢投降後，佢被差佬拉一定打靶（結果真係喺1999年打咗靶），佢嘅訴求只不過唔想禍及妻子。如果當年謝長廷唔挺身做談判代表，呢件事將會係點嘅大頭佛？ 謝長廷己經講晒作為一個談判代表，應該要做啲嘅嘢，菲律賓根本無盡力，顯而易見。 Short URL: http://wp.me/p7cGY-2AE 後話：當年藍營班友，仲好意思鬧謝長廷作秀，依家大家明點解會出阮次山呢啲人渣出嚟，小弟好多時同藍營嘅友仔火星撞地球，因為唔少同阮次山、郭冠英一樣，個腦仲停留喺納粹年代。