八達通日日賞為咗四千幾萬，賣客戶資料兼不斷講大話，被就嚟卸任嘅私隱專員鬧爆，結果玩到誠信破產。
不過，如果唔係吳斌被審計署長激嬲，我估吳生點會咁勇，仲勇到唔開名爆咗兩間銀行原來都衰過。以香港官奸勾結嘅政治架構嚟睇，私隱專員從來唔打大老虎，所以如果審計署長要查，唔該查晒喺一九九七年以嚟，香港私隱專員做咗幾多嘢。
正因為政府專登唔做嘢，所以蔣任宏有侵犯私隱前科都可以做私隱專員，對政府嚟講，佢簡直係合適人選添。而有問題嘅，點只八達通一間，如果由第二位做私隱專員，或者俾吳斌留多一陣，可能有更多花生食。
香港膠事多到數唔到，小弟有理由相信，唔少膠事係政府專登唔做嘢。
Short URL: http://wp.me/p7cGY-2s0
有問題唔只八達通，但八達通個 CEO 實在太絕核，你唔可以唔認。
http://news.sina.com.hk/cgi-bin/nw/show.cgi/1214/3/1/1801348/1.html
原來沒有賣斷，沒有實物交易，就不算是出賣，八達通 CEO 的語文天份，你點可以唔服呢？
個人資料不是豬不是狗，只能分享無法賣斷。社會人士講「賣私隱」，其實是指八達通作為個人資料的收集者，背棄被收集人的信托，是出賣而不是賣斷。我想陳雲要再出多一本中本解毒，否則有毒中文四處橫行，咁仲得了？
「賣私隱」其實好多時都有，但八達通算係表中之表，應該特別多講，否則「賣私隱」就會被合理化，只要唔係好像賣豬賣狗咁樣賣就無事，咁重得了？
你會唔會係1974年搵葛柏做廉政專員?
阿CEO係果4千幾萬有冇佣金改呢?
@dbdb
我反而想倒轉講。如果我們講賣是賣豬賣狗，那麼，的確金額越大，惡行越可惡。
可是，如果我們只是講出賣靈魂，出賣信用，金額越大並不是表示惡行越大，反而如果八達通為了四千元（不是四千萬）或甚至賬面上零的價錢出賣私隱，好像政府賤賣土地給迪士尼，那方是更為可惡。