月份彙整七月 2010

有片有真相，真係七月之星CCAV做硬，月尾發功都唔駛咁架。 Short URL: http://wp.me/p7cGY-2th

小弟不同意周秀娜嘅立場，小弟反對最低工資，一係就唔係爭取每小時33元，而係英國依家傾緊嘅生活工資（Living Wage）或者林忌講嘅一個鐘八十蚊（唔好半桶水，一係唔好做，一係去到盡）。 但周秀娜係直頭參與反對派宣傳片，而喺娛樂版出現嘅藝人（周博賢、林超榮都係幕後做主力）嚟講她應該係極極極少數，她有啲似西方藝人，一般在演藝生活以外，參與社會運動那種模式，大家有無覺得，呢輪對𡃁模嘅打壓，貿發局成功搞出另一啲嘢出嚟咁？ Short URL: http://wp.me/p7cGY-2te 後話：貿發局仲好意思禁止𡃁模，邊個搞到書展變咗夏日年宵？叫貿發局班膠人自己檢討吓喇。

唔用「Goodest」呢個香港人創作出嚟用嚟恥笑人用嘅英文，無法形容以上畫面。 Short URL: http://wp.me/p7cGY-2tb

自華爾街日報報導李祿可能接掌巴郡投資部門後，小弟以有限財務、政治知識在思量的問題是，巴菲特這次在做什麼投資決定。 巴菲特作為價值投資法一代宗師（當然不是火生那種吹水怪），他沒理由不知李祿的背景，他亦肯定搞清李祿的思想個性以至投資哲學。在金融界而言，李祿的業績並非標青（但巴郡的厲害的地方從來不是短期暴利，巴郡很多重要資產值，由少數重大投資決定構成，所以李祿很合巴郡口胃），那為何李祿會得到，可能這個全華爾街中人都流口水的位置？ 巴菲特找來李祿，不是找人投資巴郡資產那麼簡單，這是一個維持到巴菲特身後重大投資決定，而這個決定剛好與很多香港人倒轉，也與小弟倒轉，巴菲特決定借李祿，買入尚未誕生的未來中國，沽出中國共產黨，小弟先陳列一下，現時大家對中國的投資看法。 1. 典型看好中國：等於看好中國共產黨 => 大手買進中國國有企業股權，特別四大商業銀行以及中移動一類怪物 2. 典型看衰中國：小弟一類人物 => 短線還會賺中國錢，但長線會撤走，像小弟看好印尼和南洋 3. 巴菲特式看好中國： 絕不沾手中國國有企業，但會物色沒有官方背景民營企業家投資機會，創業家、有知識和有狂熱者優先 比亞迪正是一間民營公司，王傳福不是高幹子弟，他只是工程師背景，但有戰略視野，亦有戰術執行力的企業老闆。共產黨官僚資本主義崩潰後，這種人的能力便會解放出來，到時何止一個比亞迪，那時可能有十個、百個比亞迪，巴郡在巴菲特身後還不發過豬頭？比亞迪在這樣艱苦的環境，都可以戰勝日本電池公司，金融風暴時取得大廠訂單，未起風潮便開始耕耘（留意李祿講的世界盃哲學），巴菲特需要這樣的環境維持巴郡未來的成長。 巴菲特和巴郡股東們，應該看到共產黨日暮窮途，但要維持一個有更多王傳福能夠生存的環境，未來中國應由什麼人掌權？如果變成軍閥割據，或者一堆流寇四處走，小弟相信大家會看到有什麼結果，畢竟像陳烱明一類有遠見的軍閥少之有少。那最好的方法，莫過於讓李祿成為金主，當他有這樣的財金實力，加上巴郡行政總裁仍由巴菲特信得過的人控制住，李祿做政治投資去決定能夠維持中國相對穩定的一方，就算大小軍閥都要買這大金主帳時，那巴菲特算盤打得響。特別中共政權崩盤，若讓中共中人選擇，由一群會炸死他們，槍斃他們的苦大仇深農民掌權，還是民運走出來的知識分子掌權，那流亡分子是對他們比較安全，一如盧泰愚當年找了反對派中的溫和派金泳三出來選總統一樣，如果光州事件不是由金泳三手中平反，或者不是由金大中手中平反，而是其他人平反，盧泰愚還能活命乎？（不要忘記，巴郡其中一大投資叫中石化） 這是小弟有限智慧的猜測，但小弟看過這麼多年巴郡的報告，小弟相信巴菲特的決定深思熟慮。要在華爾街短視而無耐性文化中找到接班人太難了，只有搞中國民主這種明知不可為而為之的事的人，才會有不斷努力射門，尋的只是一兩腳決定性入球耐性和努力的傢伙，這才是價值投資法的真義。 Short URL: http://wp.me/p7cGY-2t0 後話：還有要留意，巴菲特的「孤寒」程度，在華爾街而言有幾個難與其匹敵，巴菲特連架私人飛機都叫不可原諒號，但巴菲特連買架私人飛機都想著賺錢（買下替他提供服務的公司就是），與金融界那種揮霍風氣相比，巴菲特要找個同等孤寒的人殊不容易，而能找到相類價值觀，可能便是在一九八九年民運走出來那些人。 還有，巴菲特是一個橋牌高手，打橋牌的人是怎樣的人，相信這裡有大把人可以替我補充一下，還有，他的投資方法，很大程度來自賭馬。沒錯，賭馬，如果你有研究「銀行馬」的習慣，長期用一些戰績很穩定馬匹，作為位置（Place）或位置連贏（Quinella Place）的膽，兼且有謹慎計算賠率和風險的習慣，那會比較容易摸到這是一門怎樣的投資哲學，這要很勤勞做研究，高度傷神。所以小弟對時常把價值投資法掛在嘴邊的人，投以目無表情的微笑，大家想想怎樣。 而巴菲特的首任妻子，在美國本來就是搞社會運動，只有香港這班樓魔股魔，才會對社會運動避之則吉。當然，巴菲特妻子對婚姻的看法，在香港人而言，是激進到爆燈。她自己走去三藩市當歌星，還介紹了Astrid Menks給自己丈夫，賀咭簽名來個三人行，算吧，香港的樓魔股魔不會對當中的激進想法有興趣。

新巴城巴加薪1.8%，工聯會屬下嘅摩總接受咗加幅，但職工盟屬下嘅職工會唔收貨，8月9日會罷工。 大家有無發現，喺大浪西灣事件，民建聯係潛咗水，因為民建聯監察委員有鄭家純。呢次工聯會出賣工人好奇咩，只要鄭家純一日仲係民建聯監察委員，都唔好旨意工聯會會幫新巴城巴司機。 乜叫假工會？工聯會肯定有份。 Short URL: http://wp.me/p7cGY-2sX

林忌：官商勾結扼殺渡輪服務 小弟住過北角，亦住緊中環，根本渡輪喺解決公共交通問題上，仲係好有效。 識小弟就知，小弟穿梭尖沙咀同中環，或者灣仔同尖沙咀，唔係坐港鐵俾港鐵搶錢，係坐天星小輪，天星小輪唔會塞車，而且有位坐，班次又準時，就算依家天星碼頭個位咁膠，只要政府唔迫遷尖碼，呢條航線係最正，不單只係港島去海港城一帶最簡單快捷交通工具，去尖南地區，甚至坐東鐵同西鐵都係最佳交通工具，但坐上層都係只俾三蚊。一架天星小輪可以載成七百幾人，六分鐘一班船，一個鐘可以載七千幾人，呢個係幾可觀運載量。 如果唔係一九九一年紅磡碼頭個位置硬膠，唔近紅磡火車站，我可以講，好多灣仔人可以直頭坐天星小輪去紅磡火車站，然後坐火車站返新界，咁隧道巴同埋港鐵金鐘站根本唔會overload成咁，如果依家政府肯宣傳，繁忙時間可以坐天星小輪去尖碼然後喺尖東站坐火車，並俾轉乘優惠，相信唔少人會制。（不過唔知點解鄭汝樺因乜解究咁想拆尖碼，鄭汝樺今次又要益邊個地產商咁？） 小弟以前住北角，去土瓜灣一帶更肯定係坐船，唔通硬膠膠喺隧道巴裡面痴痴地坐？如果北角或者太古城有番碼頭，大家睇吓大家會坐乜過海？渡輪係少數唔受塞車影響交通工具之一，我唔明點解唔好好運用。 Boris Johnson嘅諗頭，香港一樣用得到，可惜，我地嘅鄭汝樺局長，只不過係一件白痴。起高鐵，不如搞番掂渡輪問題，同埋起第四條海隧先喇。 Short URL: http://wp.me/p7cGY-2sT 後話：依家天星小輪容許免費帶埋單車過海，各位可以考慮用小輪搭單車過海穿梭維港兩岸。 順便覆埋石先生條膠人，唔該佢自己睇清楚，三條過海隧道早就飽和，你支持紅隧加價想益邊個呀？ 林忌：三條海隧早己飽和 鄭汝樺今年三月回應 根據鄭汝樺最新數字，三條隧道總平均車流喺2009年係121422（海隧）+ 62987 （東隧） + 48222 （西隧）= 232631 三隧設計總容量係 80000（海隧）+ 78500（東隧） + 118000（西隧）= 276500 （政府立法會文件） 加咗紅隧價無第四條海隧，無其他配套一樣塞到hihi，況且港島好多人用唔到西隧，因為告士打道長年大塞車，證明石先生同熊永達一樣，喺冷氣房幻想問題，香港交通問題搞到一舊膠，多謝呢啲膠人喇。

「余 若 薇 ： 議 員 會 認 真 研 究 需 否 擴 大 停 車 熄 匙 豁 免 2010-07-31 HKT 09:56 立 法 會 正 審 議 停 車 熄 匙 草 案 ， 草 案 委 … Continue reading →

倫敦交通公司：公共單車計劃價目表 呢個計劃對英國係新嘢，但對歐陸絕對唔係新嘢，歐陸地區實行咗好耐，英國倫敦依家至跟全賴倫敦選咗個極度熱愛單車嘅市長Boris Johnson。 小弟查實贊成喺香港新市鎮，甚至部分市區，引進呢種計劃。 住過沙田嘅人，都有一個好膠嘅經歷，由大學去大圍，或者由火炭去大圍，坐東鐵好似好膠，有時仲唔就腳，九巴嘅車費大家一向都知貴過人，但班次疏過人，但沙田又唔似港島有電車呢種專門對付短途問題嘅交通工具。如果有呢類公共單車計劃，就好似倫敦咁，全年俾四十五英鎊Access Fee，五百五十蚊港紙左右，如果我程程都半個鐘樓下，咁大家諗吓又環保又可以慳幾多？而東鐵又少咗一堆短途客，對短途巴士、小巴嘅需求壓力亦會少咗好多。巴士同小巴嘅運輸力，應該用喺另一啲地方，例如中長程點對點特快車。東鐵一早飽晒，更加要諗計分流短途客。 而且新市鎮係有單車徑，2011年應該可以全新界單車徑駁通晒，小弟可以建議，如果香港跟倫敦收費制度，綜援申領者以及低收入人士可以憑個人八達通卡免Membership fee，咁樣可以作為一種紓緩貧困學童以至一啲清貧人士生活負擔一種工具，又可以環保。而且大家都見到，倫敦市政府係搵咗巴克萊銀行商業贊助，小弟不反對政府喺呢件事上爭取商業贊助。 但喺市區，我諗暫時未必行得通，因為香港司機嘅駕駛品德太差，新手司機都搞唔掂，唔好講一般單車使用者。 熱愛環保嘅人，係用個腦諗有乜方法去解決生活問題之餘又做到環保，唔係浪費時間喺停車熄匙呢啲假環保。 Short URL: http://wp.me/p7cGY-2sL 後話：況且喺架單車上可以加啲加強環保配件，例如提供USB插口，你一路騎住單車一路幫你嘅iPod、iPhone充電，呢啲方法考慮得過。

小弟未必同意潘慧嫻的觀點，但小弟看過這本書後，小弟明白她憤怒的來源。而這本書，作為香港現時一塌糊塗社會情況的病理學分析，當之無愧。 潘慧嫻這本書分析最有價值的地方在於，她有淺白的文字，點中香港土地制度一些難治的痼疾，例如政府拒絕定期土地拍賣，搞什麼不知所謂的勾地制來搞亂土地供應，甲乙類換地權益書遺留的膠問題不知如何清理等等。還有香港地產商，如果利用公用事業與地產之間，微妙的土地供應，以至現金流關係，達致霸權。中大財務學系教授朗咸平介紹過地產商的微妙現金流配搭，但朗咸平的解說方法，沒有會計、財務根柢不明所以，現時可以看潘慧嫻去補足。 小弟對最低工資、公平競爭法等等都有保留，但潘慧嫻有部分診斷，可以作為思考的方向： 1. 請各位注意，香港土地供應沒有自由市場可言，因為土地供應唯一壟斷者是政府。因此，整件事的根治方向必須由政制著手，令土地供應政策制訂者有不同持份者的利益。土地二手買賣是自由市場，但土地一手買賣絕對是政府這有形之手的傑作，而未找到無形之手替代品前，有效的藥方是一個民選政府。 2. 易汶健不明潘慧嫻主張地價稅的玄機，小弟明白的，在台灣，地價稅公式類似是這樣 （現地價 – 法定公告地價） * （根據現地價與法定公告地價剩額計算的累進稅率） = 每年地價稅 基本上，就是要在全香港地產商那些只要繳納地稅和差餉的土地儲備中，增加每年的現金成本，樓價越高，地產商每年要就土地儲備繳納的稅越高，也代表他們要囤積土地成本越高，那地產商就會努力將手上的土地儲備拿來建樓，達到增加供應的目標。現時地產商囤積土地任其丟空，不租出去都不會有現金流出。而製造現金流出或持有成本，是迫地產商用盡土地儲備不二法門，特別是農地。小弟認為，地產商手頭上的甲乙類換地權益書，所代表的土地面積，一樣可以照抽地價稅（小弟膠咗，致歉，時間2010-07-30T15:01:29+00:00） 。潘慧嫻這劑藥，地產商一定極力反對到底。 潘慧嫻由於熟悉地產商的運作，所以她持有土地成本一點來開藥，這是有實務操作經驗，與沒有實務操作經驗的分別，她基本上構思一個自動迫地產商推盤的機制解決問題。 3. 但小弟看完潘慧嫻的病理學報告後，小弟最擔心是整個病症如此深入，實際醫起來，不論用震盪療法（Shock Therapy），以至革命，到底成本高到什麼地步，當病症如此深入時，小弟的結論是，香港現有的狀況，有可能會由一場恐怖的仇富革命終結。 這本書告訴你的事實，查實與告訴你香港患了末期癌症，剩幾個月命，要嘛打嗎啡，要嘛再電療加化療加開刀來賭一鋪，要嘛等死沒分別。 Short URL: http://wp.me/p7cGY-2rg

一宗最令不少市儈香港人為之O嘴的事，正在美國發生，一九八九年北京民主運動領袖，至今仍位列中國政府通緝犯名單，入籍美國也不能自由出入中國的李祿，竟然有傳是股神接班人，而且他令股神賞識的往績，就是教股神買比亞迪，一戰成名。 李錄的故事，可能為一些對中國一知半解的香港人，重新來個震撼教育： 1. 只有馮煒光這種膠人才認為經常出入中國會認識中國情況，但事實是，你不出入中國都不要緊，你對中國政治的親身認識，以至在中國的人事關係網更重要，在網絡年代，有沒有回鄉證，有沒有出入中國都不決定性。李錄父母是文革下放的受害者，而李錄父親是工程師，王傳福也是1987-1989年期間在中國高校讀書的人，這些「同學」「同輩」關係才是決定性。所以一九八九年民運平反的日子，可能就是李錄這代人掌權之後，當年的同學掌權後為自己同學平反，是很中國國情的一回事。 2. 擦中國共產黨鞋唔代表你會把握中國投資嘅機會，事實係，依家係民主黨方案可以被特膠政府推薦，李錄可以接股神班，因為佢睇中比亞迪，呢個年代乜事都可以發生。如果我係商界，係唔會將錢投資晒民建聯呢班膠人，甚至訓個身入黨，依家仲訓身民建聯、功能組別呢啲膠嘢，好打有限。 3. 近日同一啲前輩傾偈，大家都有個結論，就係對「八十後」幾位出鋒頭人物潛質相當讚賞，因為呢類人至係真係有自己諗法，有領導力同捱得，仲有危機管理能力，佢地要係多一啲實戰磨鍊，因為真正嘅能力係咁樣培養出嚟，李錄係外高聯唯一一個被通緝，佢就係有佢嘅料子。日後社會嘅精英，唔係果班玩女玩到忘晒形嘅香港財閥第二代，我睇緊當中有幾多最後仆街收場。呢啲八十後領袖未必好似李錄咁，但亦肯定有一定份量。 4. 如果他日共產黨倒台，有樣嘢可以放心係，日後非共黨陣營果面至少有財金人才穩住局面，雖然共產黨內部根本無乜財金人才。 Short URL: http://wp.me/p7cGY-2sE