月份彙整六月 2010

今天校友評議會，選舉問題滿天飛，包括委托票(Proxy)無故消失，連謝家祥常委都遇上如此問題。 由於中大校友評議會，不是一般校友會，這是《香港中文大學條例》下成立的組織，有任何投票問題，導致選舉結果有問題的話，只要有一票出現問題，足以因《香港中文大學條例》的關係，有人需要入稟香港高等法院進行司法覆核（Judicial Review）。 事實上，今年搞委托搞到一塌糊塗，不知所謂，不應繼續下去。 Short URL: http://wp.me/p7cGY-2kL 後話：我必須先旨聲明，由於香樹輝校董出席會議，小弟定必對香樹輝以其名下筆名，包括左丁山、辛翠時等寫的文章密切留意。 補話：小弟引用《香港中文大學校友評議會會議章則》第26條，提出擱置議程動議。但常委同時引用《香港中文大學校友評議會選舉規則》，決定選舉重新開始。

「梁 愛 詩 稱 各 黨 派 仍 可 爭 取 廢 除 功 能 組 別 2010-06-26 HKT 15:21 基 本 法 委 員 會 副 主 任 梁 愛 詩 表 示 ， 政 改 方 案 獲 … Continue reading →

劉世鏞給內務委員會的信件 小弟今天去校友評議會周年大會，唔只去投票，仲要當眾質爆劉世鏞，你寫封信俾內務委員會支持陳茂波，你搞邊科。 由於小弟機器故障，去到最後階段至讀出信件，要求劉世鏞解釋，但劉生竟然話，佢用本人呢兩個字，就係個人名義。之後去下一個程序，唔作解釋。 咁都得？你講晒喇。 Short URL: http://wp.me/p7cGY-2kG

小朋友塗污立法會大樓呢件法定古跡，當然難免要受法律制裁，只不過，當年青人寫出「反共港人立國」六個大字果陣，呢六個字明顯警告緊老共，如果老共繼續走數，真係會激出港獨運動出嚟。 周博賢《女兒雄》首歌明顯思考緊如果老共繼續走數，下一步應該點做，如果連溫和到民主黨方案都走數，社民連係一個統派政黨，但其他人未必好似社民連咁諗，社民連係表達方式粗魯，但唔係真係咁激進，激進過社民連嘅友仔大把。 Short URL: http://wp.me/p7cGY-2kz

有人問我點睇政改通過，小弟話，食住花生準備起錨走佬。 民主黨簽咗張無銀碼上限嘅支票後，可以肯定有騙案發生緊，而騙案被篤爆後嘅憤怒，大家都知發生乜事，小弟一向唔要威所以戴頭盔，君子不立危牆下，你叫我留喺度見證「民主」真係睬你都傻。 好喇，有人話今日都無乜發生衝突啫，咁小弟係高估咗班反對民眾嘅意志同能力，只不過，另一樣嘢係，依家好多玩嘢能量積聚喺七一遊行。七一果日包圍政總，都應該會硬膠收場。況且無咗民主黨班友，而年青搞抗爭亦唔會聽乜乜大佬話，包括社民連，我睇吓咁發酵落去會膠成點，九十九年鑄大錯咪係呢種。 Short URL: http://wp.me/p7cGY-2kw

以上小弟自己剪的片，故意用鋼練The Crisis in the North作背景音樂，因此6月24日，有幾個剃刀邊緣嘅位，如果俾差佬食正就衝突。 1. 果個講華語嘅肥女人，我懷疑佢係香港統監府派嚟，因為條友用嘅Megaphone（大聲公）型號是社運界頗常用，不像是冤民，又不願坐下來講冤情，這人很有問題。 2. 坐在前面戴住V煞面具這隊人，曾經引來大批軍裝警員包圍他們，但他們什麼都沒做，後來大會唱《大丈夫》來打圓場，也是另一個剃刀位。 3. 警察在2130-2140左右突然阻止苦行隊伍前進，完全無厘頭，如果唔係有快樂抗爭精神，一早開咗拖。 4. 警察為保護硬膠議員離開，喺2150左右封鎖遮打道，一度仲有傳有人拎住催淚彈，大家以為會清場，搞到氣氛極為緊張。 5. 有社運人士，衝入鐵馬陣寫抗議字句，又係另一個剃刀位。 今日都咁多剃刀位，如果唔係有大會控制住，仲大鑊，但明早係因財政問題，無大會控制，而社民連同大會講嘅查實都無乜人聽，要將群眾拖到七一至爆鋪勁，或一路將怒火拖住係唔係咁易，我好懷疑。 講到尾，一係明早黑色暴雨，大家唔駛返工，拖到下周先算，一係何俊仁主席做場好戲俾大家睇，以walkout嚟換取兩周後審議立法會政改部分，換番「現金」返嚟，香港未來廿四小時點？我唔敢估。 Short URL: http://wp.me/p7cGY-2kt

會戰核心地區：整條遮打道、皇后像廣場，匯豐銀行總行大廈對出德輔道中及皇后大道中 可能爆發會戰時間： 2010年6月24日：香港時間23:00 – 24:00 2010年6月25日：香港時間11:00 – 13:00 小弟在香港時間21:56拍攝 進一步資料稍夜發布，但現時這些資料，是讓你明天在中環上班、辦公、或商談公務時，必須有所因應。 第一個警告時間發布理由：若明天約中午時間對立法會選舉辦法議案作出表決，由於中午午膳時間，中環行人繁忙，警方難以在不傷無辜情況下，對示威人士使用武力，包括催淚彈或警棍，因此，在2300－2400先清場，然後封鎖皇后像廣場一帶禁止集會。 第二個警告時間發布理由：由於明天議案勢必獲通過，不排除有示威者為求阻止法案通過，衝擊立法會。 小弟對各位的忠告：明天若要在香港會、美國銀行中心、文華東方酒店、歷山大廈、匯豐銀行大廈、渣打銀行大廈、太子大廈洽談公務，相當不宜，請改期或改地點。 避免乘坐需要經過中環的巴士，閣下的行程有可能由警方行動而延誤。 中午午膳以外賣較為適宜，如需經過遮打道一帶，可能午膳過後無法返回辦公地點，或可能在途中遇上催淚氣體、水炮或其他防暴警員的非法或合法攻擊。 Short URL: http://wp.me/p7cGY-2kp

小弟頭先喺中環皇后像廣場，巡咗半個鐘，啱啱聽到鄭宇碩演講，小弟都無幾可聽到鄭宇碩講嘢咁淺顯兼激憤。 鄭教授都激動成咁（仲勁過小弟），群眾唔駛講，粗口中指乜都有，最大鑊係電視播住啲議員不斷發表歪理，唔火氣上升就奇。 呢個亦係小弟對局勢好唔樂觀嘅理由，因為泛民支持者嘅火氣好勁，夜啲小弟拍多少少，可以解釋吓。 Short URL: http://wp.me/p7cGY-2km 後話：小弟為免出現衝突時，損失慘重，所以買部Sanyo Xacti C6二手機嚟拍，效果唔係咁好，請諒。

很坦白，在行政長官選舉辦法修憲案通過前，小弟都未想郁手鬧民主黨，但這次真係要出聲。 民主黨現時揸住八票關鍵少數，根本有籌碼與政府要求，在兩周後才再表決修憲案，如果政府不就範，walkout便是，但民主黨什麼都不做，還未計他們不少肉麻當有趣的發言。 誰會相信民主黨沒有與中國共產黨的檯底交易？現時民主黨找了老共的數，但老共會否走數很難講。但可以肯定，他們走了選民的數，小弟且看稍後立法會選舉辦法表決時，民主黨會否力挽狂瀾。 Short URL: http://wp.me/p7cGY-2kj

「【明報專訊】屬民主派中堅分子的民主黨副主席劉慧卿，平日常受建制派的抨擊，不過昨日風水輪流轉，因民主黨支持區議會改良方案，與建制派議員立場相同，將齊齊投贊成票，當「卿姐」步入立法會大樓前，破天荒獲「撐政改」的左派團體歡呼迎接，雙方更和氣握手。」 昨天我同小弟一位好朋友，看到卿姐同呢班根本係維園阿伯同一幫人嘅撐政改人士握手，O晒嘴。而小弟，就比小弟嘅果位好朋友，更感到O嘴。 小弟喺大學果陣，曾經喺前線政策研究小組做過義工，當時正係同梁文道、胡恩威、何秀蘭一齊反殺局果陣。果陣卿姐係一個好執著原則嘅人，執著到乜程度？果陣，我同胡恩威都係講嘢中英夾雜（我果陣無講咁多潮語），就成日被卿姐丙，卿姐係好憎人中英夾雜。連小事都係咁，更加唔好想像，她會同維園阿伯握手，以往她係維園阿伯追打對象嚟。 權力會令人變得血肉模糊，面目全非，呢一役，卿姐實在令人無眼睇。何俊仁我未想丙佢住，佢只不過係一個老好人，如果佢真係投共，就唔會好多時倒貼咁做立法會議員，或者幫中國嘅維權律師，真正嘅真心膠，我唔想出手丙佢。馮檢基呢類假膠，我話佢真心膠，己經係好有禮貌。 Short URL: http://wp.me/p7cGY-2kf