月份彙整五月 2010

蔡英文：調和「新台灣性」 尊重中國文化認同 小弟終於見到蔡英文做黨主席的威力，這是一個比馬英九更有力的國家論述。 現時蔡英文將中華民國在台灣定位，事實上類近自由法國。現時在台灣的中華民國政府是自由中國，這樣定位事實上為日後中華民國重返中國鋪路，蔡英文是陸委會主委出身，她都應該推算到中華人民共和國這個賊匪政府，應在未來十年倒台。 而這個國家論述，不單止於外省人與本省人的衝突，另一方面更重要的是，為未來的台灣獨立或自決鋪路，現時台灣本身會支持中華民國流亡政府光復，甚至領導這項工作，但一旦光復成功，台灣人就有權決定自已的路。一如當年英國希望印度人參與對日、對德戰爭，也是用印度參戰換取印度戰後獨立。 小弟認為這論述相當合理，藍綠都照顧到，也很大程度上照顧到外省人的流亡本質，這比李登輝的中華民國在台灣更合現時需要。因中華民國在台灣，那就是台灣以中華民國之名成為另一個漢字系國家，問題在於，法制不改的話，那一旦中共倒台怎麼辦？ 一旦中國完成民主化，查實也是讓香港和台灣自決的時候，獨立與否由當時住民自決，但至少要有這個權利，畢竟這兩個地方為日後中華民國復國犧牲了不少。 Short URL: http://wp.me/p7cGY-2cE

我唔知金正日有無用喺金融市場玩，不過如果佢玩亞太區CDS，應該無乜人夠佢嚟，因為佢條友今日搞到中國CDS一舉攀升到100以上嘅關鍵關口，大韓民國嘅CDS同樣暴升。 Largest Widening Spreads (Greatest Credit Deterioration) Entity Name 5 Yr Mid Change From Close bps bps % Korea, Republic of 172.12 +29.21 +20.44 China 102.08 +12.48 +13.93 中國主權CDS走勢圖 大韓民國主權CDS走勢圖 好明顯，依家投資者傾向相信南北韓會有頗大機會開大片。如果未來幾日中韓CDS係咁升，可能兩韓未開拖，中國同亞太區投資者己經想搵菜刀搵金正日條肥豬算賬。 所以，今日亞洲區個市食瀉藥係正日，呢排投資都係小心駛得萬年船，因為金正日你係估佢唔到。 Short URL: http://wp.me/p7cGY-2cz

「林 鄭 月 娥 稱 會 研 究 立 法 強 制 市 民 減 少 用 水 2010-05-25 HKT 16:19 水 務 署 署 長 馬 利 德 表 示 ， 自 09 年 推 出 沐 浴 花 … Continue reading →

對小弟嚟講，香港一早己經由統監府統治（否則我唔會用咁嘅名稱呼中聯辦），所以民主黨同香港統監府談判政改，唔係乜嘢剝奪一國兩制舉動，因為無咗一國兩制好耐。 圖片由香港統監府向香港電台提供 不過香港統監府由上述照片睇到，中央明顯俾咗好大壓力，要佢地同民主黨平等講數。以往中聯辦班友見人，都應該唔會用呢種平等嘅坐法，大家記住，中共一向對港政策，係迴避中港英三角情況，儘量係中英自己搞掂，咁樣直面香港政黨，應是首次。況且三個人中，有兩件係支聯會常委，何俊仁仲係一直有幫法輪功同埋維權律師，師濤案都係佢出手，講同中央對抗，怕且何俊仁同公社聯盟半斤八兩，所以我唔多信何俊仁會賣屎忽，亦無必要依家就鬧民主黨背叛。 由交戰原則嚟則，民主黨同統監府傾，小弟唔會鬧佢地，因為如果交戰雙方完全無談判嘅話，呢啲仗唔擦槍走火就怪。老實講，如果2005年有咁嘅談判，當年就好辦好多。 當然，李剛同何俊仁傾，雙方係唔會有乜退讓，真係有實權退讓係中央派出嘅官，唔係李剛呢挺芝麻官，我都係引長毛果句爛gag，見李剛，不如見吳剛，今日嘅會面只係表明雙方談判正式開始，小弟亦估唔到張檯係擺成平等陣勢，我諗國共兩黨打大交以嚟，中國未有兩個對立政黨安排咁嘅對等談判。依家睇中央官員嚟果陣，擺係乜陣式。 小弟睇法好簡單，中央唔讓，民主黨無必要讓，大家睇實馮檢基、梁耀忠、張國柱同李國麟四條友，當中三條友賣咗屎忽就頭都痕。其中，李國麟投誠機會最大，馮檢基大家唔好俾佢條友走。 Short URL: http://wp.me/p7cGY-2cs

以上圖表係和黃呢幾個月嘅CDS走勢，今朝早和黃喺東京開市個CDS升咗成9.2%，去到92.07嘅水平，雖然都比唔少國債要優質，但係和黃呢個月被大戶兩次叩門，似乎班大戶己經唔係只係係咁郁吓香港就算，而係想影響藍籌股價。 嗱，各位揸住和黃股票嘅老友，你最好問定你個經紀Bloomberg機有無訂CMA Datavision，睇住和黃近排CDS走勢，得閒順手睇埋香港主權CDS同KCRC（九鐵公司）嘅CDS。和黃CDS升高絕對會影響集資能力同水平，唔好話第日有人搞到供股，無人提醒過你。 Short URL: http://wp.me/p7cGY-2co

明報：登記後採訪被阻，3記者受傷報警 呢啲事件發生喺教會活動，簡直係胡鬧，我指係主辦教會胡鬧，乜《聖經》係咁教導嘅咩？示威者示威，咪由得傳媒去採訪，依家教會真係惡過共產黨。 唔俾快必入去現場，本身都好有問題，快必喺《時代論壇》嘅網上電台有做事工，佢都算係好積極嘅傳道人，只係因為快必喺《時代論壇》作出批評言論就唔俾佢入去教會活動，黑暗程度已經去到中世紀天主教會嘅級數。 但最離譜，係以下《蘋果日報》報出嚟嘅內容： 「 大會邀請中文大學候任校長沈祖堯帶領祈禱時，同盟成員在觀眾席高舉寫着「天安門母親」的十字架，並戴上內地維權人士的面具，高叫「為六四死難者祈禱」、「為豆腐渣（死難兒童）祈禱」等口號。包圍示威者的義工即上前沒收示威物品、砸碎其十字架及驅趕他們離場。」 小弟絕對不接受係砸碎十字架，呢種行為係共產黨，以及極少部分極端回教徒至做得出，教徒當眾打爛十字架，唔理個十字架係邊個揸住，都係明顯有問題，其硬膠程度可以同十字軍當年東征，因收咗威尼斯人錢去打東羅馬帝國無分別（呢件事史稱第四次十字軍東征，亦埋下君士坦丁堡被回教徒佔據嘅禍根）。十字架係代表咗耶穌基督嘅救恩，無錯，《聖經》唔容許拜偶像，但亦無話可以狼到連十字架都可以打爛咁離譜。有關人員唔單只刑事毀壞，兼至少普通襲擊兩條人間罪行咁簡單，更大鑊係，究竟依家呢個「全城更新」，究竟信係乜嘢？呢個教會，仲係唔係基督教會嚟？ 遲吓仲有個「紅黑皇佈道會」，如果有教友叫非教友去，你應該諗清楚，因為負責佈道係蘇穎智、吳宗文呢啲擺明係教棍嘅人。入錯教會，隨時衰過唔入教會。 Short URL: http://wp.me/p7cGY-2cj

Himark的推：豆瓣的我们都爱64位处理器小组迅速死亡。发起人帐号被永久停用。 以後中國唔駛有電腦雜誌出版，點解？ 依家雖然有唔少32位CPU，但大趨勢都係改用64bits，如果64位元全部都因一九八九年北京大屠殺，變咗政治禁語，咁以後大家唔駛傾新U，咁買電腦雜誌嚟做乜？ 中國政治荒謬到，連討論CPU都遇上政治，黐線。 Short URL: http://wp.me/p7cGY-2cg

當政府繼續輸打贏要，利用佢地刻意干擾嘅公投結果，去反駁陳偉業對依家香港情勢嘅警告果陣，林公公如果係仲有啲雄性荷爾蒙嘅話，不如聽吓呢首歌，同諗番呢幾日嘅形勢先。 依家我是憤怒呢首歌，最能反映香港年青人對現有形勢嘅睇法，昨天咁多年青人湧出嚟玩膠都知，依家無錯有班好似馮煒光咁嘅人，以為政改過咗萬事大吉，但對於己經nothing lose嘅年青人，佢地唔期望果樣嘢。正如飛哥講，咁嘅形勢仲有五十七萬票，有咁多「鐵票」，除咗林公公，以及意氣用事嘅溫和泛民，無理由忽視，因為佢地有一半湧咗上街你就頭都痕，況且當中唔少根本無去投票。 依家個局識唔識拆，我諗唔到除咗否決政改外仲有乜可以拆，你強過政改？得嘅，今年先嚟玩劑勁，然後2011年區議會選舉四面八方嘅人馬，區議會選戰當立法會嚟打，旨在全取十一席，咁政府諗住點？屆時成街都係追住禮義廉嚟玩嘅友仔，唔通區議會選舉期間香港軍管？ 特別大家留意以下新聞： 「澳 門 多 個 工 會 團 體 擬 明 天 起 靜 坐 集 會 2010-05-23 HKT 21:22 澳 門 多 個 工 會 及 團 體 計 劃 明 日 起 ， 逢 … Continue reading →

「【本報訊】港府申辦 2019或 2023年亞運會峯迴路轉，原定本月底展開大型公眾諮詢，由市民決定是否舉辦這個耗資逾 300億元的運動會。近日政府卻臨時變卦，力撐申辦的民政事務局局長曾德成贏得首仗，港府改為下月底讓港協暨奧委會向亞運會遞交申辦意向，是繼 2000年後再次申請。政府消息說，政府內部分歧仍未解決，將於年底正式申辦截止之前才作最後決定。　記者：呂焯均」 自四川地震輸送咗一百億俾班貪官後，香港政府，特別班土共就當香港有無限嘅儲備，係唔係都亂咁駛我地啲錢。六百六十九億廢鐵後，依家仲勁，三百億搞個我地平日都唔會睇嘅亞運會。 我好少直接用仆街兩個字鬧人，但依家曾德成係濫用公帑兼敗家，咁唔用仆街，我仲可以點媽叉佢？ 依家香港，究竟由緊乜嘢智商嘅人管？ Short URL: http://wp.me/p7cGY-2c6