月份彙整三月 2010

白翎島位置，維基媒體基金會地圖 大韓民國海軍哨戒艦天安號，被不明爆炸搞至沉沒，由於懷疑與朝鮮（北韓）的魚雷有關，引發緊張局勢。而出事地點，就是在上圖最深色的島嶼白翎島以南。 白翎島在軍事上相當具價值，這不單掌握中國與大韓民國間的水道，大韓民國如此夠膽，將國際機場設在仁川一個極為接近朝鮮的島嶼也是這個原因。如果北韓要軍事上奪取首爾，除了一個核彈飛到首爾外，另一個方案，就是先奪南北韓北方警戒線黃海五島才成。要奪取仁川，才能截取美軍經水道反攻首爾的路。 南北韓會否再起戰端，還是金正日又想多拿點糧食的手段，不得而知，現時小弟持謹慎態度，但世界糧食價格急升，中國西南大旱自顧不暇，中國還不及早協助韓國統一的話，遲早大鑊臨頭。 Short URL: http://wp.me/p7cGY-1V2

新華社：昆明城管与小贩发生冲突 5辆执法车被砸翻 果啲成日話香港示威者好激好暴力嘅盲毛記者，以至用中國IP扮香港人嘅五毛，睇清楚以上雲南信息網嘅照片，中國一係唔係騷亂，一騷亂係推翻汽車呢隻級數，香港果啲係鐵馬都未掂就被警察噴胡椒噴霧。香港八十後？碎料喇。 言歸正傳，昆明喺呢個時候玩單咁嘅嘢，隨時小事就嚟個擦槍走火，然後西南起義，我講係真果隻起義，一方面係旱災導致生活質素大跌，官員搏懵抽水，以及物價飛漲等多個問題，另一方面，北倉村本來就係一個火藥庫。 雲南網：昆明：農村房屋可確權辦證 睇尾段就知，北倉村就係昆明近年被納入拆遷城中村嘅一員，換言之，當地嘅拆遷安置問題本來就民怨指數極高，呢個亦係一個未經證實嘅謠言，就可以搞到咁大鑊嘅原因。 如果西南旱災持續，小弟相信，未來一兩個月己經出現亂局，大家準備著草，小弟再一次警告，2010年大事勿用，有乜重大規劃，請你考慮放棄，或者有替代方案。 千祈唔好以為西南亂局唔會蔓延全國，以上呢段新聞，網易要關閉評論，因為反政府言論之多同激烈，去到五毛大軍都頂唔住嘅地步，好多係去到主張暴力嘅級數，你睇百度貼吧都有類似現象，你話老共唔驚就假。 Short URL: http://wp.me/p7cGY-1UY

小弟對香港好多行業入CEPA都唔多緊張，但速運業係例外，小弟不只喺報紙寫過，更加寫信去立法會，點解，今日一次嘔血經驗話俾大家聽乜事。 小弟一般喺果啲由收件人負責運費嘅件，要求付運方交俾港資速運公司，或者一間喺香港有大型分公司嘅中國速運公司，因為最重要理由係一票到底，我一個tracking number就可以知道件貨嘅去向。 今日中國果面有位老哥，無聽指令，搵間聲稱自己喺香港做得好掂嘅速運公司，查實佢喺香港嘅件係交晒俾一間福建人開嘅速運公司做，結果係點，就係件事喺我間公司無人可以話事俾錢嘅情況下送上嚟，之後未有人可以俾錢，又無留低tracking number同聯絡方法就揚長而去。 由於中國嘅tracking number喺香港個系統搵唔番，結果用咗成個鐘至再安排派遞，仲要係我就佢去佢指定地點拎貨，你話點可以接受？ 大家諗吓，如果港資派遞公司無法養起自己喺中國嘅派遞員，乜貨都交俾中國嘅公司去派，會有幾多激到心臟病發嘅事件。所以，為人為己，香港速運業最好可以得到CEPA待遇，唔駛喺新嘅硬膠《郵政法》下退出市場，否則好似小弟遇到類似嘅怪事，只會無日無之，命都短幾年。 Short URL: http://wp.me/p7cGY-1UW

「政 府 計 劃 申 撥 1 億 5 千 萬 元 賑 濟 內 地 旱 災 2010-03-26 HKT 12:01 政 府 計 劃 向 立 法 會 財 委 會 申 撥 1 億 5 千 萬 元 … Continue reading →

「東南亞四國就旱災問題向中國交涉 26/03/2010 12:46AM 中國西南地區遭受特大旱情之際, 泰國, 越南 , 老撾和柬埔寨指責 , 中國在湄公河上游修建水壩, 導致下游出現半世紀以來最嚴重的水位下降. 四國領袖下周六會在泰國召開峰會 , 向中國提出交涉 , 要求中國從上游的大壩放水, 紓緩下游的旱情. 中國已同意出席會議. 中國駐泰國大使館參贊陳德海表示, 中國境內的瀾滄江只是湄公河上游其中一條支流 , 年均流量佔湄公河流量不足一成四 , 下游旱情與中國修建大壩無關. 」 當情況玩到咁果陣，我唔知中國打算點收科。 依家中國糧價大升，旱災難民大增唔駛講，加上北韓問題、西藏問題，中美互聯網對抗，全部都可以玩出膠嚟，依家中南半島主要國家，得中國嘅跟尾狗緬甸至唔會同你計較，如果呢四個國家同中國玩鋪勁，甚至喺緬甸問題上同中國玩嘢，你估中國真係玩得起？ 班膠官仲閘住啲水做乜，好心放棄果啲水壩吧，大佬一成四水流己經好大件事，而且連累雲南同廣西，我想問中國班貪官，係唔係搞到天下大亂至知死呀？ Short URL: http://wp.me/p7cGY-1US

繆美詩：谷歌沙塵暴 邱騰華條膠人，喺沙塵暴襲港事件嘅九唔搭八答案，不單暴露咗條友根本唔識環境問題，更反映佢係人肉MP3嘅兄弟人肉錄音機，翻來覆去三幅被，但內容就少過人肉MP3多多聲。 邱騰華條友唔單只沙塵暴因未做功課，佢個人肉谷歌搵都搵唔到，求其亂吹一通敷衍市民，連答立法會文件一樣可以九唔搭八。 邱局長大人回覆一干人親上立法會人等的文件 呢啲叫諮詢，定係假諮詢？ 話說上回因電子產品徵費計劃，小弟親上立法會環境事務委員會，結果邱騰華條友脫逃，由潘潔副局長代答，搞到成棚人火氣上升。咁佢為咗平息憤怒，整咗份書面回應，點知，局長大人，點回應小弟嘅書面同口頭意見： 「10. 為避免產生不必要廢物,我們不鼓勵單為選用符合 能源效益產品而提早棄用現有電器。此外,我們認為同一回收計劃應涵蓋符合能源效益電器及其他能源效益較低的電器,以便所有電器(不論能源效益高低)均妥善處置。」 「 我們備悉意見書提議廢電器電子產品計劃應同時涵蓋照明設備。我們會在廢電器電子產品計劃實施後,考慮實際的運作經驗,不時檢討涵蓋範圍。就慳電膽而言,目前已有特定的回收計劃。」 我想問邱局長你嗡乜春呀？ 1. 我想問慳電膽有乜叉回收計劃咁？ 2. 我想問政府係唔係要減碳，定係慳電膽因為益到曾家，所以可以特別處理。 可以公然白紙黑字咁九唔搭八，你話邱局長點可能唔會答沙塵暴問題果陣答啲膠出嚟，沙塵暴居然關吸煙事，以為邱局長做埋周一鑊果份。 小弟好快又要寫written submission持續追殺邱騰華，我想知道佢面皮厚到乜程度。 Short URL: http://wp.me/p7cGY-1UQ

對好多香港無良商家嚟講，Google因審查問題撤出中國係不可思議，甚至撤到嚟香港都甚有將香港變成中國版西柏林嘅味道。但如果你了解布林喺蘇聯出世嘅背景，再對照一下香港最反共嘅少數族裔社群：華裔印尼人，就唔難明白點解會搞成咁嘅局面。 布林喺莫斯科出世，喺六歲至獲准移民美國，仲要係因為佢有猶太人身份，移民美國相對容易，喺冷戰年代唔係咁易批你移民美國。而蘇聯對猶太人一直態度好差，應該主權屬於中國嘅俄國遠東轄區猶太自治州，就係斯大林條福佳強行將二百幾萬猶太人移過嚟嘅結果，如果你係布林，你點可能對共產黨以及極權主義同路人有好感？ 大家或者問，布林六歲來美國，無理由仲記得佢喺蘇聯嘅經歷，但呢班友唔記得，猶太人係以家教聞名，家教承傳世上最強，加上布林實有唔少朋友仲喺蘇聯，聽嚟啲經驗仲唔夠你毛管恫？ 俾我係布林，我都會做同樣嘅決定，同蘇聯、中國呢類惡棍，客氣係多餘。 Short URL: http://wp.me/p7cGY-1UO

「賑 災 基 金 撥 款 140 萬 援 助 內 地 旱 災 災 民 2010-03-25 HKT 10:43 政 府 接 納 賑 災 基 金 諮 詢 委 員 會 的 建 議 ， 從 賑 災 基 … Continue reading →

「高價收購美麗臺　新世界認取消交易 2010年03月25日 【本報訊】政府上周通過把強制拍賣舊樓的門檻由業權九成降至八成，被質疑犧牲小業主，明益地產商。言猶在耳，新世界發展昨證實，已決定放棄透過測量行高價收購半山舊樓美麗臺一成多業權，但強調與新法例無關。消息指新世界與恒基地產原已合共擁有美麗臺逾八成業權，在新訂的八成門檻下，他們手上的業權已足夠收購有餘，毋須再益小業主，被取消交易的小業主日後將被迫以低價賣出物業。有議員指早已預計會出現發展商向小業主壓價，預期會有更多小業主受害。」 小弟一早就講，喺強拍新例推出後，半山居民等住做羊牯，吾友林忌仲整咗張半山沉沒嘅改相，依家真係不出所料，地產商唔理三七廿一，向半山居民開刀。連王永平都睇唔過眼，喺《信報》網站大鬧條法例根本係黐線。 林鄭月娥，我想問妳打算點解釋新世界同恒基地產嘅所作所為，乜港島半山好需要活化咩？活你條毛？但林鄭月娥應該知道，住喺半山嘅唔係非常有錢嘅人，但肯定係讀過吓書，又唔係暴發戶嘅人，特別係退休高官，我睇「好打得」係唔係真係咁打得，頂得住我地成班半山人同圍抽。 Short URL: http://wp.me/p7cGY-1UK 後話：小弟好友有次一同午膳時講，這樣應比高鐵事件更有激烈反抗才對，也應半山人與「八十後」聯合，小弟同意，呢鋪強搶民產事件，有啲八十後係有聲出，小弟期望傳媒唔好立亂玩消音。

星島日報：大旱蔓延湘粵 瀕臨糧荒 「除珠江源頭水量大減外，廣東北部已出現旱情。」 今年糧價大升，通脹嚴重，導致利率上升，人民幣匯價似過山車，係肯定嘅事。但更大鑊嘅事，係大旱蔓延到粵北。 本來西江己經因雲南廣西大旱斷流，如果粵北都旱災，東江水和北江水係一定唔夠供應，東江水都有可能斷果陣，咁東江水交唔夠貨，香港除咗要求廣東省政府回水，仲可以點？ 香港應該儘快興建逆滲透海水化淡設備有備無患，不過，海水化淡設備起唔切嘅時候，香港係考慮要制水。大家應該諗清楚問題可以有幾大劑，今年如果打風打正香港，未必係壞事。如果真係有李氏力量，叫李生開少陣喇。 Short URL: http://wp.me/p7cGY-1UI