Daily Archives: 三月 4, 2010

近排英鎊低到嘔唔駛講，應該仲有得跌，如果打算入啲英鎊嚟駛，依家可以睇住個市，因為英國嘅債務問題，成班友賭CDS賭到不亦樂乎，如果我國今年出現hung parliament，果時真係要買英鎊救國。 不過，如果你打算買人民幣，我勸你小心啲。 人民幣買賣，阿水都知唔可以睇正規市場，因為真正大手嘅人民幣買賣，都喺黑市市場發生，大家睇兌換店掛出嚟嘅牌價，大致接近市價，如果做開呢挺交易，大手出入有時個rate仲靚。 當正規市場掛緊100人民幣兌113港幣嘅匯價果陣，依家找換店嘅人民幣買入價係用100人民幣兌110港幣，或者九十人民幣兌一百港幣呢個比率計，換言之，有人猛咁喺香港拋人民幣出街，否則找換店唔會俾咁嘅rate大家。啱啱好，因為中央政府收緊信貸，上海股市今天係跌得好勁，當中國經濟勢色唔對果陣，就會出現大手拋售人民幣嘅現象。好多人懵盛盛仲以為中央政府故意壓低人民幣匯價刺激出口，但實際當然唔係呢回事。只要人民幣唔係公開交易貨幣，政府對人民幣匯價干預效果好有限。 當大家資金持續用香港作為逃走途徑果陣，你仲揸人民幣係你傻仔，大家小心做人，特別揸緊成手人仔果批。西方國家想人仔升，並唔係咁易。 Short URL: http://wp.me/p7cGY-1Rw

事實證明，民建聯黃才立非常無恥，無恥到令人髮指的地步，搶奪他人功勞不用負上責任，如果柴文瀚不方便周圍派發唱衰黃才立的單張，網民應該不介意代勞。 小弟建議柴文瀚，公開1月26日閉門會議資料，而市民應該要當黃才立是賊來處理。 小弟順便提供一份立法會文件，呢個黃才立，向立法會陳述支持政改方案，扮成一般市民，無披露佢係民建聯黨員身份，呢啲友仔除咗無恥，仲有乜可以形容，任何人可以進一步起黃才立底，歡迎提供資料。 http://www.legco.gov.hk/yr09-10/chinese/panels/ca/papers/ca1205cb2-432-12-c.pdf Short URL: http://wp.me/p7cGY-1Rr 後話：小弟決定建立一個google docs帳戶，專門編整港賊名單，有意一同更新，請與小弟聯絡。 http://spreadsheets.google.com/ccc?key=0Ai8CLKrcTaqedE1jemdGYW1ldmNvcTVteGlHOU9TUmc&hl=en

本文同時在www.goyeah.com發表。 當韓國和日本兩國，因冬季奧運會花樣滑冰金牌誰屬一事，引爆兩國黑客大戰之際，如果你沒有上網，亦沒有訂有線電視，你都休想搞清楚發生什麼事，因為冬季奧運只有有線電視有同時在網上和電視上播，香港兩間免費電視台不知溜到那裡去。 香港兩間免費電視台便是如此虛偽，世界盃決賽要讓有線設下的條款播，就用公眾利益為理由叫囂，但冬季奧運這類看來小眾點的賽事，理也不理，甚至連數碼台播都懶得，若非有線電視在這方面比較進取，大家認為香港觀眾有機會看嗎？ 所以香港兩間免費電視台，沒有什麼公眾支持，因此他們便是霸著大量大氣電波而什麼事都不幹。我們支持他們幹麼。 Short URL: http://wp.me/p7cGY-1Ro

「去 年 投 訴 警 察 個 案 增 近 六 成 　 嚴 重 個 案 升 成 半 2010-03-04 HKT 17:15 警 察 投 訴 課 去 年 接 獲 4257 宗 投 訴 警 員 的 個 … Continue reading →

小弟可以講明，此君己屬庚戌國賊同級嘅港賊，此君在街上出現定屬不受歡迎人物。 小弟呼籲各位，杯葛此君經營的酒店 http://www.the-silk-road.com/hotel/index.shtml Short URL: http://wp.me/p7cGY-1Rk

繆美詩：「中」計之「女」 1. 小弟早在《中女唔嫁咁又點？》講過，所謂「中女問題」，唔關三姑六婆嘅事，三十幾歲未嫁亦唔代表實係無人要嘅籮底橙賣剩蔗同老姑婆，成因甚多。依家中女問題，正如Rachel講，似係一個spin多啲，將中女同毒女無邏輯無根據混為一談，再衰啲講係中女同毒女等同處理，如果有人以為咁嘅spin可以解決毒男、賤男搵唔到老婆嘅問題，小弟想講：唔好意思，呢招唔work。 2. 好老實講，女人諗住幾時嫁，搵啲乜人做終身伴侶，係各人各自選擇，當然呢個世界總係有人不自量力，要求過高，果啲友仔我幫唔到佢，但有更多人係因為事業，或其他多種原因作出自己嘅決定，邊個話三十歲女人未嫁係唔正常，小弟發現金融界喺呢方面偏見大到係，如果女人三十幾歲未嫁一定係變態女人，有問題，小弟唔只一次喺中環同金鐘聽人食飯講埋啲咁嘅嘢。點解香港可以愚昧成咁，我諗至係真正要探究嘅問題。 3. 林忌：中女危機診所 不過，以上文章，小弟建議毒男同毒女都要睇，中女唔係問題，但毒男毒女係你做人出咗問題，朋友太少，成日沉迷CCTVB嘅膠劇，或者喺網上download嘅台劇，我都係會一副司徒法正tone同你講：出事架嘛。唔好話毒男沉迷漫畫電腦乜都唔做有問題，毒女沉迷港劇台劇韓劇日劇都唔會好得太多。 當然，真正所謂中女或港男港女問題其中一大原因港媽港爸問題，CCTVB一定唔會講，因為呢個問題大到要嚟場法國大革命搞掂佢，呢樣我講過n次，不重複。 Short URL: http://wp.me/p7cGY-1Rh