曾俊華回魂夜之司長點回應

由於曾俊華嘅財政預算案諮詢電視廣告太膠，結果被人改成好笑得多嘅回魂夜版，通常政府官員，都好少回應呢啲公然玩膠嘅情況。果啲土共禮義廉唔駛講，仲call海關玩到成件事膠晒。

財政司司長：諮詢何用

品客司長（因為曾俊華個樣同品客薯片個logo太似）係第一位，公開表示唔介意被人玩膠嘅港府高官，佢係咁寫：

「近期在某電視台我偶然發現一個宣傳廣告，由內容至形式都和我的預算案諮詢宣傳片非常相近。正如較早前有網絡朋友「搞鬼」諮詢宣傳片一樣。我不但完全不介意朋友發揮無限創意，反而覺得相當有趣。」

終於有人明白，香港己經高登化，佢公開表明唔介意被玩膠，多少同佢畢竟係美國返嚟有關，亦反映咗，佢某程度上都知道民情發生緊乜事。

唔知海關，幾時俾番社民連啲禮義廉T恤咁，好多網民等住買。財政司司長都話呢啲惡搞係無限創意，相當有趣，你X建聯無理由同司長對著幹架。

仲有一樣嘢，曾俊華係前海關關長嚟，對海關嚟講，佢係前任阿頭，無乜理由唔聽吓佢講，係咪？

Short URL: http://wp.me/p7cGY-1QO