「曾 健 成 就 民 間 電 台 案 獲 准 延 至 明 年 2 月 交 罰 款
2009-12-30 HKT 16:46
民 間 電 台 早 前 被 裁 定 非 法 廣 播 ， 其 中 一 名 被 告 曾 健 成 因 為 拒 絕 繳 交 12000 元 罰 款 ， 早 上 被 警 方 帶 返 警 署 ， 下 午 在 東 區 法 院 應 訊 。
曾 健 成 在 庭 上 表 示 ， 堅 持 不 會 繳 交 罰 款 ， 以 示 公 民 抗 命 ， 又 表 示 要 參 加 元 旦 大 遊 行 ， 以 及 母 親 因 病 入 院 ， 裁 判 官 准 許 他 再 延 遲 一 個 月 繳 交 罰 款 ， 但 需 要 在 明 年 2 月 1 日 前 繳 交 ， 否 則 會 發 出 拘 捕 令 。
至 於 同 案 的 其 中 4 人 ， 包 括 立 法 會 議 員 梁 國 雄 ， 到 庭 旁 聽 後 被 警 方 帶 走 。 」
不嬲呢類案件，都唔駛曾健成、梁國雄真係俾罰款，因為江湖傳聞，有個機構好驚呢班友搏拉做咗烈士，反而上咗位。所以一向會神秘咁代交罰款，等你唔駛公民抗命。
不過依家搞到曾健成被人提堂咁大鑊，我諗果個神秘機構有人放假放傻咗唔記得做嘢，或者個小金庫炒股炒燶咗無錢找數，所以搞到有人爭啲求仁得仁。睇嚟呢鋪搞成咁，唔係阿牛長毛佢地頭痕，呢班友無乜所謂，似乎北京或者香港好快有戲睇，近排花生真係貴。
如果有人真係將萬二銀唱晒做一袋袋一毫子嚟交呢筆罰款，就真係有戲睇！
一人一蚊救民間電台，成噸硬幣掟過去，都幾有睇頭下。
一袋袋毫子交罰款，佢係可以唔收嘅，但如果阿牛將張罰單擺上網，每個支持者，將佢印落嚟，然後每人去庫房交一元罰款，咁成個庫房癱瘓都似。
我覺得阿牛應該將罰單scan出嚟，然後人人排隊去法院交罰款，成件事一定膠到無朋友。
點解一定要幫佢哋交罰款的？唔畀人哋鍾意坐監？
To Felix:
長毛同阿牛佢地真係搏拉，坐監佢地都贏，政府如果揸正嚟做，結果係：認真你就輸了。
公民抗命，早預左要親身承擔法律後果，以反映惡法荒謬無理。
之不過警察玩政治針對，真箇厚顏兼小家，年中不知有多少人逾期未交法庭罰款，從無見過差人認真心急去執行拘捕令，大多數都係出入境才揭發的。