Daily Archives: 十一月 30, 2009

馬總統專屬的理由產生器 呢個遊戲真係又正又笑爆肚，小弟心諗，係唔係應該為唐膠年創作一個合佢用嘅理由產生器。 呢個係小弟幫唐膠年度身訂造，問題係facebook網友提供，歡迎提供更多問題，創作更多理由產生器。 http://bingo.handlino.com/machines/3904

黃世澤：由雷曼事件到革命之路 大家唔知有無發現，近日鑊鑊遊行都會有示威者留喺政總或督憲府門口，而且鋪鋪都搞到差佬清場收場，而參與人數，同支持者越嚟越多。除咗一個好中國歷史嘅觀點，用清末皇族內閣經驗去解釋，一年前小弟分析文章，至今仍然有效，小弟再摘錄當中四點： 1. 特權階級不受節制。 2. 香港的政治免費午餐演變成法國大革命前的三級會議，各級代表受付託代表所代表階層利益，無法退讓妥協。 3. 社會實際運作，與大家信仰的核心價值越來越遠。 4. 政治、人文、經濟各種利益糾纏不清，單靠建制難以改造。 高鐵撥款可以睇到頭兩點，政改報告又係頭兩點嘅反映，功能組別設計最爛嘅一點，正係第二點，利益無退讓妥協餘地，一旦搞分組點票結果就得個膠字，亦令到建制難以改造。 而改造建制不外乎幾個手段，公投、軍事政變、革命、暴亂，後三種風險都大到離晒譜，五區公投幾乎係最溫和嘅方案，呢個亦係我呢個鴿派支持五區公投嘅原因，因為呢個己經係最保守嘅選擇，再保守嘅選擇，基本上就係不具操作性，唔work嘅。 如果五區公投破局，或者五區公投都迫唔到香港有實質政改，你估下年七一有幾多人賴死喺政府總部同督憲府門口唔走？依家時間無多，如果再有膠嘢發生就連小弟都要考慮拿拿聲定居英國算數。

馬華公會膠到見報唔係新聞，但膠到上台灣報紙，咁真係膠到頂點。大家有無發現以上廣告，抄緊邊個台灣電視廣告咁？ 無錯，以下呢條 本來段片都膠膠地，自馬英九嘅政績可以用樣衰嚟形容後，由於馬總統因呢段吹牛吹過龍嘅廣告變咗欠數人士，片中果啲縣市長當中不少仲退咗黨，或者嚟緊嘅縣市長選舉分分鐘落選（最危係宜蘭縣長呂國華同埋台東縣長鄺麗貞），呢段片己經係玩膠必備，由《馬皇降臨》到近日反入口美國牛肉嘅廣告，都係玩呢段，廖中萊真係硬膠到唔知點形容。小弟建議，馬華公會高層集體去跳巴生河以謝天下算啦，免得日後分分鐘膠到上英美大報。

呢個世界好多嘢都好荒謬，包括近日個市，今日個市未受杜拜政府擺明走數嘅影響，仲要倒升返轉頭。小弟認為，除咗代表佢地嘅信心，可以同陶國能相比外，真係無乜好講。 鄭海泉講得啱，中東佔HSBC Holdings plc嘅資產負債表唔係好大數目，大不了write off咗佢都唔係好影響盈利，問題係HSBC Holdings plc喺Annual Report話中東係增長動力來源，咁依家杜拜衰咗，卡塔爾都危危乎，咁你同我講HSBC Holdings plc下一個增長來源嚟自邊度先？ 仲有一樣嘢，依家CDS世界，除咗Dubai、Qutar兩個被人狂賭CDS，Ireland、Greece以及多個東歐國家全部都賭到飛沙走石，唔係有人借有人走數抽水（無實貨喺手又喺CDS市場賭人破產果啲，就係呢類抽水精，呢啲人同無實貨又喺狂沽期指果啲友仔一樣），就係大家驚Government Bond出事驚到心慌慌。咁成個HSBC Holding plc有幾多EU國家嘅Bond至係大家想知。特別HSBC Holding plc都幾多業務喺歐盟同英國本土。 當然咁多人好似陶國能咁有信心果陣，你依家可以選擇走佬，做埋陶國能果條友係挑戰唔過金融市場嘅魔咒。

「市 民 對 政 府 滿 意 度 跌 唐 英 年 評 分 跌 幅 最 大 2009-11-30 HKT 12:27 中 大 亞 太 研 究 所 的 民 意 調 查 發 現 ， 市 民 對 行 … Continue reading →

雖然喺保皇黨呢班賣港求榮嘅議員護航下，膠鐵六百億撥款都睇落批硬，但係唔代表班議員乜叉都唔做。 點解喺文化界反膠鐵個聲明度，我自己特別註明係商界，一方面小弟確係商界中人，但另一方面亦都要表明態度，我地呢班納緊稅嘅人，係唔同意政府咁樣亂咁駛錢。而作為商人，我睇唔到呢條咁嘅硬膠鐵路，對我盤生意有乜好處。你同我將三條過海隧道國有化，兼且起第四條海隧對我作用大好多。呢班保皇黨唔代表商界，佢地自係騎劫商界個名幫佢地自己搵著數。 據聞民主黨有可能對撥款議案投棄權票，而唔係反對票，小弟不會因民主黨對五區總辭嘅戰術執行立場鬧爆佢地，但如果佢地敢喺膠鐵問題投棄權票，呢個係佢地失職，佢地無盡為納稅人把關，將公帑用喺真係有需要嘅地方嘅責任，咁我就有必要鬧爆佢地。 我嘅要求好簡單，我只係要民主黨投反對票。果啲賣港求榮嘅保皇黨議員，特別X建聯果批，一定要同佢地呢班膠人算賬。特別李慧琼，佢果個選區被膠鐵玩到地陷，原來佢可以唔駛理架，呢啲乜議員嚟架，佢地呢班友有鐵票，就可以唔駛理市民死活，呢啲咪叫尊貴嘅議員囉。佢知唔知，一個Honourable嘅人應該係點嘅咩。

如果你見到《大紀元時報》嘅報導唔多信嘅話，咁我勸你睇吓中國果啲網絡論壇，係真係有河蟹促進員呢個位，廿蚊人民幣真係幾好賺咁。 但當中共連河蟹促進員咁嘅硬膠特務機制都推得出嚟，仲公開聘請果陣，查實老共依家嘅管治係咪去到強弩之末？呢樣嘢，大家都應該心照。

「環保觸覺主席譚凱邦批評，在社會環保意識提升下，鐵路及巴士覆蓋網絡也越來越闊，公屋及居屋屋苑車位空置率維持高企，私家車車位數量供應，有必要下調。他指車位過剩的情況，並非只限於公屋及居屋停車場，同樣存在於私人樓宇停車場，但將車位出租予公眾未必能徹底解決停車場空置問題，運輸署應盡快檢討車位供應指標。」 譚凱邦你要發表你果啲環保塔利班偉論，唔該你誠實少少，唔好喺度誤導公眾。 小弟想問，有乜證據話私人樓宇停車場係夠嘅呢，事實係，港島區車位租金長期高企，一位難求，因為私人屋苑甚至官地臨時租約都應付唔到需求，如果領匯申請將七個停車場轉為公眾停車場，至少可以大大紓緩車位緊張問題，好似興華邨如果公眾都泊得，柴灣市中心果堆工廠大廈嘅貨車就會有位泊。柴灣市中心貨車無位泊嘅情況，己經對柴灣以至小西灣地區造成好大困擾。喺柴灣做司機嘅，見到興華邨大量空車位無得泊，無一不媽媽聲，但呢個唔係領匯嘅錯，係政府嘅錯。 鐵路覆蓋越來越闊，譚生呀，點解我唔見你反高鐵咁，好似依家好多地方嘅地鐵同巴士配套都係得個膠字喎，乜你好想幫鄭汝樺個賊頭做嘢咩。香港地亂發膠音嘅人真係越嚟越多，譚凱邦更係不知恥果類，果然係群賊創新天。