當facebook出現一個集體自殺群組果陣，香港傳媒膠到只係問警方有無可能查到個group嘅搞手，或者青協點樣搵意圖自殺嘅年青人，但係呢個group背後嘅社會問題，完全無人敢掂。
查實facebook自殺群組，正係四代香港人問題嘅衍生品。
年青時候年華正茂，如果有一兩個諗唔開想自殺，就話果啲人諗嘢鑽牛角尖，有問題，但如果成一百八十幾人都鑽牛角尖鑽成咁，咁唔只年青人有問題，更好可能係個社會有問題，睇呢度得耐都知，世代戰爭己經演變到一個將臨爆發嘅臨界點，而集體自殺係一個臨界點信號。
消極嘅人就集體跳樓燒炭，咁如果覺無希望，又唔甘心燒炭自殺果啲，咁佢地會點做，做咗徐步高，定直頭去搞革命？反正都爛命一條，大家有無意識到一陣𤓓味己經傳緊過嚟咁。而傳媒河蟹到，連社會警號都唔敢正視，我諗真係爆出大鑊嘢果陣至如夢初醒己經太遲。
由果位鏟咗個group再開返果條友嘅行徑，呢條友好有決心做「極端分子」，睇嚟呢類人唔少，而且個社會似乎爆緊大鑊，我諗我唔係睇緊《二十世紀少年》或者《死亡筆記》嘛。
由人口老化,M型社會,到而家集體自殺問題既出現,可見香港慢慢走上日本社會問題既後路…
香港太多人啦，對於二代香港人黎講，死一日幾十個佔香港幾多巴仙？對佢地嘅經濟有乜影響？而家係Facebook，o個一個自殺群組係相約大家一齊去死，但如果佢地選擇一種壯烈而帶政治色彩嘅死法，我諗到時人民革命好快就會黎。
二十世紀少年又真係好警世
有一個自殺群組正正用了2001年日本電影《SUICIDE CLUB》的海報做了群組頭像。
to 小P:
咁佢地直接用條命去革命仲有價值。
不會輕視世代對立等社會問題，但真的不希望這演變成另類階級仇恨，族群分裂，最終可能走上至激進末路，人始終幫不到，問題仍舊死症。
To 義不容共：
我怕己經演變成階級仇恨，族群分裂，甚至己經走向激進路線。
研究台灣和南洋歷史的最大得著是，看到族群、階級撕裂是怎樣走出來。宏觀政治離不開生活小節，黃仁宇的三大關係論是重要線索。
我在《經濟日報》提出的三策：不鼓勵跨代婚戀，實行全民普選，解決第二代人的退休生活問題，是有針對性的部署。
剷走個group只係鋸箭療傷.
唔知社福界 同立法會議員點睇哩單嘢?
唔會又係呼籲大家,努力生存,大把人慘過你個類說話掛?
我有一朝睇新聞話商業罪案調查科走去接呢單Case（如果冇記錯），我真係覺得莫名其妙，關商調組乜叉事？乜有涉及到商業利益咩？係唔係應允去自殺嘅人要先交保證金？
我真係笑鳥。