Daily Archives: 十一月 19, 2009

當然如果由陳淑莊大律師和梁家傑資深大律師出戰，未必能貫徹執行林忌提出的「改名公投」方案，林忌的方案是最徹底避過土共公投變選人的奇怪打法的方法，不過，不是每一次都可以用得上曼斯坦計劃，一如上次陳太港島戰役，最終也是執行小弟在《經濟日報》提出的Plan B，而未能執行林忌在《蘋果日報》提出，由華叔出戰的Plan A一樣。論戰略威力，華叔打港島會戰打殘葉劉是比陳太有效。 但一如小弟在周一《講東講西》所講，五區請辭的戰略合理性己經確立，因為照現時香港僵硬到爆的政治制度，在別的國家早就用公投來解決政治僵局。公投不是代表國家獨立，有時候公投可以用來統一（新加坡與馬來西亞統一公投戰，或加拿大魁北克公投戰，魁北克法語系支持者輸掉公投，是令魁北克獨立近年難以再復興的原因），但更大部分時間是用來解決政治僵局，法國戴高樂將軍便是經常使用公投，來解決法國政界那些只用能膠來形容的政治僵局。如果沒有戴高樂將軍動輒用公投來解決問題，恐怕法國到現在仍是一個膠到無法解釋的國家。 當然，五區請辭戰這絕對是一場硬仗，因為林忌方案實際上是避免硬仗，確立公投的方法，在各戰線的泛民，是時候運用戰略頭腦，考慮如何作戰的時候。

昨天唐英年吹咩回應事件，到底香港有幾多報章有提及這件事？ 結論相當可怕，據現時搜尋所得，除了《蘋果日報》，便是吾友Rachel在《AM730》的專欄，咁多了，如果有其他報章提及，請通知小弟一聲。 當香港傳媒河蟹到這個程度時，這不單相當悲哀，而且亦令香港市民對傳媒公信力作出質疑，怎可能河蟹到這個程度，除了一份有名的親泛民報章，以及一位做過電視的資深傳媒人，其他人當這件事不存在，唐英年所答可能是自葉劉淑儀在推銷廿三條發表過份言論後，最引發全民憤怒的言論，比陳一諤還要勁幾倍，但傳媒竟然全數河蟹，如果不是有人由CCTVB互動新聞台錄影直播，網上都不可能有片段流傳。 河蟹到這個程度，香港還有新聞自由嗎？難道看評論看報導都要看博客嗎？這不是對新聞專業的侮辱又是什麼？

脫苦海呢類偽中產博客，小弟係打佢唔會手軟，由於有http refer之助，佢以為喺個小forum度亂鬧人就可以脫逃，咁佢就大錯特錯，仲要個標題係簡體字就扮大陸論壇，點知個IP始終係香港，甚至連data center係邊間都知。 林忌近排大把膠人要打，不過佢轉咗四條問題，唔該脫苦海先生親自在雅虎香港博客回應，唔好轉移視線，佢唔肯回應我自己會寄信到佢office要佢回應。 「1. 脫苦海，你快 d 出來回應啦；點解你可以問嚴小姐唔識開車，我就唔可以問你點解唔識開車呢？ 2. 一大堆人用香港的開車經驗，來說開 200km 好危險－－原來真係冇人試過去德國開車喎，咁買架寶馬 5 系番來做乜? 用來明示自己買得起的暴發戶？陰功囉，原來買架車都用唔著佢的性能又要買，真陰功。 3. 原來猶太股神係「買高鐵」，火車就等如高鐵，咁點解要畀六百億起呢？叫佢猶太股神出資建香港高鐵啦傻仔！ 4. 唔怪得，連去下外國開車的經驗都冇乜，仲要覺得細過佢都做得到就係假的，真係冇陰功」 呢位脫苦海仲有一條問題未回應全世界，佢一方面又用中國十二億開車點得了為理由，質疑反對高鐵，但對住嚴小姐又話她點解唔識開車，咁香港六百萬人開車又點算呀，脫苦海先生，請佢回應吓小弟。唔好遊花園，唔答呢條問題想轉移視線就繼續追殺佢。 仲有，如果德國車性能咁好嘅原因都唔知，就學人揸寶馬五系就不如收工吧。德國正係人人飛二百公里上高速公路，否則要保時捷、寶馬咁好性能把托呀？係香港公路設計差，就搞到咁多一流跑車無用武之地。如果二百公里都叫危險，咁呀，不如騎單車算，一定夠安全。 如果仲有十年至做到財務自由，供層爛鬼樓就扮有錢人，就不如早日收工吧。大把人一早做到財務自由，但從來無去恥笑人地。

繆美詩：戚眼眉 在介紹Rachel篇文前，先要講一講古先。 《後漢書·梁冀傳》：帝少而聰慧，知冀驕橫，嘗朝群臣，目冀曰：’此跋扈 將軍也。 我們依家寸一條友囂張不得人心，就話人地專橫跋扈，典故就來自梁冀這位東漢外戚將軍嘅事跡，中國歷史上這類當人民係死嘅高官成街都係，通常呢類官都會好快失勢，因為呢類囂張人物通常都多把柄俾人揸住，唐英年唔知算佢好唔好彩，依家唔係一個隨便抄家滅族嘅年代，佢做到咁衰就算被政敵用嚟做討伐藉口，最多咪返鄉下耕田。 但大家有睇唔少討論區，有人討論緊法國大革命模式，當然依家仲係嘴炮階段，但大家睇網民對唐英年嘅反應，己經直迫二零零三年保安局局長葉劉淑儀果種離譜級數。如果唐英年係咁嘅態度，小弟祝佢好運，唔只Rachel講民望低迷咁簡單，而係更大鑊。