小弟喺傳媒都十幾年，同《文匯報》記者交往，一向係持兩種態度。
依家《文匯報》記者有兩種，一種係純粹因生活迫人入《文匯報》嘅記者，佢地一般都唔會被安排跑政治線，佢地私底下甚至可以好反共，小弟對呢類《文匯報》記者一般寄予同情，甚少鬧爆佢地。
另一種《文匯報》記者，喺福建、培僑果堆土共學校讀中一至中五，預科去金文泰「鍍金」或者去培正讀，呢種記者以為自已係為國家做嘢，乞人憎到爆，用狗嚟鬧佢地都太溫和，因為呢啲唔係記者嚟，呢啲根本係中聯辦特別訓練出嚟嘅政治狗腿，假以時日就會入X建聯，或無厘頭入咗特區政府，騎喺人民頭上作威作福。
如果小弟記憶無錯，跑《文匯報》議會線果位記者，應該係邱萍菲，邱小姐正係小弟所講嘅第二類人士，邱小姐中一至中五喺福建中學讀，會考成績勁好轉嚟金文泰讀預科，之後入咗中大讀新聞系。呢條友喺中學時己經表現得好鬼愛中共，所以長毛鬧爆她，唔會係因為一時意氣之爭，而係長毛睇到根本係中聯辦訓練出嚟嘅土共，偽裝記者進行政治行為。如果記者本身唔係去採訪，而係搞緊政治嘅，點解仲要當佢係記者先？
所以，今天蔡子強喺《明報》篇文嘅論點，小弟完全唔同意，議會記者呢個圈子，有正義之士，但亦有無賴之徒。
補充
《文匯報》高級記者走去喺基本法推介聯席會議上做主講嘉賓，她做緊記者定搞緊政治，大家心中有數。
修正版：有人話當日玩長毛果位記者叫葉詠儀，okay，葉詠儀就代表她唔係邱萍菲果種第二類文匯記者，大家睇Google，幾多由葉小姐寫嘅針對社民連嘅報導，以及如何歌頌民建聯，你話她係唔係第二類文匯記者，大家有眼見。對住無乜立場嘅文匯記者，無必要針對他們，搵食啫，但身為中共黨員果啲文匯記者，小弟認為唔駛當佢地係正常記者處理，除非他們肯老實申報他們嘅地下黨身份。但連曾鈺成都唔敢承認佢地自己係地下黨員，佢地敢咩？
7個回應
十一月 12, 2009 at 5:03 am
垃圾 文匯已經搬到上海了，跟上海的新民晚報合并了
十一月 12, 2009 at 6:37 am
長毛咪下下硬碰硬, 窒人於無形, 對方諗下至知領嘢, 為之高招.
十一月 12, 2009 at 10:20 am
據報道果位文匯報記者係葉詠儀，唔係邱萍菲，咁寫對邱萍菲極唔公道，請更正。
無名氏
十一月 12, 2009 at 10:30 am
ok, 就算被辱罵記者唔係邱萍菲，葉詠儀係唔係同一類記者，我好有疑問喎，以我對土共嘅了解。
同埋無名氏咁急為邱小姐辯護做乜，驚我篤爆她係中共黨員嘅身份，唔駛篤爆，她係都唔會認架喇。
十一月 12, 2009 at 10:44 am
網主，我完全唔知道邱萍菲係咪產黨員，亦唔清楚佢同葉詠儀係咪同一類人，原以為你誤會左果位被長毛話既記者係邱萍菲，先提你更正，唔知道你原來唔係講緊果件事。絕對無意同你爭辯，純粹以事論事。
十一月 12, 2009 at 3:34 pm
程翔係唔係一個特別例子？佢係文匯報出生，但佢又明白真理。
我地要主動思考下自己至得，唔係無外來資訊時，就會俾班膠人利用。
十一月 14, 2009 at 10:03 am
程翔那個年代，愛國教育或國情教育仍未普及，所以除非你像曾鈺成一樣，將靈魂賣給中共，否則，像程翔這樣有良知，應是正路。（推敲之言）