請awork118238.netvigator.com擁有者入一入嚟

小弟發現awork118238.netvigator.com呢個IP，有位叫British dog嘅入嚟發表違反呢度政策嘅反英言論，小弟唔知awork118238.netvigator.com係邊間公司嘅Business Netvigator，不過呢，如果有人蛇王上網秘撈做五毛，我就勸果間公司炒咗條友好，如果呢個IP屬於中資機構，咁睇吓邊間中資機構咁鍾意養五毛。
近排《里斯本條約》生效在即，啲對英國國籍法一知半解嘅五毛亂咁發音。對果啲dynamic IP嘅友仔，我就送晒落垃圾桶算，但用緊公司IP或者防火長城缺口入嚟果啲，我就唔會客氣。

中聯辦比港澳辦醒目

「李 剛 ： 港 澳 施 政 各 有 經 驗 　 若 不 合 適 毋 須 借 用
2009-11-11 HKT 12:57
中 聯 辦 副 主 任 李 剛 表 示 ， 香 港 回 歸 12 年 ， 特 區 政 府 在 依 法 施 政 方 面 ， 有 很 多 成 [...]

馬時亨的新職位

前財經事務及庫務局局長馬時亨，獲委為中策集團，即係台灣南山保險嘅大股東嘅非執行主席，引起傳媒非議。
依家香港高官嘅過冷河制度有漏洞係唔駛講，只得一年過冷河期真係講笑咩，馬時亨呢類本來喺商界打滾嘅未必好有所謂，馬時亨當年我都懷疑係咪貼錢打工（你要明白，佢呢類金融界老江湖，要搵錢唔係好難，叫佢做政府真係勁大犧牲，佢踎喺屋企炒股都賺得多過做官），未必有delay interest嘅問題，最怕係其他果啲公務員出身嘅問責官員，乘機玩利益輸送真係大劑，出件邱騰華大家都怕怕喇，所以為免瓜田李下，問責高官冷河收緊為五年差唔多。
不過馬時亨個位係唔係好忙果挺，佢叫非執行主席，話雖佢人工頗和味，但實際上好多工作，應該係柯清輝呢位行政總裁做嘅，加上南山保險主要業務係在台灣（AIG以前喺台灣嘅分公司），所以大家都唔駛太擔心嘅。
不過，問責高官嘅退任就業規定，係時候收緊，小弟認為唯一接受例外係律政司司長，如果律政司司長本身係大律師或律師，如果佢退任後只係做番老本行，應該俾佢做番，因為做過律政司司長唔會因知道一啲秘密嘢，打官司零舍有著數。前律政司唐明治依家都係喺香港做番大狀，都問題唔大。

清理五毛系列：BNO是不是英籍

好多五毛黨喺各大網絡論壇發表膠論，話BN(O)，全稱British National (Overseas)嘅國籍身份，唔係英籍，只係旅行證件，呢種謬論，講果個係膠，信果個係硬膠。
如果有研究英國法律，都知道好多英國法律都有寫BN(O)係適用，點解係咁，因為BN(O)係英國國籍嘅一種，只要你未退出過BN(O)，就算無更新BN(O)你仍然有效忠女皇嘅責任，如果一般中國人偷竊英國國防機密，最多係間諜之類罪行，但BN(O)同BC（唔理你係BN(HK)A 1990，即係居英權計劃拎，定BN(HK)A 1997，舊嘅少數族裔英籍計劃拎）告都係叛國罪，因為BN(O)本身係英國國籍。喺英國，國籍同居留權可以無必然關係，當然呢種係違反人權嘅國籍觀念，依家係得中華人民共和國、中華民國同英國用埋呢啲outdated法律，連印尼都喺2006年放棄過期法律。所以，BN(O)住夠英國半年，可以有全面投票權，就係呢個背景，正如中華民國華僑身份持有人，可以投票選總統一樣。
而有無居英權，同居歐權無關係，正如直布羅陀BOTC都係歐洲公民，但理論上直布羅陀BOTC可以無居英權。有無居歐洲，係視乎歐盟果堆條約點寫，而《里斯本條約》改咗歐洲公民定義，同埋引進基本權利憲章，就改變成個局面。
小弟大學時讀法律係美國行政法同憲法學法律訓練（以前喺中大政政讀法律，係讀美國法律，大家可以睇到我好明顯受美國果套影響痕跡），林忌好明顯係英國普通法嘅法律訓練，小弟好少推薦香港人網嘅節目，但譚志強博士昨天對BN(O)嘅解釋係要聽，譚志強博士係歐陸/台灣法學訓練，當然他介紹得好簡單，但他對歐洲嘅認識係無庸置疑。
http://dl3.hkreporter.com/files/new/tam_2009-11-10_1_de8d.mp3