除咗高登果幾位知名賭徒，最出名賭完又走數嘅友仔，當推係中國共產黨莫屬。
唔好講遠到好似我啲祖宗咁，被共產黨走數走到落嚟香港，單係講政制呢筆，老共最初又話二零零七同零八年有普選，大家都應該記得蔡素玉嘅走數紀錄：
依家仲衰，泛民問曾蔭權會唔會2012年減功能組別議席比例，同廢咗膠到無朋友嘅分組投票，反應都係負面，但老共又唔真係承諾2017或2020廢晒呢堆膠嘢佢，咁係唔係又有人想呃人兼走數，咁都得豈不是佢地好著數？
所以被人呃，不如由得依家個膠政制保持住，邊個特首上台拉邊個落台，睇共產黨長命定我地呢啲年青人長命。如果泛民年青嘅，見人地俾位你上就中計，咁呀，呢啲民主叛徒不要也罷。
3個回應
十一月 7, 2009 at 3:56 pm
下星期日禮賓府”開放”給市民賞花…唔知道會唔會有人玩膠呢?
十一月 8, 2009 at 3:45 am
》最出名賭完又走數嘅友仔，當推係中國共產黨莫屬。
一矢中的。後生可畏。
中共本性是流氓。明乎此，萬事洞然。香港三代、四代，勉之。
十一月 9, 2009 at 7:31 am
成日廢0翕膠講「循序漸進，行前一步」，如果明知「行前一步」原來係跌落懸崖，粉身碎骨。咁都上當就係愚不可及，抵死之至。
就好似2003年反廿三條惡法，「掃把頭」下台。不過數載，就似乎有大量港人失憶，紛紛投票送葉劉入立法會一樣，對歷史失憶，終必受懲罰。