明年香港水源大考驗

「廣東旱情或影響對香港供水 (13:24)
廣東省旱情加劇，導致不少地區蔬菜欠收，在南沙、珠海等地，甚至水源開始變鹹，對香港供水亦可能受影響。
《廣州日報》今天報道，由於旱情惡化，南沙、珠海市的水，已開始變鹹。
有關專家表示，如果下半年沒有水源再補充，到今冬或明春，新豐江水庫的水位，就有可能下降到呆水位(水庫的取排水工程的最低水位)以下，屆時就可能放不出水了，河源、惠州、東莞、深圳、乃至香港的供水都可能受到影響。
報道又指，廣東從化市由今年7月至今，就沒有下過一場雨，莊稼只能靠抽井水灌溉。
當地農民說，今年降雨量較往年少了三分之一，從化13座水庫蓄水容量，較多年平均值下降了22%。」
成日都聽到一個怪論，香港啲水供應好靠中國架，所以香港無咗中國唔得。但依家廣東乾旱到咁，如果今年冬天到明年春天，都仲係雨都無滴，咁東江水都自身難保喎，咁香港可以點？香港未宣布獨立喎。
如果明年真係東江水斷咗，香港都可以海水化淡等方法自已拆掂佢，香港仲有幾多嘢靠中國，值得諗諗。

難以令人滿意的答覆

收到謝志峰的書面回覆時，小弟完全O晒嘴，小弟除咗肯定要作出跟進，而且感到好火滾，撐港台幾時撐撐吓變咗撐中央台架。
1. 乜劉健儀有代表各黨派立場咩，雖然高鐵立場上，我同劉健儀完全相反，但我實forward呢封信問她，究竟她上去係代表各黨派意見，定自由黨意見，港台咁擺佢上檯。
2. 乜梁啟智代表反對立場咩，梁啟智係代表替代方案，但我同林忌，以至獅子山學會中人所持係連錦上路站方案都反對嘅立場，梁啟啟代表到我地？不如咁講，支持六四殺少啲人嘅人，都可以代表埋堅持要求平反六四嘅人，咁得唔得？
香港電台《節目製作人員守則》係咁定義適切的不偏不倚：
「適切的不偏不倚並不是要求在處理每一個公眾關注的題材時採取硬性的絕對中立，也不要求偏離公平開放社會視為基要的自由、民主、人權及法治大原則。倘若為了試圖不開罪任何人，不驚動任何機構，而不盡力去全面和公開地探討有關的論題和事件，則我們是有瀆職守。」
小弟認為，這次未有全面而公開探討高鐵論題和事件，小弟根據這點而論，有權認為香港電台有瀆職守。小弟作為香港電台節目顧問團團員，為咗捍衛公共廣播的大原則，看來難免要再度去信廣播處長，要他老人家親自解釋乜事。