社運戰術ABC

有人問林忌同小弟，點解禮賓府之戰之前，我們沒有提出什麼具體戰術或戰略建議，小弟和林忌的回覆都是，社運分子有好多基本戰術ABC都唔知，打仗必輸無疑，有乜好講。
由於現時2G GSM的A5/1和A5/2加密技術己經被輕易破解，基於《孫子兵法》所教知己知彼原則，2G電話絕對不可以作任何行動部署通訊用途，社運分子要搞類似包圍禮賓府行動，首要做是換晒3G WCDMA電話，電話長期強制在UMTS模式下運作，令警方無法知道民眾行蹤，否則警察藉偷聽電話通訊，就可以輕易攔截民眾。
但依家絕大部分社運分子，或泛民中人都無用3G WCDMA電話，加密差成咁，當權者你做乜都知，搞乜社運？收檔吧。人地韓農係有戰略和戰術部署，但香港社運分子係，基本戰略和戰術部署都無。梁家傑呢啲更等而下之，連陳一諤都好收容，同呢啲人真係你合作埋我果份。
社運分子成日鬧爆警察都好，有樣嘢社運分子真係要檢討，就係有無檢討過自已在技術和科技的不足？當中國有網民研究利用GFW釣魚來玩殘GFW，並且出了技術論證文章時，成棚社運分子仲用2G GSM電話，咁我點幫佢地？警方破了他們的行動，又有乜好講。
如果社運界真係要做番大事，唔該先用多少少錢，出個3G Plan，出個3G電話，電郵就學中國網民，利用Firefox進行全256-bit key length AES Encryption的GMail，實現最基本的通訊保密先，否則無乜可以教。連戰術ABC的通訊保密都唔識，返去玩煮飯仔吧。

BNO擁有居歐權的法源

在捷克總統簽署《里斯本條約》後，小弟都係時候，確實解釋一下《里斯本條約》下BNO為何可以享有歐洲公民權身份。
CHARTER OF FUNDAMENTAL RIGHTS OF THE EUROPEAN UNION
在《馬城條約》，並沒有強力到《歐盟基本權利憲章》的確立人權文件，因此，《馬城條約》儘管己經引入成員國國民都是歐盟公民的概念，但這個概念未能夠確立歐盟國民在各國的人權，直至《里斯本條約》，確立2007年《歐盟基本權利憲章》的法理權力，BN(O)被歧視的情況才宣布結束。
而BN(O)權利受保護，因為超強力的《歐盟基本權利憲章》第21條：
「Article 21
Non-discrimination
1. Any discrimination based on any ground such as sex, race, colour, ethnic or social origin, genetic features, language, religion or belief, political or any other opinion, membership of a national minority, property, birth, disability, age or sexual orientation shall be prohibited.
2. Within the scope of application [...]

陳肇麒試腳

南華送陳肇麒去英超球隊熱刺試腳，佢可唔可以留喺英超唔知，不過，如果佢持BN(O)，佢閣下嘅工作證問題，將會係好耐人尋味嘅一件事
如果佢持BN(O)，簽證好易搞，因為用YMS Tier 5都可以，用特區護照係浪費金錢搵自已笨，去到當地仲要去警局報到，俾報到費，BN(O)無報到費要求，不過佢係唔係歐盟球員就真係耐人尋味到爆燈，因為陳生去熱刺試腳果陣，應該在《里斯本條約》通過之後，咁BN(O)持有人可唔可以當英國球員或歐盟球員處理？佢個國籍係歐盟成員國國籍喎，呢個問題一出，即刻膠爆。
如果陳肇麒試腳試試吓試出BN(O)歐盟球員身份問題出嚟，隨時第一單打上ECJ的BN(O)歐盟公民身份案，就係陳肇麒身上發生。1996年Bosman Ruling（Union Royale Belge des Sociétés de Football Association ASBL & others v. Jean-Marc Bosman; Case C-415/93, ECR I-4921）成為了對馬城條約中，有關歐盟公民在歐盟境內自由行動的重要案例，而另一宗由球會搞出來嘅事，有可能會引發另一宗重要官司。
補語：BOTC，不計直布羅陀，由於他們是被剔出歐盟範圍，所以BOTC赴英踢波係唔可以當歐盟球員（直布羅陀除外），但BN(O)唔係香港發出，係英國本土發出，大家諗吓一旦要拗陳生係唔係歐盟國籍球員，你估ECJ點判？
由Bosman Ruling對基本權利的強硬判詞，加上《里斯本條約》大大強化歐盟基本權利憲章，有可能係唔需要喺Work Permit問題度同英國內政部硬碰，但一去到歐盟球員身份果度，如果照Bosman Ruling的判法，在ECJ都有機會贏到官司。所以成件事，勁耐人尋味，如果BN(O)歐盟公民身份得到確立，香港年青人或者應該好好苦練球技，好過留喺香港睇住班膠人鬥膠。

興建迪士尼本來就是錯誤

傳了這麼久，上海終於要興建迪士尼樂園。
小弟認為上海興建迪士尼樂園並非壞事，那些缺乏修養的中國遊客，都是中國自已來處理好，中國本土有本身的迪士尼後，對東京和香港兩個迪士尼都鬆一口氣，中國那些遊客簡直減低了其他國家遊客來港意欲。
當然，一如小弟十年前講的，興建迪士尼是一個錯誤，蘇偉文指東南亞客源可以支持香港迪士尼發展，小弟抱持保留態度，當然印尼現時開始興起，新加坡也不可能建迪士尼，南洋加台灣，再加強香港迪士尼中西合壁的特色，吸引部分日本客，長遠還可以養起迪士尼的。
對著迪士尼這個由老董惹出來的大頭佛，小弟建議政府執好盤數後，就將股權出售上市套現算吧。上海人最愛做冤大頭，就讓他們嘗嘗味道好了。