在主流傳媒全力封殺，以及很多人持觀望態度下，居然有成百人去到禮賓府參與包圍行動，並且令港府如臨大敵。
在戰術上，當然講不上勝利，但在戰略上，有百多人透過facebook被動員出來，而且只是短短一星期的事，更令警方在今天在中環各處以擾民方式佈防，亦比不少社運分子搞的項目成功（今天同志遊行，社運分子用吃奶力動員是四百人），一種新型式的政治運動模式，己經略具雛形，政府亦不知如何處理，因為這種運動沒有什麼中央領袖，連傳統長毛－警察那種互動模式都不能用。如臨大敵只會激怒更多民眾，今天警方擾民擾到不少半山居民對警方白痴舉動破口大罵。日後民眾有更多的經驗的話，小弟相信有更多好戲等著上演，不爭朝夕。基本上，大佬政治由今天開始淪亡，政黨或政治機器由下而上推動是勢所難免。
另一件警方頭痕到爆的事，可能更能揭示政府的無能以及游擊隊戰術可能性，在前一兩天鏹水狂徒在深水埗天降腐蝕性液體後，今天又在西灣河重施故技，證明警察在戰術上只盯著旺角一處，有如美軍那些殺雞用牛刀的打法，花耗大量兵力和資源但功效成疑。現時警方應該要搞清楚，到底這個鏹水狂徒是不是一個人，以及他在想什麼。這件事持續不能解決的話，港府管治威信在網民游擊戰，以及鏹水魔游擊戰消耗下，加上政府各類膠事，遲早會消耗殆盡。
當然，有好多人係買定大批花生，睇住呢個政府點死。花生黨對政府而言，佢地唔會幫政府，佢地只關心佢地手上包花生好唔好食。
16個回應
十一月 1, 2009 at 5:03 pm
我今天有去。驚方封路的手法十分可恥。
十一月 2, 2009 at 1:10 am
澳門唔用政黨制，可能都係提前悟到游擊戰的存在。
十一月 2, 2009 at 1:17 am
我都有去。我同兩個戰友喺四點七左右到左動植物公園附近，當時喺公園嘅大小入口同埋往前港督府嘅窄長行人路上已經有差佬駐守。因為我地有示威物品，時間未到，又未見有聲氣，亦唔知確實聚集地點，為免比差佬逗，我地收埋啲野，四圍觀察左一陣。見到港督府前有示威人士被圍，我地先發覺可能遲左，想去加入時差佬已經封左路，淨係比主流傳媒入，民間記者同新嚟嘅示威者都阻住唔比行向港督府。有人試過搭的士想喺門口落，司機唔肯。卒之喺前港督府之前行人路上一個103號巴士站聚集左唔夠三十個人，前路就比差佬圍人鍊封左，封到出馬路。巴士經過車站都無再停，其他車輛亦被逼慢駛。試過打比阿牛，佢話可以買十支水同差佬話送上去，但有人話唔work。期間有途人真係想行向港督府方向，被差佬截停改路。最後無計，叫左幾聲曾蔭權仆街之後眾人散去。
十一月 2, 2009 at 1:45 am
To 所有打算在可見將來出戰督憲府人士：
請各位有空，多在中環政府山一帶觀察活動，當地小路眾多，若然熟悉地形，可以相當有趣。
十一月 2, 2009 at 2:08 am
政府老羞成怒，禁既野一定會愈來愈多，最後可能連菜刀也禁了吧
十一月 2, 2009 at 2:27 am
不過愚見以為督憲府乃港英時代之建設，位置易守難攻，下次若再戰督憲府，一係要極有組織，人數要夠多，唔可以好似今次咁鬆散……但要集中各方有志之士游兵散勇而又能避過差佬耳目，恐怕不易……唉
十一月 2, 2009 at 3:13 am
我星期六正午坐的士經過上亞厘畢道，已經見有警察駐守禮賓府大門口及在大門口放置少許“雪榚筒”。
用傳統定時定點的方式遊行上去示威以經唔會work(就算正規遊行如七一，只要睇班差佬點玩遊行人仕就知)。 以後搞此類行動，真的要有打遊擊戰的預備和具有戰略高度的考量，等班差佬防不勝防。
十一月 2, 2009 at 4:28 am
政府老羞成怒，禁既野一定會愈來愈多，最後可能連菜刀也禁了吧
<-我想應該禁咗指甲刀先..笑
十一月 2, 2009 at 5:58 am
To 鐵甲人：
任何群眾運動都必須要考慮戰略和戰術問題，否則是很難有效果。
十一月 2, 2009 at 6:41 am
同樣係游擊行動，同樣係激烈抗爭，包圍禮賓府倒曾蔭權的人士，肯定光明正大，行動公義得多。
擲鏹狂徒無論動機如何，始終都係鼠魔敗類，直接受傷害的決不是壞政府，而係一般市民大眾，生活免於恐懼的公共自由，就斷送在此等瘋狂暴力行徑之中。
當然，極端反社會行為與苛政劣治，孰為因 ?孰為果? 有時道理真的說不清。
十一月 2, 2009 at 7:32 am
差佬使陰招，設晒路障，好多遊行人仕跟本連下亞厘畢道都去唔到，更不用說上亞厘畢道了。 依家主流傳媒只駐守上亞厘畢道，所以報數就得「數十」。
日後要搞游擊行動，呢樣野可能真係要跟法輪功學野。
十一月 2, 2009 at 7:40 am
To 鐵甲人：
嚴格而言，如果要搞游擊行動，特別城市游擊，最好是讀點戰略和戰術的書。
十一月 2, 2009 at 8:52 am
最好的方法唔係用FACEBOOK, 呢O的O野公開性太高, 唔得!
十一月 2, 2009 at 9:51 am
現時香港民主人士的群眾運動透明度高得令人咋舌，不但舉行活動的籌備工作，連內鬥也上哂水面，當然絕對不會成功（孫中山開會前都唔會大鑼大鼓在官府前貼招紙通知滿清啦），只能停留在吹水階段，直至連吹水也被禁絕為止
睇過”竊聽者”就知，在facebook聯署之眾人已有可能被港版stasi 跟蹤緊
十一月 2, 2009 at 3:43 pm
[...] 延伸閱讀： Kursk@Xanga《示威後記》 黃世澤《戰術上沒贏，戰略上卻是新開始》 [...]
十一月 2, 2009 at 3:49 pm
[...] Kursk@Xanga《示威後記》 黃世澤《戰術上沒贏，戰略上卻是新開始》 9兩菜@俊彥＠獨立媒體《當日警察人很多》 Genius@獨立媒體《11.1 警察攔路 [...]