月份彙整十月 2009

「行 政 長 官 委 任 兩 名 新 副 局 長 2009-10-22 HKT 14:34 行 政 長 官 曾 蔭 權 宣 布 ， 委 任 前 入 境 處 長 黎 棟 國 ， 擔 任 保 安 … Continue reading →

National Interest: The China Syndrome 「The real issue is America’s ability to attack the PRC. Observes former–Pentagon official Chas Freeman, the Chinese “have no intentions of fighting a war in the United States, but we have done a lot of … Continue reading →

這段來自無線電視舊劇《創世紀》的對白片段，上傳者的註腳係：「十年前同十年後都係一樣…」，而那些觀眾comment，可以見到這段對白為何在facebook四圍傳。 小弟反對八萬五，反對胡亂資助買樓措施，除了助長炒風以及增加銀行系統風險，沒有實質幫助，但現實是，如果社會越來越像許文彪所講一樣，消極的人會去吸毒，或者沒有鬥志，如果積極的人，就有可能走向暴動或革命的方向。 社會荒謬如電視劇對白，不是一件好事。但很明顯，那些第二、三代人，並不警覺到社會的爆炸危機。

繆美詩：燈膽．揮春 Rachel講得沒錯，曾錦貴果筆利益輸送，相對起電燈公司乘機抽水，借現金券為名大肆加價，究竟有無利益輸送喺背後，呢筆係成億港幣以上，長期而穩定嘅利益，成件事非同小可。而依家慳電膽券，真係同新年果啲唔知有無江湖背景嘅茂利，拎盆桔或者係咁派寫住財神兩個字利是，然後敲詐勒索果啲情況根本無分別。 而小弟過往係研究利潤管制計劃，大家睇番成份計劃原文 與港燈簽訂的利潤管制協議 與中電簽訂的利潤管制協議 小弟想問，邊一條賦予政府權力，可以批准因派慳電膽券而乘機加價，成件事有無法源架？所以Rachel話，呢個措施同新年有茂利係咁夾粗擺盆桔問人拎利是嘅行為無分別，如果有人要申請司法覆核，阻止政府硬膠，小弟係舉腳贊成。成個政策嘅合理性根本係無，除咗係一個借環保之名，嚟到幫個別人搶錢嘅政策，我諗唔到其他解釋。

「市民投訴天匯樓層編排誤導 (15:42) 民主黨立法會議員李永達表示，收到市民投訴，恒基干德道樓盤天匯的樓層編排，涉誤導消費者。 李永達表示，天匯最高一層是88樓，對下層就是68樓，而40至59樓是沒有的。他表示，他們正向屋宇署及地政署了解，如何更好地保障消費者。 天匯68樓A室以4.39億元，折合每呎售價71280元，面積為6158呎，但該樓層實際為44樓，而全幢天匯為46層高。」 當報紙報天匯有八十八層樓高果陣，我就嚇咗一跳，嘩，咁鬼高，點解我喺羅便臣道屋企樓下見唔到嘅，干德道都喺我上面之嘛，咁高無理由見唔到架，維多利亞港都應該見到。但干德道一帶土力結構，乜支持到八十八層樓咩，四十層都嫌有啲牙煙。 點知，原來係一單膠到無朋友嘅膠聞，繼發水樓後另一力作，香港果啲樓無晒四、十四、十三、廿四等樓層，己經迷信到硬膠嘅地步，依家呢單可唔可以叫騙案。真係天匯嘅業主，未入伙己經被人恥笑到要潛水，係IQ與眾不同嘅象徵。 喺香港買新樓己經係傻，因為間格設計同用料，可以用金玉其外敗絮其中嚟形容，依家天匯締造新低點，我寧可投資美國物業好過。

Telegraph: Vladimir Putin’s ‘Eurovision’ sets sights on China and central Asia 普京係Eurovision的粉絲係無庸置疑，普京出身聖彼得堡，本來係俄國最歐化的地區，加上他又係ABBA的粉絲，所以今年Eurovision 2009 Moscow辦得極成功，小弟不意外。 不過普京嘅Intervision建議，不單係Copycat行為，而且不懷好意。 俄國一方面阻止EBU Eurovision深入中亞地區，造成歐盟主導的Eurovision影響到前蘇聯的中亞加盟共和國，甚至一些俄國內的自治共和國，另一方面，亦要阻止亞洲整合，依家ABU搞緊Asiavision，雖然漢字系國家間的選帝候問題未有妥善解決，但Asiavision隨時是亞洲整合的先聲，一旦中國民主化完成，中國及前中國成員國整合的結果非同小可，所以普京要在2010 Asiavision大搞前，要搞個Intervision拆散中國與亞洲整合鏈，普京都算佢狠毒了。 中國親俄本來夠膠，江澤民親俄根本係漢奸行為，喺江東六十四、海參威等中國失去未收回前，中國根本不應參與上海合作組織，亦不應搞什麼Intervision，應該將Asiavision擴及中亞細亞國家，甚至容許部分ABU成員同時參加Eurovision（包括中亞細亞前蘇聯諸國、香港、澳門、澳洲和新西蘭）。

「林 鄭 月 娥 確 認 活 化 工 廈 政 策 事 前 經 環 境 局 評 估 2009-10-21 HKT 16:59 發 展 局 局 長 林 鄭 月 娥 表 示 ， 活 化 工 廈 政 … Continue reading →

政府有咁快得咁快，大大增加菜園村嘅賠償金額，一方面要誤導公眾，認為菜園村班友搏賠償，事實上班租戶，政府點加賠償都會一個仙都得不到，不如講係俾劉皇發呢班福佳新界佬嘅賄款準確啲。 小弟支持菜園村不遷不拆，唔係因為乜嘢社區感情，而係成個高鐵project根本係黐孖筋，無可能支持。 五百億幾公帑，起條唔知有幾多人搭嘅鐵路，簡單嚟講，呢個正係一個貪腐project，同邱騰華個電燈膽計劃係一樣，而且呢個貪腐project超不負責任，大佬，佢班友知唔知大角嘴啲樓點起架，個隧道竟然穿越大角嘴果堆無打樁嘅樓，搞得唔好真係隨時重演高雄地鐵嘅硬膠地陷事件，香港唔係高雄，死傷慘重邊個負責？ 基本上，呢個project目的只得一個，就係俾中港貪官齊齊抽水，亂用公帑，捍衛菜園村就係捍衛公帑，高鐵絕不可建，就係咁簡單。

小弟相信，可以暫時安心，在中大事務上正式退下火燒。中大正式宣布，由現任逸夫書院院長，抗炎英雄沈祖堯教授擔任繼任校長。 這次遴選委員會，可算是作出正確決定： 1. 沈祖堯擔任逸夫書院院長期間，管治表現令人滿意，至少可以做到修補與校友間傷痕的目標先。 2. 沈祖堯可算中大出身，熟悉中大文化，他擔任過書院院長背景，更令他熟悉書院制運作，特別他有擔任逸夫書院院長經驗，會充分認識新書院面臨的挑戰和困難，對收拾劉遵義遺下的新書院爛攤子，甚有幫助。 3. 沈祖堯為人正直，亦是對信仰有堅持的人，與劉遵義那種急功近利不可同日而語。 那小弟亦可以暫退下中大校友評議會常委火線（小弟己經表明意向，以全力於業務，以及希望為最終組成家庭目標邁進，不接任委任），像小弟這種武夫，只是在劉遵義這類膠人肆虐才需要。

今晚有線新聞台嘅新聞最前線，真係令人反晒胃，中國國產第一千萬架車都報咗四分鐘頭條，有線新聞變咗河蟹新聞。 呢個月睇住有線新聞台跌watt，但估唔到跌watt到呢個level，就嚟中國第十億個馬桶都拎出嚟報。中國揸得嘅國產車，唔係中國本土資金，而好多中國本地品牌嘅車，去外國評價差到廢鐵嘅級數，正常人係唔敢揸出街，咁有乜好報？有線唔係應該跟進邱騰華弊案，而唔係呢啲歌功頌德嘅事，俾我寧願轉去PCCW NOW新聞。 不過林忌同小弟投訴，佢轉去NOW新聞台有困難，唔係網絡覆蓋問題，而係鋪鋪午飯同晚飯時間，都播杏林在線，唔係胃鏡，就係癌症，唔係開刀，就係爆瘡，大佬，食飯睇埋呢啲嘢唔嘔就奇，你會唔會《人肉叉燒包》送飯，海洋公園萬聖節廣告咩。所以，唔該將《杏林在線》，調去NOW 100台，咁會好一啲。上述，都係林忌所講。 喺香港，真係就嚟唔駛點睇新聞。