究竟公帑同市民利益係唔係班高官嘅私產嚟

繆美詩：燈膽．揮春

Rachel講得沒錯，曾錦貴果筆利益輸送，相對起電燈公司乘機抽水，借現金券為名大肆加價，究竟有無利益輸送喺背後，呢筆係成億港幣以上，長期而穩定嘅利益，成件事非同小可。而依家慳電膽券，真係同新年果啲唔知有無江湖背景嘅茂利，拎盆桔或者係咁派寫住財神兩個字利是，然後敲詐勒索果啲情況根本無分別。

而小弟過往係研究利潤管制計劃，大家睇番成份計劃原文
與港燈簽訂的利潤管制協議
與中電簽訂的利潤管制協議

小弟想問，邊一條賦予政府權力，可以批准因派慳電膽券而乘機加價，成件事有無法源架？所以Rachel話，呢個措施同新年有茂利係咁夾粗擺盆桔問人拎利是嘅行為無分別，如果有人要申請司法覆核，阻止政府硬膠，小弟係舉腳贊成。成個政策嘅合理性根本係無，除咗係一個借環保之名，嚟到幫個別人搶錢嘅政策，我諗唔到其他解釋。