Daily Archives: 十月 18, 2009

黃世澤：愛と欲望の日々 在一年前的10月18日，我借Southern All Stars一首激到爆的《愛と欲望の日々》借題發揮的文章，闡述當前大勢。在小弟而言，《愛と欲望の日々》是2009年10月16日前，政治大形勢的主題曲。 但2009年10月16日，有女醫生打上電台投訴買不到樓，之後爆發曾蔭權慳電膽事件，香港政治出現了一大隻Black Swan，小弟有必要改用《大奥》另一首配樂，作為香港現時的主題曲，那是《革命前夜》。 第四代香港人的怨憤己經浮上水面，而曾蔭權搞陳水扁式貪腐，直接威脅香港的核心價值，更令第四代的憤怒如火燎原，基本上除非曾蔭權當機立斷，否則革命形勢不可逆轉，特別北京爆發江胡大戰，而香港的「特首候選人」大部分都不孚眾望，第四代反抗成本接近零，一把火推倒重來傾向明顯。小弟認為己經到了適當時候，結果《愛と欲望の日々》的日子，以革命前夜替代。 現時香港一切，正進入倒數階段，車公真係好靈。 小弟再引Rachel今年4月20日一篇舊文《車公好靈》，尾後那句正是香港自我進入倒數階段的寫照： 「車大元帥本來早已給了指路明燈－秦王徒把長城築，禍去禍來因自招－防家醜外洩，不如先防自己處事有否得宜。政治任命人選可有最基本的政治敏感度?部門處事可會有規有矩，秉公辦理? 否則，一切災禍，不要算在他人頭上」 延伸閱讀： 繆美詩：車公好靈

在曾蔭權事件中，有兩位學者的言論，令人搖頭又搖頭，作為社會科學學者，小弟有必要提出自已的一些看法。 「劉 兆 佳 ： 民 調 確 認 市 民 支 持 慳 電 膽 措 施 2009-10-18 HKT 15:26 中 央 政 策 組 首 席 顧 問 劉 兆 佳 表 示 ， 他 個 人 不 … Continue reading →

今朝早邱騰華條膠人，喺全香港圍剿佢同曾蔭權，喺慳電膽券事件上搞貪腐果陣，仲好意思要明年諮詢鎢絲燈膽禁售政策，原來曾家親家貪唔到，就要來個霸王硬上弓，條友真係好嘢。 小弟這位歐洲人，係時候解釋一吓人地歐盟係點做 歐洲委員會：European lamps become more energy efficient 1. 首先，人地唔係一刀切禁晒鎢絲燈，因為有啲人真係唔用得慳電膽，歐盟有兩個做法 – 2009年9月1日未賣晒嘅存貨可以繼續賣，等真係用唔到慳電膽嘅人可以繼續買到要嘅燈膽，而且係先禁賣100W，餘下60W, 40W係按步就班咁禁。 – 一啲用新技術嘅鎢絲膽，例如能源標籤做到Class C或Class B的膽，係可以照賣，只不過要賣Clear膽，係Non Clear至只係俾LED同慳電膽賣（或者遲吓有鎢絲膽做到Class A能源效率，都得，歐盟出嘅膽盒上寫得好清楚個能源效益級數）。 2. 唔係乜嘢狗屎垃圾膽都可以賣，歐洲委員會規定，任何喺歐盟賣嘅慳電膽，要喺壽命、起動時間、光度等合符一定要求，所謂quality lamp，至可以賣出街，否則收檔。 根據今年消委會測試廿隻慳電膽，大部分慳電膽嘅實際輸出功率，少過標註嘅功率，其中有牌子可以聲稱11W，但輸出功率係4.4W都夠膽死，呃稱到爆，就算功率同一等級嘅燈膽，以20W級別為例，由GE嘅1600流明，到飛利浦嘅1000流明都有，大佬，市面上慳電膽良莠不齊到咁嘅程度，請問慳電膽券加上禁售鎢絲膽，除咗要官商勾結利益輸送，對市民仲有乜好處咁？ 喺香港呢個城市，任何聽落好好聽嘅公共政策，都隨時變官商勾結溫床，好得人驚。

「8 成 被 訪 者 認 為 公 眾 人 物 應 有 較 高 道 德 標 準 2009-10-18 HKT 15:12 香 港 青 年 會 一 項 調 查 顯 示 ， 超 過 9 成 青 年 … Continue reading →

「【本報訊】特首曾蔭權明益姻親「慳電膽大王」莫錦泉的疑雲越描越黑。香港環保政策評議會在施政報告公佈前，接獲市民投訴，踢爆政府原來一直大量採購莫錦泉有份代理的飛利浦照明系統，存有嚴重利益衝突。該會曾去信質詢特首辦與環境局等部門但不獲回覆，今日將公開手上證據，力證曾蔭權明益「自己友」。」 林忌和小弟以陳水扁案作為參照個案，初步推算慳電膽事件，以及連串涉及曾蔭權長子外父嘅懷疑弊案，係一宗家族式大型利益輸送案，昨天蘋果日報講嘅塑膠喉管事件，都仲爭少少未鋤得入曾蔭權，同埋邱騰華呢個新葛柏式貪腐集團。但依家香港環保政策評議會嘅信，成件事就好清楚，下午至睇得信件全文，但直接涉及政府大量採購飛利浦照明嘅系統，仲未計有網民指出公屋用嘅Hager系統，用料仲靚過好多豪宅多多聲，而且Hager又係莫錦貴果家人做代理嘅。 依家己經唔只一單涉及慳電膽券弊案咁簡單，再咁樣查落去，隨時係幾千萬甚至過億嘅公帑，係咁送晒落班茂利袋，咁仲成世界？如果甘乃威案，呢單好多人都不以為然嘅案，明明小事都要化大（仲要王迪詩呢位懷疑佬扮港女嘅友仔仲好意思寫，真係黑白顛倒），咁呢單弊案可以放過，咁不如廢咗廉署算喇。 再咁搞落去，除咗要響應何民傑嘅罷交電費行動，我諗真係要搞香港紅衫軍出嚟，拉貪腐特首同局長落台。

小弟本來在廣告政策低調表明，不再歡迎我通我識呢條茂利通識博客主持，濫發廣告post，依家我要講明，佢係本博客的不受歡迎人物，永不歡迎留言。 你要喺留言附加自已的URL，係咁喺URL一欄打番自己個博客，並且作一啲有意義嘅留言就得。但呢條友，喺多個博客，總之見到多人睇嘅，就一句「謝謝分享」或者含金量奇低嘅廢話，然後就加上佢個URL，呢啲宣傳手法根本就係做spammer，真係火都嚟，你依家係咪想當人地個博客係SEO工具咁？ 小弟如果認為個博客值得推介，自然會自已走出嚟推介，一係我會擺落sidebar個相互連結表度，Rachel個博客係小弟有心亦擺明車馬去做推廣。要搞大自己個博客，唔該有心做好內容，唔係浪費時間喺人地個博客度打廢話，兼且講埋晒啲阿媽係女人嘅內容。全香港寫博客，好多都忍夠呢位廢話專家。如果不知自量嘅話，我諗我係要向Wordpress.com正式作出投訴，以及用對付五毛黨一樣嘅方法。