Daily Archives: 九月 17, 2009

在吳敦義做行政院長的消息公布後，以小弟對吳敦義做高雄市長期間硬膠治績的理解，已經對呢條友無乜期望，但估唔到佢膠到近乎每月之星的級數，走去見梁振英。 身邊好多朋友都講咗，梁振英做行政長官就移民，因為呢條友膠力大家心中有數，已經當佢係香港公敵。吳敦義唔理係被邀也好，主動也好，就係唔可以見梁振英，否則佢等於代表中國國民黨自絕於香港人，你見個香港人最痛恨嘅福佳，大家估吓小弟會用乜香港語嚟孝敬吳生。 仲有一點，依家全香港懷疑梁振英條福佳係共產黨員好耐，你上任前見件共產黨員，咁唔怪得大家都認為馬英九係兒皇帝，佢同曾特首有乜分別呢？ 所以，叫吳敦義做白賊義，一啲都無講錯。

「金 管 局 關 注 按 揭 利 率 過 低 為 銀 行 帶 來 風 險 2009-09-17 HKT 22:29 金 管 局 關 注 銀 行 按 揭 利 率 過 低 ， 會 引 致 在 聲 … Continue reading →

繆美詩：嚇不死 呢排樓市被人吹到勁一勁，依家果啲新盤開盤價勁到無倫，不過，依家香港樓市有幾多實質支持，非常值得懷疑。 羅便臣道，以及半山行人扶手電梯一帶，一向地產代理多過米鋪，去年小弟更經常拿些羅便臣道膠力強橫的地產代理廣告貼堂共賞，如果樓市真係全面復甦，照理羅便臣道、堅道一帶的地產代理數目，就算不復當年勇，亦至少不少去年執了的鋪頭會重開，但事實唔係咁。小弟昨晚食宵夜時，掃了一下些利街半山行人扶手電梯一帶，這兩間地產代理會告訴大家發生什麼事： 這間利嘉閣些利街分行，去年金融海嘯爆發不久暫停營業，後來乾脆關閉，至今鋪仍租不出去。 專業地產，算是SOHO一帶有點名氣的中小型地產代理，本來還頂得住，但近數月要把鋪位租出去，但沒人租。 羅便臣道的美聯地產，有兩間分行關閉，一間變了七十一，一間變了賣紅酒的。而SOHO的租盤，自金融風暴以來，好像未復甦過。 羅便臣道、干德道一帶不是賣上車盤，而是豪宅盤，合符投資移民計劃下的盤，經紀佣金收入都不足以令被關掉的分行復活，誰說樓市復甦了，近日那些新盤價，是真有其事，還是有人老吹引人上當實在值得懷疑。 你可以不聽任總或Rachel的警告，但投資前，請睇睇各大地產代理能否做得住先，這是觀察樓市的重要指標。 仲有兩點，大家要小心留意： 1. 雖然理論上，十八區樓市是略有不同，像天水圍的樓市活動模式，同港島西半山不同，港島東半山（指北角寶馬山區）和西半山都會有不同，但樓市總體而言，是受制宏觀經濟的能力。而傳統豪宅區樓市未見復甦，但新盤就不斷聲稱開紅盤時，大家應當心這是有古惑，最老實的數據，是有多少經紀能夠支持，現時香港地產經紀是買賣雙方各收1%佣金，地產經紀收入相等於當地樓市實質交投的2%，扣除燈油火蠟鋪租，實際交投情況是推算得到。 2. 如果現時樓市是虛火，那香港銀行的按揭資產質素是充滿風險，但更怕那些按揭不是在香港批出，而是中國批出，換言之，有可能有人將香港樓房抵押，然後在中國借錢，中國的銀行資產問題要更小心，因為香港本身已經實施七成樓按，本來香港已經看得很緊。當然，亦要小心膠到無朋友的按揭證券公司。

在今年十月一日，共產黨竊取中華民國政權六十週年當年，中國有一部極為硬膠的法律出台，叫《郵政法》，硬性規定，同城五十克以下，異地一百克以下郵件，一概由中國郵政專營。 這個措施不單倒退得離譜，而且大大影響民營速運公司生計，雖然民營速運公司良莠不齊，用過都知，但有一點肯定，民營速運公司效率和價錢好中國郵政太多，這樣搞下去，大批民營速運公司倒閉，不單影響文件傳送，而且更可能影響貨運物流，廠佬影響相當大，到時中國生意你做埋我果份。 依家中國為了控制言論，不惜將中國北韓化，這種政權，倒下係遲早問題。

「民 建 聯 要 求 快 餐 店 托 盤 紙 加 警 告 字 句 2009-09-17 HKT 11:43 民建聯到本港及內地多間快餐店進行考察。(蔡德蕙攝) 有 政 黨 發 現 本 港 快 餐 店 的 托 盤 紙 沒 有 字 句 提 醒 … Continue reading →