大馬花生大漲價！

馬華公會開除蔡細歷黨籍

馬來西亞近排真係成街都係花生，劉德華不尊重大馬華人傳統，拒認朱小姐係佢老婆，搞到全南洋都粗口問候佢。呢單嘢未完，馬華公會內鬥白熱化，署理總會長蔡細歷被會長理事會開除黨，支持蔡生一定會要求召開EGM反撲，如果EGM都反撲唔成，成班馬華公會中人投槍跳槽到民主行動黨，真係唔係出奇的事。

由這件事可以看到，國陣自己都一盤散沙，特別國陣查實唔剩番好多華裔和印裔支持基礎，印裔基本上國大黨係廢物，大部分都係支持人民公正黨，而華裔本來係英語教育華裔為主民主行動黨偏強，依家搞成咁，乜馬華仲有戰鬥力的咩，搞得唔好就係國大黨翻版，翁詩傑自己搞巴生自貿區搞到一鑊粥，佢仲好意思開除蔡細歷，呢條友面皮之厚真係大馬十大。

翁詩傑成件事最不自量力係，蔡銳明投靠人民公正黨後，馬華在馬來半島最有實力的柔佛州已經削弱不少實力，現在又係柔佛出身的蔡細歷又走，蔡細歷在柔佛實力比蔡銳明更強，咁翁生你打算係咪靠黐巫統嚟乞飯食咁？

總言之，納吉都係打算國陣變成巫陣算，咁真係祝佢好運。