林忌篇文的論點小弟大致同意，雖然小弟認為e-statement係長遠方向，但在e-statement的legal status，以及相關的potential disputes未解決前，HSBC的激進做法有可能自己攞嚟衰，加上金管局班人工天價咁高嘅膠人，成日都唔做嘢，結果HSBC被人鬧爆都未天光。
小弟要大家留意，係一名聲稱做MPF研究的膠人阿剛的留言，連監管都唔識學人做MPF，大家嘅錢真係好鬼牙煙。
「幾點:
1.什麼才是”基本服務”，包不包括要有多少分行櫃員機?分行有幾凍冷氣?有幾多部大利市機比人睇股票?人家又不是不給，只是要另外給錢。何況誰規定不能收費的？
澳洲的銀行連紅簿仔月結單正本都不是免費的…連開個戶每月不夠新存款都要月費。
2.就算是要規管，要找的不是金管局，而是銀行公會及消委會。反正金管局一直用”銀行同業守則”讓銀行自律的。(所以才會有迷債…不過也同SFC有關)
3.金管局又不是專責處理銀行日常投訴，你朋友即時應該找的是消委會。
4.其實消委會應該多做點銀行收費及服務比較。像以前做強積金收費比較一樣。」
上述膠論，對做過銀行或經常同財金界打交道的人，聽完，笑咗：
a. 銀行好多嘢都唔算係基本服務，但如果你個戶口唔連帶passbook，bank statement絕對係基本服務的一部分，因為銀行作為受託人，係有責任向客戶書面報告戶口，不論係信貸、儲蓄定投資戶口嘅一切狀況，亦係執行銀行與客戶間合約的基礎文件，如果銀行以法理狀況不明的方法向客戶匯報財產狀況，而引發民事糾紛，結果只會係膠。正如MPF，你試吓要求MPF公司以e-statement取代所有的written report，睇吓有乜後果？
b. 由阿剛第2和第3點的回覆，證明呢條友係連監管係乜都唔知，銀行唔係Professional，係唔可以政府授權專業團體作出自我監管，而且根據《銀行業條例》，銀行公會係無權監管銀行，係由金融管理專員，亦即金管局局長去監管，防止銀行以不正當方式經營，亦係《銀行業條例》的法定權力，《銀行公會條例》只係規定銀行公會的運作方式。咁都唔識學人發膠音，臉皮真係厚過乜。
c. 根據《消費者委員會條例》，消費者委員會只係能夠向政府和業界團體提出意見，但聽唔聽係佢地的事，做比較都好，金管局唔做，有用咩？
唔該，請發音前做吓研究先，唔好考完試就乜都唔記得晒。
