律政司正經事不做，膠事就做，掟一蚊掟爆佢地算喇

林忌：救救朱凱迪．香港一人一蚊掟響律政署大行動

津巴布韋個硬膠總統保鑣，在香港亂咁打人就唔告，朱凱迪為咗捍衛香港嘅文化價值，律政司就追佢廿七萬，我地納稅人養律政司班廢人，原來係用嚟做埋晒啲膠事，正經事唔駛做架？

律政司亂嚟都好多鑊，又BT案，又古惑天皇案，市民決定幫朱凱迪找數，不過我地係用大量硬幣找數俾你班膠人，我地一人一蚊掟晒去律政司度，咁鍾意玩膠呀，我地就玩飽佢，廿七萬個一蚊佢慢慢數啦。

大家應該多多去認捐一蚊大餅俾朱凱迪，真係去找數果陣，大家帶住大量一蚊餅，叫律政司慢慢數飽佢喇。

根據《硬幣條例》，我地每年拎住等值一百元的硬幣，幫朱凱迪找數係合法：

「(1) 行政長官會同行政會議可藉命令授權發行硬幣， 其設計、 面額、 成分、 準重量及可容許的 公差， 須於命令內指明，
而只要該等硬幣沒有經過任何受 法律禁止的 形式處理， 即屬作為支付下列款額用途的 法定貨幣─
(由1999年第68號第3條修訂)

(a) 以面額不少於$1的 硬幣而言， 所支付的 款額不超逾$100；

(b) 以面額少於$1的 硬幣而言， 所支付的 款額不超逾$2。」

一人拎住一百蚊硬幣幫朱凱迪找數，吹呀。