納吉身有屎

雪蘭莪州行政議員歐陽捍華的政治秘書趙明福，在被雪蘭莪州反貪委員會盤問時跳樓身亡，由於跳樓位置太明顯是由雪州反貪委員會辦公室跳出去，引發全馬來西亞懷疑，根本有人搞嚴刑迫供，屈人入罪，要求成立獨立皇家委員會調查真相，但首相納吉堅決拒絕。

論貪污，國陣勁過民聯政府十倍，而且好多民聯政府有關的案件，算唔算貪污都好有疑問，但反貪委員會未見過查國陣人，最離譜的巴生自貿區案，馬華成員一個都未被傳召，加上馬來西亞司法獨立聲譽掃到咗好耐，呢個就係要成立皇委會嘅原因。依家納吉話驗屍庭會查到真相，搵阿水信呀，當馬來西亞人都係蠢材？

要為趙明福平反，睇嚟都係要呢個雙重標準嘅國陣政府倒台，至可以做得到。一個《馬來西亞前鋒報》日日發表違反《煽動法令》言論而不受節制嘅地方，乜仲有法律嘅咩？