政府搞唔掂，市場自己嚟

Jump to Comments

在首爾（漢城）膠遊記中講過，小弟拎住等值港幣四千元，七十幾張10000韓圜的銀紙，不知如何是好，現時韓國搭車單程至少都一千圜一程，如果都係收紙幣豈不是錢箱收到爆，如果要大額買嘢，豈不是收銀紙收到手軟。小弟同朋友講笑咁講，韓國無人打劫銀行，因為成本超大，但效益太低。

政府依家至出50000圜的紙幣，咁韓國人點生活。事實上係，一個民主社會下，政府搞唔掂，市場係識得自己嚟，唔會縱容膠事搞到個世界膠晒。

1. 韓國係九成情況下都可以用信用咭買嘢，唔會好似香港咁，用信用咭俾錢有違反合約嘅最低消費。基本上，你最需要現金的場合，係街邊攤販買嘢。

2. 請看以下圖片：

在韓國，你可以去銀行搞張，如上圖左手邊果款類似支票的東西，每張100000圜，在任何商戶都接受呢種銀行票據當現金用，商戶係會找番現金俾你，之後商戶可以拎住張票兌錢。呢種票據大大減輕商戶存放大量現鈔的負擔，而且手續費好平，大家都好樂意用這款「民間大額現鈔」。

果張叫TMoney的卡，就係韓國版的八達通，報攤有得賣，每張盛惠2500圜，自己隨時去報攤、地鐵站增值幾多錢都得，除咗搭巴士、地鐵用佢，搭的士，部分便利店買嘢，甚至網上購物都用得TMoney，一如香港八達通因英國撤出香港前，成街民眾收集女皇頭硬幣，搞到硬幣緊張而一炮而紅，韓國係因為政府發行紙幣政策太膠，結果韓國人自己度橋拆掂佢。

乜都等政府，死得喇，搞唔掂市場嚟仲快，果啲規管狂明唔明架？

3個回應

Filed under 香港政治