月份彙整七月 2009

林忌：救救朱凱迪．香港一人一蚊掟響律政署大行動 津巴布韋個硬膠總統保鑣，在香港亂咁打人就唔告，朱凱迪為咗捍衛香港嘅文化價值，律政司就追佢廿七萬，我地納稅人養律政司班廢人，原來係用嚟做埋晒啲膠事，正經事唔駛做架？ 律政司亂嚟都好多鑊，又BT案，又古惑天皇案，市民決定幫朱凱迪找數，不過我地係用大量硬幣找數俾你班膠人，我地一人一蚊掟晒去律政司度，咁鍾意玩膠呀，我地就玩飽佢，廿七萬個一蚊佢慢慢數啦。 大家應該多多去認捐一蚊大餅俾朱凱迪，真係去找數果陣，大家帶住大量一蚊餅，叫律政司慢慢數飽佢喇。 根據《硬幣條例》，我地每年拎住等值一百元的硬幣，幫朱凱迪找數係合法： 「(1) 行政長官會同行政會議可藉命令授權發行硬幣， 其設計、 面額、 成分、 準重量及可容許的 公差， 須於命令內指明， 而只要該等硬幣沒有經過任何受 法律禁止的 形式處理， 即屬作為支付下列款額用途的 法定貨幣─ (由1999年第68號第3條修訂) (a) 以面額不少於$1的 硬幣而言， 所支付的 款額不超逾$100； (b) 以面額少於$1的 硬幣而言， 所支付的 款額不超逾$2。」 一人拎住一百蚊硬幣幫朱凱迪找數，吹呀。

天主教香港教區主教湯漢，已經表明反對校本驗毒，要用愛心向學生教導正確人生觀，又要求政府減少教師工作量，而天主教學校考慮退出校本驗毒計劃。 校本驗毒計劃，根本只是假設青少年是賊，小弟絕不贊成。至少有兩件事，已經顯出毒品問題，根本政府有責，校本驗毒是推卸責任： 1. 將軍澳又無K房，公園晚上十一點便關門大吉，又無機鋪，呢啲係乜規劃嚟，年青人根本無地方消閒。 2. 正生書院至今仍然要面對梅窩那些鄉紳的反對，政府去咗邊？走數呀？ 總之，政府呢類卸責政策，小弟絕不支持。

亞視新聞報導，房協打算搞中產公屋，小弟認為呢個計劃真係膠到無朋友。 小弟明白，好多第四代香港人連樓都無，買樓因為俾班中國貪官炒起樓房遙遙無期，但政府可以引進租金津貼（小弟傾向以租金津貼取代公屋），可以恢復出售居屋，亦可以恢復首次置業貸款計劃。不過中產公屋是最爛的方案，不單未有鼓勵年青人向上，而且會令房協的官僚架構臃腫起來，還未計房協如果提供商場之類的設施，最後如何收科。 第四代香港人的買樓問題，確是一個政治問題，必須解決，但中產公屋肯定是最爛的膠方案。暫時而言，租金津貼是最合理的方案，次之是恢復居屋出售，但限制出售對象。中產公屋，no way。

中國accumulater苦主維權網：打折股票網 如果大家認為雷曼苦主令人頭痕，咁佢地一定未知中國有班友仲勁抽，並且已經殺到嚟香港，佢地accumulator苦主。 呢班accumulator苦主，當然唔係等閒之輩，大家諗吓炒燶accumulator果啲係乜嘢人，分分鐘都係係大官、大官嘅二奶，同有錢嘅企業主人，呢班友分分鐘難纏過雷曼苦主十倍，甚至搞到銀行喺中國業務膠晒都得。雷曼苦主未解決，又要處理埋呢班友，香港銀行都算有今日嘞。 後話：小弟明白中國的民眾只係識得X建聯嘅人，但陳鑑林條友絕對唔可靠，呢條友四年前支持領匯上市，聯同工聯會瘋狂抹黑大班，小弟當年喺鄭經翰度做政策顧問，亦係受害者，依家呢班友食碗面反碗底，又不斷抹黑領匯，呢班友仲好意思出嚟反領匯？呢啲友仔嘅信用，同投資銀行一樣。睇番林忌寫嘅《支持領匯上市－歷史不會忘記》。 林忌：支持領匯上市－歷史不會忘記

黎凱欣：我們都是麥兜 看完Florence的blog，我感覺到，這股香港悲情下，香港遲早爆發類似二二八的事件，之後社會傷痕無從收拾。 沒人想參與革命，那最後為何會投身革命？因為生活沒有出路，而人人都是麥兜，大家都不敢生兒育女時，如此沒有機會成本的社會，不是革命溫床又是什麼？特別大家如何努力也好，也走不出命運的局限時，那除了革命，看來別無出路。 小弟由於家族長期在走難準備狀態，所以小弟一早在任何方面都是全球經營，生活倒是沒問題。但講到生兒育女，小弟渴望成家立室，生兒育女是事實，但講到下一代的前途，看來要脫不了上一代的命運，要在世界各地走來走去時，感到有點蒼涼。 後話：小弟一如家族傳統，子女四處走也好，中文、英文和印尼文肯定會教下一代，文化傳承不會斷。

法國里昂對丁蟹效應的研究報告 一個CFA為丁蟹效應呢個唔知點解釋嘅現象，煞有介事做研究，真係聽落好膠。但係近日亞視高清台重播《世紀之戰》，港股就由兩萬點高峰跌落嚟，呢個硬膠現象又一次話俾大家聽存在。 根據里昂的研究報告，《大時代》續集，《世紀之戰》播出果陣，引發百分之十五的跌幅，希望重播之後威力減半，真係算鄭少秋唔好彩。

上午小弟對有線電視奪免費牌有一定憧憬，但晚上看到對張琳的報導，已經有點倒胃口。 用五分鐘來報張琳破世界紀錄，有點反胃，不要緊，如果報導資料夠詳盡，特別有介紹中國泳隊採用泳衣策略，還可以，但有線的報導除了民族主義上腦，其他基本資料都欠奉。 中國網易體育：張琳決賽換泳衣獲奇效 相比之下，中國傳媒相比更能點出破紀錄背後的真相，張琳的實力固然不凡，但換泳衣策略也是極為關鍵，一件高科技泳衣可以令泳手游快十六秒，大家明白為何國際泳聯要對泳衣的剪裁、材質作出嚴格規定的原因沒有？當然，當其他國家也這樣做時，中國泳手這樣做也是合法。 如果Cable體育報導也可以民族主義上腦而如此是但，變成CCTV宣傳材料，來多個CCCable幹什麼？ 後話：為何新款泳衣極有屈機效果，因為這些泳衣用上聚氨酯物料，這種物料原本是做海綿之類的東西的高分子物料，所以這次幫助中國泳手的Jaked 01，以及很多世界紀錄的實際締造者Arena X-Glide，在2010年都會禁止使用。

繆美詩：免費的有線 以小弟對廣播牌照申請的理解，廣管局和行政會議會否審批有線寬頻的免費電視廣播牌照申請，誠如Rachel所言確純屬政治問題。 申請聲音或電視廣播牌照，一般看兩個部分，一個部分是《電訊條例》下的頻譜使用權，以往政府都是以頻譜為理由擋掉申請者，只有大班搞的雄濤，連AM 810KHz的閑置頻段都照殺可也，才爭到空位。另一部分是營運投資和能力，這純粹是金錢問題。 而有線寬頻這次好玩地方在於，他們利用對香港大部分大廈的公用天線系統控制權，迴避了頻譜使用權這部分的阻礙，而由於有線的現有營運商，他們投資和節目內容都不會是問題，加上無線收費電視的例子，只要有線寬頻找到公司合資搞免費電視部分，如果政府還不批出免費電視牌照，這純粹是政治問題。 當然，有線寬頻先例一開，可以迴避掉頻譜分配這個障礙，那天下一定從此多事，因為在滲透率比有線寬頻更勁的電訊盈科，NOW 100台都可以變免費電視，甚至賣大包送固網話音入屋都仲得（你估李澤楷做唔出），到時CCTVB不是一對一，是一對三。而EYE系列電話同時提供NOW寬頻電視，不難看出李澤楷的戰略意圖。至於沒有天線或固網系統覆蓋地區，是可以用DVB-H或引入韓國的DMB-THT-DMB補足， 好戲連場，小弟食住花生等睇戲。

去年3月，小弟寸爆譚膠豪果陣，已經引用過以下經典照片： 點知，呢個膠到無朋友嘅政府，真係搞個電腦軍人計劃俾你嘆。 「互聯網大使招聘會 逾千求職者到場 2009年07月29日 (03:10 pm) 一個互聯網教育活動招聘會，共有 14間社會服務機構，提供約 500個互聯網大使及活動統籌主任等職位空缺，月薪介乎 6000元至近 15000元，首日上午已吸引逾千人到場， 主辦機構香港青年協會表示，受聘的互聯網大使會接受硬件和軟件培訓，學習各種電腦技術及待人態度，以便到訪不同家庭進行電腦檢查及講解網絡安全。」 呢個政府幾時變咗鄧幹廉政府，果然係特膠政府，同硬膠七子鬥膠，黐線。仲要我地納稅人俾錢，養呢班鄧幹廉出嚟，有無搞錯。

香港電台非一般旅程：越過國境的一刻 上述文章，是由香港特區政府旗下部門，香港電台其中一個節目的博客的文字，無花無假，成篇文一矢中的講中BNO比特護好用的原因，特護講到成堆免簽天花龍鳳都好，中華人民共和國國際聲譽臭過屎坑，俾你免簽，但在關卡等成個鐘，咁你等唔等？ 呢篇文可以大力forward去discuss, uwant兩個被納粹黨佔領的論壇，我想睇明修密果堆共狗，究竟有乜好講。