之前小弟分析警察遊行時，擺著是一副花生黨的態度。而由近日公眾的反應來看，小弟認為花生要買多幾箱。
一如Rachel所講，公眾一定唔會點支持警察，除了因為警察爭取不減薪本來不大得民心外，大家亦要想想警察平日對示威者是怎樣一副嘴臉，由利東街、到天星、到唔少示威集會，差人對遊行參與者是怎樣的態度，現在警察自己也遊行，這他們又會受到怎樣的招待。警察遊行好態度，公眾遊行話之你的話，小弟相信谷氣的市民更多，警察要爭取公眾支持，簡單而言，難！
但由一個花生黨的立場，警察參與完遊行後，他們由一個用家立場去體驗他們自己夥記的硬膠措施，說不定有助改善遊行期間向公眾提供的服務。
所以，繼續食花生。今日好多膠事要寫，花生多多唔夠買。
後話：睇以下新聞：
「曾 蔭 權 ： 盼 警 務 人 員 行 動 前 顧 及 市 民 看 法
2009-06-25 HKT 11:58
行 政 長 官 曾 蔭 權 評 論 警 察 工 會 計 劃 遊 行 時 表 示 ， 自 己 來 自 警 察 家 庭 ， 對 警 隊 有 深 厚 感 情 ， 明 白 警 務 人 員 有 公 開 表 達 意 見 的 權 利 ， 但 希 望 他 們 在 行 動 前 ， 顧 及 市 民 的 期 望 及 看 法 。」
條友之前又唔話自己係差佬子弟，下鋪特膠政府派人喺呢度抄橋，要收番顧問費。 XD
唔好食咁多花生啦，血脂高架。
特膠政府成棚膠人衝出嚟派膠，咁我都唔想食咁多花生架
曾蔭權在參觀珠海學院後，被問及對警務人員計劃遊行一事的看法。他充滿感情地說：「我來自警察的家庭，我父親、弟弟、弟婦、叔叔都是警察，表兄弟中也有警察。我在警察員佐級宿舍住了18年，圍繞我身邊的朋友，在我的成長期，都是警察。所以我對警隊有深厚的感情。」
佢細佬做埋警務處處長添, 點解唔同傳媒講?
一個市長,共弟當過警察局長,都向任內有警察上街示威,佢自己反省一下啦.
佢參選時夠話自己係香港土生土長,飲香港水流香港血, 佢上任三年,我地只係見到香港在流血.
警察突然把遊行變開會，花生會否無用武之地﹖
Re:方潤
咁星期日都要睇下開會結果點嘅。花生還是要買的。
食唔晒，咪當買俾警察，叫佢七一坐喺度睇我哋點遊行囉。
虎頭蛇尾，無戲睇，極之失望。看來還得靠自己：遊是由人行出來的。
“他承諾，當今年9月至10月，公務員事務局向行會提出職系架構檢討建議時，將親自向當局爭取，追溯至員方可接受的生效日期。”
成一個星期,所有政府官員同工聯會都只係講埋d廢話兇班警察話遊行會破壞警隊形象.所有廢話都係火上加油,增強兩者的對立.
特警成返黎之前,有無人有膊頭向班警察講,”你地唔洗遊行,我親自代你地去爭取”. 特警成張件事攬曬上身,用自己既名譽押下去(如果佢9月10月夠膽潛水扮失憶,班警察張會柴佢台,遊行隨時好睇過當年圍老廉).
至於特警成會唔會比人冼? 大家息目以待.