Daily Archives: 五月 1, 2009
主管航空嘅中國官員個頭係時候要切出嚟
上海東方網：為墨西哥疫區航班如期抵上海喝彩 我依家想問邊條福佳批准墨西哥AM098航班在4月30日降落上海，因為呢班機正係維景酒店中咗H1N1豬流感病毒果位墨西哥老哥所坐嚟上海嘅機，之後呢個人再坐東方航空嘅機嚟香港，結果咪令香港招惹H1N1，依家仲未知AM098機上其他乘客有無問題，依家成班友散布全中國，真係有排有得震無得訓。 新民網：墨西哥抵沪航班AM098检疫全记录 呢篇嚟自《東方早報》嘅文章仲好笑，如果講到自己防疫防得咁好，點解都會有人中招，咪呢篇又係神舟七號（或者神丹七號）式嘅未來報告，一早寫好，飛機降落睇落無事就照登，結果香港有人驗到中咗招就膠到唔知點形容好。 咁都好喝彩，依家玩出膠嚟，係唔係有人要切咗個頭落嚟以示負責先？真係唔講草泥馬都唔得。 為免上海班友刪文，意圖毀屍滅跡，所以我兩篇文做晒pdf檔，自己去Rapidshare download。 http://rapidshare.com/files/228026458/laughonshanghai01.pdf http://rapidshare.com/files/228027128/laughonshanghai02.pdf
豬流感期間給新聞同業的一些忠告
小弟在沙士期間，正在《成報》工作，甚至曾經勇到去屯門醫院做調查採訪（當年無女朋友嘛），都知道在傳染病下，香港新聞機構僱主的無良度，以至前線記者面臨的危險，以下係小弟對新聞同業的一些忠告： 1. 唔該各大新聞機構，準備充足的N95口罩，以及免水消毒液，或者火酒之類給出外採訪有關新聞的記者，事實上，佢地中招的結果係大大提高成個新聞採訪部門其他記者的中招率，但好似好多新聞機構唔係點重視。 2. 唔該各大新聞機構，在新聞採訪部門的門口常備消毒火酒，俾外面返嚟的記者洗手消毒。 3. 雖然係打仗時間，但應該比平日更加要俾前線記者有充足休息，如果前線記者成日睡眠不足，大家等睇成間報館被隔離嘅膠戲。 4. 仲有，為咗慰勞一下前線將士，我覺得派維他命C或橙派員工並不過份。 （雖然我知道好多傳媒嘅老闆反應係，你死你事，真不該。）
請食雞珍出嚟同大家解釋吓
台灣東森新聞：被質疑延誤通報 WHO要為墨西哥百人生命負責？！ 相信呢鋪豬流感抗疫結束後，要調查一下WHO有無延誤通報，特別係身為總幹事陳馮富珍醫生，亦即食雞珍的責任。 我同Rachel分別在不同地方質疑過食雞珍，唔係隨便亂提，採訪過H5N1禽流感同沙士的記者，是知道食雞珍凡事慢兩拍的作風，呢鋪如果真係屬實，實同食雞珍嘅做事作風分唔開，咁她後來好醒水咁迅速升高警告級別都補唔番。 睇嚟呢鋪食雞珍，要向全世界解釋一下喇，因為香港人實在領教過閣下嘅抗疫方式。
豬流感殺到的幾個問題
要來始終要來，H1N1始終殺到香港，不過有幾個懸案或疑案一定要解決掉，否則中國疫情有機會係膠到無朋友的級數。 1. 這次這位墨西哥人是乘坐中國東方航空MU505航班由上海來香港，那他在什麼時候抵達上海，如果這一兩天才抵達上海，假設病毒由墨西哥帶到上海，那小弟想問這名病者在上海接觸過什麼人？上海有多少人有可能攜帶病毒，這一點一定要上海班官搞清楚，否則情況堪虞。 2. 除了維景酒店那不幸三百多名住客和員工，小弟想問在MU505入境時，同機的遊客能否被追蹤，在同一時間使用入境大堂進入香港的遊客有否被追蹤，因為這些人全部都有潛力播毒。 3. 現時一定要即時展開陸路和水路健康申報程序，因為這次事件顯示一旦有外國遊客先遊中國其他城市，再進入香港就有如不設防，這防疫漏洞必須即時予以堵塞。 當然，現時H1N1君臨中國，再經中國傳到香港，仍未爆大鑊，一來為時尚早，另一方面，由於中國人一向與豬的關係最密切，農民在家中養豬見怪不怪，而今年年初，香港很多人，包括小弟，以至很多朋友都奇怪地染上要用九牛二虎之力才治好的感冒，那是不是那就是H1N1病毒？倘若那是H1N1病毒，那香港好運，至少香港人體內有抗體。但如果不是這樣，H1N1倘若變成社區爆發，就祝香港和中國好運。 但小弟認為，如果特膠政府負責任的話，由於中國地方官太愛隱暪疫情，有必要向香港市民發出針對上海的旅遊警告。仲有，果兩部接過墨西哥人嘅的士，一定要搵出嚟，否則呢兩部的士嘅司機隨時四處播毒，到時真係得個膠字。
