月份彙整三月 2009

菲律賓政界的幽默感幾時差成咁，為咗《HK Magazine》內查實拿土共糞青開玩笑的曲線抽水文，竟然禁止查實係英國人的陶傑入境，認真得啖笑。 雖然陶傑用Nation of Servants可能過咗少少火位，但因為佢篇文嘅主旨，係抽班土共愛國精神病患者嘅水，為咗成篇文風格完整，咁咪連菲律賓一併抽水（都係抽少少，以比例嚟講），而陶傑唔記得提，除咗女傭，菲律賓係有唔少專業人士打工，香港好多牙醫都係菲律賓嘅大學訓練出嚟。而南洋人好多時神經過敏，人地同你玩曲線，點知真係嚟個認真討論，結果陶生只不過玩膠，而菲律賓就真係同你膠。 菲律賓政府要明白一點，陶傑唔係中國公民（佢自己有無資格申請HKSAR Passport佢自己至知），係英國人嚟，依家問題係一個英國人嘅言論自由，可能受到侵害。小弟作為英國人一份子，並不贊成菲律賓這種有以言入罪之嫌的做法，除非陶傑真係講出連歐盟標準都接受唔到嘅言論，否則我唔認為菲律賓有理據禁止一名英國公民來到菲律賓旅遊。 菲律賓做咗咁多年民主國家，應該要學習欣賞曲線，好多人唔鍾意陶傑，因為佢寸華裔人士起嚟，比其他族裔嘅人唔客氣好多倍。為咗呢件事，搞到菲律賓嘅民主國家形象受損，去到同澳門嘅級數，何必。

「政 府 稱 西 港 島 線 通 風 口 並 非 排 放 廢 氣 2009-03-31 HKT 17:20 立 法 會 鐵 路 事 宜 小 組 ， 討 論 港 鐵 西 港 島 線 的 問 題 … Continue reading →

香港蘋果日報：區 議 員 林 松 茵 派 過 期 牛 奶 呢排小弟睇政治新聞，已經當咗高登咁睇，因為班膠人上位方式層出不窮，正所謂一膠還有一膠硬，完全估佢唔到。 雖然香港投X建聯班師奶，同維園阿伯係膠，都未膠到飲咗過期牛奶依然身壯力健，又想籠絡班師奶同阿伯，但又唔夠錢，求其問阿公要紙包奶用嚟派，點知班官錢就袋咗，然後向蒙牛要過期，兼且可能有添加劑嘅特侖蘇當營養牛奶派街坊，班師奶同阿伯唔一定飲奶，但係佢地嘅子女就多得X建聯班友唔少。我諗好多師奶在接受X建聯派嘅嘢果陣，要諗清諗楚，如果飲咗有三聚氰胺，呢班友係唔會負責。 睇嚟，呢類膠事，應該陸續有來。

俞可平：以发展民生去替代民主是种错误思 依家土共同曾蔭權仲話要解決經濟問題，嚟拖延政改就真係食咗屎，俞可平係咁講： 「要克服经济危机，把经济搞上去，在这个过程中也有可能出现一些偏颇的问题，以为其他就不重要了。民生重要，经济重要，是不是社会和谐不重要？民主政治不重要？如果那样的话，很有可能会犯大错误！」 俞可平唔係一般人，俞可平係中共中央編繹局的副局長，係黨校的人，中新社敢高調發這樣的稿，就是要發動一場政治思想改革的爭論，呢篇文肯定係個別高層授意出街，即係咁講，有人被迫到要大幹一票，最後有乜結果我都唔知。 這篇文章不單令曾蔭權同土共一夜之間搭咗沉船都不知，更重要係，呢篇文章係明確否定一九八九年北京大屠殺後，中國當局只搞經濟改革，不搞政治改革的思維方式，換言之，呢次係宣戰文告，封草泥馬係A派系所為，而呢篇俞可平的文章，就應該係B派系所為。可以咁講，北京已經開始爆發激烈權爭，而未來幾個月中國和香港政局變化，可能無乜變化，但更有可能變化快到嚇死人。 但我可以咁講，如果土共繼續做潮童抽水的話，就祝佢地好運。

周小川提出，以國際貨幣基金會的票據，作為國際儲備貨幣，有點融資方面常識的人，都會明白，為何中國財經界人士，提起周小川就粗口四起。 美國雖然經常洗腳唔抹腳，但美國國債始終是國債，一旦美國不幸走數都好，各國政府仍然可以藉扣留美國公民和公司在當地的資產，以彌償相關的損失（當然會否引起戰爭是另一回事），至少某程度上是一種「有抵押票據」來的，否則也不會被選為各國的儲備資產。 但國際貨幣基金會一旦走數，小弟想問中國可以拿回什麼？結果就是與雷曼苦主一樣，除咗一堆牆紙乜都無。 所以世界各國係會睬周小川都傻，任何債務之所以可以成資產，變成一樣有價值的東西，因為對方欠債會還，或者就算不還都會有其他方法補償損失。以國際貨幣基金會票據作為儲備貨幣的愚蠢程度，令人懷疑，周小川懂財務學的嗎？中國人民銀行由他掌舵，小弟真不敢持有人民幣資產。

在兩個月前，我已經講過香港進入成街都係菜刀嘅年代，不幸講中，在三月已經爆發兩場大廝殺，分別係港男港女大混戰，以及立法會粗口大亂鬥事件。小弟原本在張宏艷博客的留言，只是好心提醒，但估不到湧進一大群菜刀客，不論立場近乎互劈的地步，這絕非小弟的目的。 香港社會如此躁動不安，一方面主流傳媒與年青人之間，明顯出現一條極大的missing link，所以小弟才故意在講東講西23:50HKT – 23:56HKT時間，抽時間講清楚年青人對粗口事件的立場，因為很多傳媒人還未意識到，年青人對指鹿為馬，雙重標準以及做咗事不認帳的容忍程度是相當低，由阿嬌到特首都係一樣。 另一方面，香港社會的傳統爬升階梯，已經接近全面崩潰的邊緣，而很多父母仍然不容許子女走藍海戰術，或者因過份溺縱而導致無法走出新路，導致大批年青不知如何去，造成的社會矛盾和衝突很難控制。成街都係菜刀的社會毫不好玩，如果香港社會不儘快開始改革議程，小弟恐怕遲早會谷出一場革命。 很老實說，小弟對現狀感到很擔憂。如果政府還在粗口事件中操弄群眾，後果不堪設想。

香港股市有一個我完全不懂解釋的X檔案式現象，叫丁蟹效應，自《大時代》播出後，次次有鄭少秋主演的劇上演，當地股市就跌到亂七八糟，香港同美國受影響尤甚，總之響邊度播邊度中招，股民就叫做丁蟹效應，至今原因未明。 里昂證券2004年關於丁蟹效應的分析報告 里昂證券搵兩位有CFA資格的分析員，「認真討論」（用高登文來理解）呢件事，當然法國人一向膠力強橫，在一個膠到同高登無分別的國家，證券行會對丁蟹效應認真討論，固然係佢地的文化（所以里昂證券至會有風水指數呢類膠嘢，法國人至會做），另一方面，查實對每一位投資股票的人，當丁蟹呢個人同跌市出現如此大的統計學關連時，儘管呢個關連無法找到任何合理理由解釋，但在作出投資決定時，卻無法撇除這風險因素不計。因為丁蟹這個人造成的風險，係確實在統計學上存在，過去發生過不一定會發生，但唔可能當再發生嘅可能係零。 結果今天恆指又跌接近百分之五，成六百幾點，丁蟹效應有可能係繼萬有引力後，另一個可以推測事情發展，但不能夠解釋的現象。小弟一向不愛走勢推測，但這個X檔案式令人費解的因素，卻是玩人唔駛本。 後話：本來在3月13日寫成的文，但一直不敢公開免得變成自我實現預言，但今天果然又跌過，只能說orz。

以下係廣管局對黃永事件嘅裁決 「廣管局知悉(i)節目為個人意見節目；(ii)主持人在二零零九年一月二十二日的一輯節目內，使用”我唔用賤格、下賤、無恥、無口齒、低劣、低莊、下三流，都唔足以形容你…，都唔足以形容你(部門)…，卑鄙、無恥、下流、賤格，唔能夠形容你哋嘅下三流…”等言語責罵有關的政府人員；及(iii)有關主持人亦在同一輯節目中聲言，他會在農曆新年期間，在該名人員的辦公室門外張貼鳳凰木的訃文，並邀請聽眾就如何恰當地形容政府處理有關鳳凰木的手法，提出建議。 廣管局根據既定程序，對有關投訴作出調查，結論如下： (a) 關於持牌機構有否以負責任的手法播放節目和避免在沒有需要的情況下引起聽眾反感方面，廣管局認為沒有足夠證據顯示有關的持牌機構沒有以負責任的手法播放節目，也沒有足夠證據顯示節目引起聽眾反感。 (b) 關於被投訴的言語是否粗鄙或不適合廣播方面，廣管局認為有關言語並非不可接受在一個並非以兒童聽眾為對象的節目中播出。 (c) 關於節目有否對青少年及兒童造成不良影響方面，廣管局認為，由於節目以成年聽眾為主，而且在並非以兒童聽眾為對象的時間播放，因此節目不大可能對青少年及兒童造成不良影響。 (d) 然而，廣管局認為，儘管該節目主持人可能對有關砍樹事件的處理手法感到失望，但該位主持人在言論中突顯有關人員的姓名，對她作出個人辱駡，並就她的品格作人身攻擊的處理手法，並非純粹就事件表達意見。廣管局認為，該位主持人在二零零九年一月二十二日的一輯節目內，沒有特別小心處理其可對個別人士的聲譽造成影響的言論。因此，持牌機構違反了《電台業務守則 — 節目標準 》第34段1的規定。 廣管局向香港商業廣播有限公司發出勸諭，促請嚴格遵守電台節目守則的相關條文。」 呢次廣管局唔用強力好多的7(b)條，而係以下第34條來治黃永： 「34. 節目如會影響個別人士、公司或其他機構的聲譽，持牌人應特別小心處理；應採取一切合理措施，確保本身已盡量公正和準確地報道所有重要事實。」 小弟認為呢個判決係太輕，原因有兩個： 1. 貼訃文呢件事，已經係去到煽動憎惡的程度，已經合符7(b)的準則，為何廣管局可以不處理？既然廣管局都承認已經是公然辱罵，為何可以放水到用34條處理？ 2. 黃永作為節目總監，公然犯規是罪加一等，是不是至少也要來個強烈勸諭？ 對黃永可以放水，但以前對大班、毓民、陶傑就動輒得咎，這樣的雙重標準邏輯又是什麼道理？還好，這次廣管局總算來個勸諭，算某程度上還那位新聞主任一個公道，但肯定不是全部。

在今時今日，戰略已經不只應用於商業，或者戰爭，除咗在政治上用來解決膠人，有更多更棘手的問題，係需要用戰略思考，一個係傳染病防治，一個係溫室效應。 解決溫室效應，碳排放過多嘅問題係刻不容緩，但我地可以做到乜？學邱騰華呢挺膠人，提埋晒停車熄匙呢類膠政策就聽收工都得，浪費地球資源但效果係近乎零（邱騰華印膠文件斬咗幾多樹先得？）。 真係要解決碳排放問題，關鍵係點樣不影響大家的生活，甚至令大家的生活更廉宜更方便，但仍然做到減碳排放嘅目的，呢個就係要解決溫室效應應該要做，而有幾樣嘢，小弟未見過政府或私人機構認真做過： 1. 在一些不用太高電壓的應用，採用太陽能，例如街燈，或者在大廈設太陽能板，再提供USB插口，俾人充電之類（用太陽能唔代表唔污染，用多晶硅技術一樣係製造大量有毒物質，呢啲又係班環保膠唔會講，唔係每一種太陽能技術都係對環境污染最少）。 2. 確保公共交通工具最順暢運作，大大減低採用私家車，以至減少塞車（呢件事，政府只識將人好似沙甸魚咁塞落港鐵度，渡輪果啲替代方案，就一路打擊，政府關心港鐵賺錢多過關心環保）。 3. 為電動車提供基建和使用上優惠（你叫政府街燈裝太陽能板都無做，唔好講街燈提供充電插口，稅務優惠？有就唔會膠到港產電動車可以在歐洲駕駛，但唔可以在歐洲駕駛。） 4. 檢討香港的公路網，減少車輛滯留道路嘅時間。 5. 對中國南來車輛加強管制（中國車輛入的油，以至維修幾得人驚？） 6. 對巴士維修作出有效監督（香港的巴士維修之爛，俾你歐盟四型偈，歐盟五型柴油咁又點？） 香港班膠官，只識做show，無一個大戰略。正如依家臭氧層穿洞問題逐步解決，係因為逐漸有發泡膠、Halon系滅火劑（依家用FM200代替BCF, BTM藥劑，而FM200可以用番BCF, BTM用開的系統）有更合符市場原則的替代品，至叫禁止破壞臭氧層化學劑公約可以執行，否則只會一如禁止捕鯨公約，完全得啖笑。 人類係要解決地球暖化同溫室氣體問題，但照依家班膠官的戰略，我們尚離俾條生路地球行好遠。 延伸閱讀： 繆美詩：我們還有100年嗎？

相當矚目的大圍選區補選戰已經結束，不單投票率出乎意料到高，接近一半，而且這次會戰亦成為了，泛民主派在區議會選舉的首仗勝利，以下係選舉結果 民主黨梁永雄 2820票 民建聯袁貴才 2301票 自由黨李躍輝 790票 一方面這次反映出，自由黨的票根本不太受中聯辦控制，才造成足足790票的流失，土共出動到香港研究協會做民調就照輸，證明中聯辦的指揮組織越來越不靈光，口投民建聯，票投民主派效應仍然存在。但另一方面，這次高投票率亦反映出，香港不少人對特區政府的荒謬管治憤怒到頂點，所以已經不管誰能做地區工作，總之出來投票目的就是投議，這也是社民連近日連番「粗口攻勢」戰略合理性所在。 如果稍後舉行的灣仔鵝頸會戰，出現類近的結果，咁土共就準備同曾蔭權攬住一齊死，因為不論土共和政府如何令傳媒歪曲真相也好，客觀事實不為主觀意志所轉移，那今年七一遊行隨時再度出現二零零三年般的大爆發。