Daily Archives: 一月 19, 2009
亞視變成中英合資？
英國政府宣布會將RBS的股權變晒普通股，而且佔股權可以達到70%，呢件事關亞視乜事？ 費道宜條友唔只引查懋聲家族入嚟，同時引埋荷蘭銀行入嚟，依家荷蘭銀行香港分行係RBS旗下公司，而查懋聲家族同費道宜果堆股票有無抵押俾荷蘭銀行呢，又係一個問題。（依家荷蘭銀行、查家同費道宜合資的Alnery持有亞視四成七股權） 依家智力遊戲嚟，依家RBS可能被國有化，如果RBS百分百係英國政府持有，咁亞視其中一位股東係英國財政大臣，咁究竟得唔得嘅呢？ 好戲在後頭，好快曾蔭權會甩好多頭髮。
賣咗Household Internation求生吧
Times UK: Investor puts pressure on HSBC to let US sub-prime unit go bankrupt 孫柏文：TARP for HSBC Finance! HSBC Finance的Bond，一早被Fixed Income的Trader同Dealer列為Junk一類，而一直好多Fixed Income的Analyst, trader同dealer疑惑的地方在於，點解HSBC plc一早唔先斬咗HSBC Finance先講，依家咁的風頭火勢，如果HSBC同英美政府傾點數，斬咗HI先講，係咪咁樣會負責任啲？ ==== 後話：小弟估唔到今晚HSBC plc喺倫敦個市食瀉藥咁瀉，情況可能比想像中更差。不過HSBC涉及英國、香港的利益，HSBC在英國以外最大客戶群，兼股東群係香港人，但香港人好多同時具有英國國民身份，你諗吓件事幾大鑊。大家都記得，白高敦果鋪用《反恐法》對付冰島，連英國國民（海外）都涵蓋受保障或受管制，一旦HSBC要英國政府注資，政治問題頭都大。
王力雄描述的戰略災難
王力雄選擇在2008年底重新刊印《黃禍（新世紀版）》，可謂正合時候。 《黃禍》是一部戰略書，多於一部預言書，這本書所講，是1989年6月的大戰略錯誤後，中國最後走向的結果。在金融海嘯前，可能以為王力雄、章家敦，以至小弟這類悲觀派全部都是傻的。但最近的情況講得很清楚，照王力雄所言，如果中共沒有公民社會等取代配套，而台灣軍隊在沒有核武前提下進入中國本土的話，結果非常可怕。大家見賈慶林這頭大肥豬，反對中國政改那副不知所謂嘴臉，應該估到中共是可以人渣到為求自保，亂掟核彈，而且中國以至香港有一群膠人去支持。 當然王力雄寫是一個最極端的戰略情況，故小弟稱為戰略災難。1989年6月4日選擇在北京屠殺人民，而不是去進行緩進政治改革一定是鄧小平犯下的大錯，但在戰略災難來臨矯正錯誤或許仍有機會。這要看中南海諸公的智慧，但小弟坦言，並不樂觀就是。 中華民國也好，香港人也好，應該儘早考慮一旦出現戰略災難時，可以如何應對。
HSBC會暫時喘定
香港的股民，應該要多謝英國首相白高敦，因為HSBC跌到61的水位前，這幾天跌勢會喘定下來。 1. 英國推出新救市措施，為英國的銀行信貸資產提供擔保，暫時穩住市場的信心，對HSBC的拋售潮會暫遏。 2. 英國巴克萊銀行稅前盈利預料達到53億英鎊，比市場預期好。 在雙重利好因素下，HSBC股價會乘歐洲開市今日做好乘勢反攻，我唔敢講係乜水位，不過呢次反彈，好可能係HSBC三月公布業績前最後退守機會。如果你決定退守，應該趁這次機會撤退。還有，留意HSBC plc的CDS/CDO的變化，因為市況變起來，預警時間唔長。
小弟高度推介的iPhone App
痕身指數顯示屏 呢個恆生指數顯示屏，同電視新聞常見，在灣仔大新銀行見到果塊顯示屏一樣，認真夠幽默抵死，水哥呢個Application果然係金融海嘯下的幽默之作。 在Apple App Store打Hang Seng就會搵到呢隻絕核到震的Application。 後話：iPhone好多有黑色幽默味道的免費Application，有時候，玩iPhone樂趣在這些Application上。
Filed under iPhone
香港傳媒去咗邊？
繆美詩：指鹿為馬？ 不計《東方日報》的報導，Rachel這篇文章，可能是近日以來在傳媒首篇批評政府新聞處，在特首粗暴言論上文過飾非的評論文章。我真的想問，香港傳媒死咗去邊？ 正如高登粗口filter都會走火，特首唔小心爆出粗口又好，諧音粗口都好，最多係一宗膠聞，大家笑咗就算，但係政府新聞處在transcript上指鹿為馬，指狗為鬥係另一回事。如果今天GIS班友做假可以被放過，日後豈不是GIS學新華社發放未來新聞，神舟七號未上空已經發表測控記，咁仲成世界？ 我真係想知，香港傳媒仲剩番幾多批判能力。 ==== 後話：如果各位想用特首的粗言穢語，用來做電話鈴聲（例如區分不想聽的電話，或者挑戰曾鈺成），可以去林忌的website下載： 林忌：曾蔭權三款狗噏電話鈴聲歡迎下載
