iPhone的魅力

在小弟一眾朋友中，我是最早用iPhone的一位（我是2G年代），但近日真的覺得iPhone勁好玩，是將iPhone firmware upgrade了2.0後。
首先，不少經典的PDA Application，在iPhone的UI下都煥發新生命，SplashID係明顯例子，iPhone UI最強係層次分明的管理，SplashID上發揮到盡。
之後係遊戲，論玩麻雀Game，在iPhone Multitouch幫助，加上頗強3D Graphic支援下，玩起來比以前有趣好多，唔怪得成棚遊戲公司都要開發iPhone Game。講真，iPhone如果唔係夾粗由600MHz調低400MHz來行，係一部勁好的遊戲機（當然升到上600MHz，就會好食電）。遲早會有變態佬，研究iPhone或iPod Touch超頻。
我都有玩Installer，但Installer上的Application在設計上，好多有Open Source的“缺點”，就係UI設計唔夠User friendly，所以App Store係有得做。
當然礙於2G有限的data speed，加上PCCW Mobile硬膠唔肯支援EDGE，所以未能享受iPhone進一步好玩之處，等PCCW Mobile都賣iPhone 3G，屆時我就會升級。我完全唔想，將錢資助李氏力場的建設。

明報呢鋪公信第幾？

呢排地球磁場出咗問題，好多硬膠事都出咗嚟。先睇以下膠聞：
鍾樹根加入反票站調查行動
(明報)7月21日 星期一 05:10
http://hk.news.yahoo.com/article/080720/4/79my.html
【明報專訊】泛民主派 一直覺得建制派去年區議會選舉咁勁，除咗係派物資之外，另一個利器就係票站調查，隨時知道邊個分區選情告急，可以將人手調嚟調去。近日有人在Facebook開咗個組別，叫「同民意調查人員講﹕『我投咗畀民建聯 ﹗』」以混淆票站調查數據，都真係幾有創意，睇嚟係睇準咗好多香港人都開咗Facebook，絕對係高效宣傳。
發動投票日混淆民建聯調查
個組別而家已經有超過400人加入成員，唔少係泛民中人，好似社民連陳偉業 、公共專業聯盟副主席莫乃光、民主黨 趙家賢等，但最有趣嘅係，連民建聯東區區議員鍾樹根都加入咗名單，誤闖敵陣喎。
唔知鍾樹根係咪因為見到個組別標題有句「我投咗畀民建聯﹗」，就睇都唔睇加入咗呢。又或者佢可能覺得換個角度睇，向民意調查人員講「我投咗畀民建聯」，對支持民建聯嘅選民嚟講，又真係理所當然喎。
明報班友以為好有趣，點知大家睇睇以下高登的link：
[混亂成功]鍾樹根加入反票站調查行動
facebook上有件叫鍾樹根的人，查實係一位反土共死士，《明報》記者唔明網絡生態，亦唔去問鍾生求證，結果咪報出膠聞。
明報呢鋪公信第幾，你地自己評。

硬膠社論標題

一朝早睇見《大公報》咁的社論標題，抵當年甘小文改《大公報》名做《太公報》。
「 新一屆立法會要選建港能人 」
呢條題爆笑在：
1. 點解要係識建港的，如果條題想誤導人選X建聯，根本違反選舉規則，點解蘋果日報出號外就一堆中國膠投訴，左報亂咁嚟大家可以睇佢唔到，原來X聯辦班X人大晒。
2. 乜香港好多港獨分子咩，建港？原來最大港獨勢力就在黨裡，收到。
3. 起標題條友懷疑係無間道，建港能人讀歪了就是粗口，呢個係社論作者對X建聯中人的真實評價。