新聞人如何處理BN(O)新聞

Lord Goldsmith QC報告書出了後，我相信無其他網友認為我在講廢話。當然，食錯花生，只要無人拎條J嚟賭，只不過收吓膠，無大礙。
更重要係，對大部分人食錯花生係好正常，因為得英國保守黨班膠人，發明呢挺膠到無朋友的國籍法。如果我唔係侷住對住呢條硬膠國籍法十幾年，我估都未必咁肯定最後2008年真係改國籍法。
但對於一般記者，點樣處理BN(O)新聞。近日《經濟日報》同《信報》處理BN(O)新聞的方法，就被人批評。我基本看法係咁：
1. 要拋開偏見，例如成日有人宣傳BN(O)不是英籍，只是旅遊證件的偏見，不合法律的偏見要放開。好多記者係以為自己熟悉就叫認識，好多時撞左大板都唔知。
2. 看文件！Lord Goldsmith QC果份文件係必讀，因為已經最簡單扼要簡介英國國籍法係乜，以及ECHR對國籍法的理解，勝過你搵啲硬膠專家好多。英國移民律師協會的submission，以及英國國會討論文件都要睇。本人，以至Britishhongkong.com的網友，都是勤於看文件。
3. 搵專家comment，小心有利益衝突的，例如一路搵緊BN(O)人錢的移民律師，你搵佢嚟comment把鬼？
4. 如果你的採主打算用佢自己的偏見亂寫的，我建議你一開始唔好接assignment，不寫好過寫。