唔好乜都入我數

我事先聲明先，籌錢登廣告果單嘢，唔係我發動，亦同我無關係，唔好乜都入我數，或者借我個名嚟抹黑熱心嘅搞手。

匯報會見警方的情況

我係以網民代表身份出席（雖然我都係業界，但我本身並唔係任何業界的幹事），對相片真偽，執法先後標準等問題，作出提問。
首先，藏有咸相，無論幾多，只要無意圖發放唔會被人拉，而要證明意圖係好難嘅，呢個係唯一收貨嘅成果。
做討論區網主嘅，如果唔係網主自己貼埋一份，咁會員貼咸相，係會員嘅事，網主如果收到差佬warning唔刪相，至會上身。
至於張相嘅真相，黃福全講法係，佢知果啲相係乜，報案果兩個人，係因為相片涉及好私人嘅嘢，所以報警，大家可以斟著點解單案係咁。
警方當然唔認，佢地因為呢班藝人優先辦案，佢地話有案就會處理，亦唔認為十九位差人出嚟查唔叫多人，簡單嚟講，同昨天講果堆分別唔大。