http://blog.tiney.com/?p=1287
http://blog.tiney.com/?p=1306
http://blog.tiney.com/?p=1312
陳生呢一系列文章，好多database programmer，以至社科研究人員，都應該讀一讀。
事實上，睇得太多福佳亂咁設計database table，搞到公司以至department嘅數據膠到無朋友。連基本上的正規化都做唔到，用乜database system都係得番膠出嚟。陳生好深入淺出，教大家，database的結構應該係點設計。
之後講解用SQLite，梗係贊成，Bento都SQLite做底，Microsoft Access? No way。
To KKE, KKS
小弟是SCMP.com以及PC Home一名前度南洋籍員工，本人最近由傳媒報導得知，SCMP Group打算結束中文品牌叫博益的出版業務，亦即原本由TVEI收購回來的SCMP Books Publishing。
在SCMP Group多年，我很明白對SCMP Group而言，撇除電視城物業，以及SCMP Hearst的出版物，TVEI的業務很多難與SCMP Group本身有協同效應。因此，SCMP Group陸續結束，或停止投資TVEI原有業務，地利店、健怡坊已經出售，TVEI總部已成新華書店，而曾一度直屬South China Morning Post的PC Home，以及SCMP Haymarket下的中文刊物，亦一本接一本停刊。一度紅星雲集的華星，亦已成為歷史。
博益對SCMP Group也能只是小業務，一如華星也如是，但博益是有著太多香港文化的重要回憶，包括畢華流、梁望峰、黃霑、Maggie Ma、林燕妮等人的作品，都是交付博益出版。博益若然悍然毀版、拒絕將版權歸還作者，對香港文化造成重大的損失，難以估計。
另一方面，由於這次是對香港文化以及作者的重大打擊，這肯定會成為Willy Lam事件以來，對SCMP Group形象的另一次重大打擊，SCMP Group的核心業務是英文報章出版，這類消息再度傳出，SCMP Group的核心品牌定必受重創。
本人明白SCMP Group是一個商業機構，但這件事亦可以商業辦理。如許可的話，我可以協助牽頭，以商業方式和平解決博益遺下的存貨，以及出版權利問題。正如文化傳信亦可在保留《龍虎門》版權同時，容許《龍虎門》的原作者黃玉郎，繼續延續《龍虎門》的文化生命，相信這次亦可尋求一個雙贏方案。
祝商祺！
Martin S J Oei
Former sub-editor of SCMP.com and PC Home, Former columnist of Channelhome.com
後話：由我來寫，本來有些利益衝突，所以我要聲明，這次我是個人仗義行事，與我投資或有份的生意沒有關係。
博益停業的消息一出，我自己啞咗。
我與博益是有點淵源，因為我也是SCMP中文部的舊員工，我差啲將第一本小說交給博益出版（因當時我仍是南華早報員工），後來工作需要，也曾與博益的編輯們打過交道。
博益肯定是一間有錢賺的公司，儘管近年「一本堂」出書進取得有些嚇壞人，但以南華早報的經驗，是可以做到有微利。當然，南華早報管理層，很多時都是無定向風，明明華星Archive有價都可以摺咗佢，咁博益停業對舊南早人而言，都不算得上奇怪。
但博益摺咗，又唔將版權還番俾作者，我覺得呢個對作者好唔fair，大佬，作者搵你南華早報出書，都無諗過要摺，大家都知，唔少南早items係top-seller，依家唔賣，對作者同讀者有幾大損失至得架。
依家希望，唔計女人書（我地對SCMP Hearst旗下items的統稱），隸屬SCMP Haymarket的車主雜誌，能夠撐住。
法興果位勁到年薪十萬歐羅，但敗咗成間銀行四十幾億歐羅嘅交易員，除咗好熟back office運作，仲係一個電腦高手。乜金融界，好多hacker嘅咩？
對做衍生工具嘅交易員，識自己寫program分析個市係好重要，因為好多時人唔可以監控咁多項市場指標（trade room一個交易睇成四、五個mon），既然人肉唔可以咁做，你唯有自己郁手寫。我可以講，如果你寫慣program，對你閣下的波盤、馬纜、窩輪、期指等交易作出分析，數理咁掂，你英文唔差嘅，應該考慮向銀行或證券行申請做trader，順便考埋CFA。
當然，寫得呢類多目標監控系統，就唔會係好似我呢挺，只係識Visual Basic for Application同埋Filemaker嘅泛泛之輩，SQL、Perl甚至C都會學埋，有些交易員甚至本身係工程出身。加上呢條友做過Back office，佢知道成個監管機制的漏洞同參數，所以可以玩咗咁耐都未被發現。
好可能日後各大銀行，監管部門要一個白客坐鎮。
我覺得我是世上最幸運的人之一，竟然能在我有生之年有機會上太空，這是我的夢想……我的家人很擔心我會發生意外，但我告訴他們，在香港過馬路還更危險呢。
上述金句，是將會上太空的香港首位女機師Perveen Crawford講的，真的太同意了，香港的一堆膠司機，膠路人，在香港過馬路，如果不守燈號，不見得比上太空見火星人更安全。
台灣軍方宣傳，他們的C-130大力士運輸機，成功降落南沙太平島軍用機場。不理越南的硬膠抗議，台灣的舉動很簡單，展示他們對南海諸島的有效控制。
中國的領導人和憤青，把口講愛國，捍衛領土，事實上不斷承認各類不平等條約，對著俄國更有如一條哈巴狗。所以台灣人當中國的統一訴求係賊佬訴求，天公地道。
中國自己有吉士，就派兵佔領番所有南海島嶼，但佢地有能力咩？
