大病初癒，就要處理呢單膠到無朋友嘅事件。
剛才收到一位中大應屆畢業校友嘅投訴，勁彩影藝社未經校友批准，就將畢業典禮果日嘅相放晒上網任睇，而且水準非常參差不齊，我自己睇完都大吃一驚。所以我唔理三七廿一，要求展開調查工作。
喺Google搜尋，發現理大今年同樣由勁彩影藝社負責影相，處理手法完全一樣。有人喺discuss度投訴，佢地嘅相連影都無，但錢就俾咗。我依家驚中大隨時會有類近投訴，所以，請各位應屆畢業校友留意情況。我考慮將呢單嘢，透過中大校友事務處嘅網絡，向大家發布資訊，我希望呢次能夠幫到大家。
致各應屆中大校友
本人收到投訴，指勁彩影藝社在未經個別校友批准的情況下，將全部校友的照片，在未經加密的情況下公開上網，以及所拍攝的畢業典禮照片，質素不能接受。本人經初步調查後，認為投訴之表證成立。現時本人正打算跟進事件，要求中大校方交代有關事件。
除碩士班外，如學士班亦是用勁彩影藝社的，請告知有關情況，以便調查。如果個別校友，對本屆校方安排拍攝的照片不滿，亦請通知本人，以便調查。
本人認為，有關情況令人遺憾，而且確實破壞了校友畢業的美好回憶，請校方重視之。
黃世澤
香港中文大學校友評議會民選常委
由於大病剛癒，我由家中行落下亞厘畢道政府總部，視察一下狀況，很快便耳朵受不到，要溜掉。
不是我的耳朵有大病（儘管我是長期有耳水不平衡問題），而是林子健版的《We are ready》唱功太令人難以忍受。我是那種頂不住K房音波功五分鐘的人，更不要是公眾地方聽人唱K。大家比較一下《每日一膠》網站，林忌做的版本，高下立見。
泛民想學福佳那次成功之道，小弟明白，但問題在於，泛民年青新生代的底子能否有這個能力，《福佳始終有你》成功，因為製作水平是專業的，而班底本身都是有深厚音樂底子。並非林子健，或「屎忽網絡」這些眼高手低之人可以deliver同樣效果。
沒有人求其整舊屎出嚟就會成功，我懇請他們下次至少找些唱功好點，填詞有點功力的傢伙，不要全部公眾人士陪你活受罪。
先留意以下一段膠到無朋友嘅所謂問卷調查，來自香港電台網站
http://www.rthk.org.hk/rthk/news/expressnews/20080113/news_20080113_55_460622.htm
由於香港女教師協會呢個名，充滿土共味，所以我去了這個組織的網頁。
http://www.hkwto.org.hk/index2.htm
組織個名硬膠，連乜水做幹事都講唔清楚，而且活動焦點永遠在打擊傳媒道德問題上，又熱中搞中港交流活動，我很肯定這是土共組織，我由活動紀錄中，發現這組織會長叫周蘿茜，而周蘿茜係觀塘福建中學校長。
有關周蘿茜嘅報導
在此，我呼籲各路行家，特別是採主，不要再浪費前線記者寶貴時間，在這些藏頭露尾土共組織的硬膠assignment上。乜膠聞或硬膠問卷調查好好睇咩？
大病剛癒，我對土共的靈敏度零舍高，下次見一鑊丙一鑊。
