很黃很暴力：中國首位上位新星誕生！！！

http://www.williamlong.info/archives/1197.html
中央電視台專播硬膠新聞，一早全世界都知，但硬膠到搵個十三歲細路女，老屈中國網頁很黃很暴力，就咁唔好似抽水哥咁極速上位都唔得。
呢位細路女當然只係被人借刀，至搞到有可能成為繼芙蓉姐姐後，另一位中國上位膠星。因為班友唔係要攻擊果位細路，而係中國官方傳媒故意做假嘅情況，大家諗吓，喺GFW底下，乜咸網都封晒喇，如果你用法輪功軟件嚟上，都唔會上到咸網，咁邊度嚟很黃很暴力。
咁有啲地方政府搞嘅網站，確實好多甜嘢，但問題係，呢啲網站又係邊個開嘅呢？如果中國有每月之星選舉，呢位細路女，一定要同中央電視台組成團隊參選至得。

硬膠意大利

意大利那不勒斯嘅垃圾危機，真係膠到無人有，市民不滿可以居然走燒車，最後搞到要派軍隊清理垃圾。呢種情景，令人諗起Simcity裡面，當你膠到起唔夠垃圾處理設施時果種情景。呢種情景，如果再唔解決，更可能搞到歐盟要向意大利處以罰款。
點解意大利搞到一鑊泡，港女眼中嘅時裝聖地，竟然可以膠成咁。意大利文化嘅膠力，係其中一大因素。你睇黑手黨橫行成咁就知，呢鋪那不勒斯搞出垃圾危機咁膠，因為意大利嘅黑手黨真係無處不在，連垃圾處理都有佢地份。當國家膠到呢個款果陣，你話點可能唔搞出垃圾山危機。
雖然Italcementi呢類大公司，開始直頭同黑手黨唔合作，關閉西西里島廠房，問題係，當OS膠果陣，要執似乎都有排。
所以經濟同工業強大起嚟，唔代表文化唔硬膠。意大利搞成咁，你諗吓中國，點可能唔膠？

誰在替基督倒米？

虞偉倩：基督教是否在自挖墳墓？
A New Generation Expresses its Skepticism and Frustration with Christianity
虞偉倩的分析，有根有據，而且一針見血點出了，為何高登聚集了一大群反對「耶青」的人。
以現時明光社走火入魔的傾向，很可能會變成香港版的Westboro Baptist Church，甚至更膠。當香港的福音派主流論述，缺乏社會關懷和公義，不斷以挑起紛爭，以及無恥地向權貴靠攏時，對很多沒有意欲去了解基督教的人，就很容易變成反基督教的人。誰在替基督倒米，還不一清二楚。

事實上，像上圖般的黐孖筋標語，在陣亡軍人的喪禮中蓄意搞屎的行為，香港明光社是有潛質幹得出，這種公然歧視他人的言論，何來有受法律保護的道理？

港鐵想否認自己係膠鐵

港 鐵 指 合 併 令 市 民 誤 以 為 故 障 數 字 上 升
2008-01-07 HKT 18:24
港 鐵 回 應 近 日 多 宗 故 障 事 故 ， 表 示 因 為 兩 鐵 合 併 才 令 市 民 有 錯 覺 ， 認 為 故 障 數 字 上 升 [...]

玩新人玩到黐孖筋

孫柏文評硬膠玩新人
我對老孫講嘅百分百同意，依家婚禮玩新人，以至整個婚宴嘅programming，已經去到一個黐孖筋嘅地步。雖然小弟幾時結婚，連我自己都唔知，但如果有機會結婚嘅話，謝絕玩新人呢家嘢。婚禮唔係俾班膠人咁搞法，搞到膠到無朋友。

港鐵變膠鐵

自兩鐵合併後，聽到港鐵嘅故障報告真係人都慶
今日：觀塘線信號故障，牛頭角至藍田列車慢駛
今日：馬鞍山線信號故障，烏溪沙至大圍列車受阻
1月5日：東鐵線往尖東方向列車出煙
1月3日：東涌線信號故障，荔景往東涌方向列車受阻
12月28日：東鐵線大圍站路軌有裂紋
12月27日：東涌線信號故障，延誤37分鐘
12月21日：東鐵線火炭站壞車延誤
兩鐵合併後，成堆事故出晒嚟，究竟發生乜事？港鐵幾時變膠鐵？香港諗住交通依賴鐵路，我真係祝大家好運。