飯焦想選人大，定係2008全年之星？

林忌：求學不是求分數，登錯日期選條毛？
真係太膠，膠到唔只無朋友，仲係無人有。但，依家有排至到年尾喎，要參選2008年全年之星，發功係唔係太早？

矛盾新聞

2007：农业生产全面发展 粮食连续4年增产，2007年12月17日，北京：新华社
留意以下一段：
在此基础上，今年克服了产量基数较高、自然灾害严重、国际市场影响日益加深等多方面困难再获丰收，粮食产量有望超过１万亿斤，特别是作为口粮的水稻和小麦，不仅产量增加，而且品质进一步优化，为保障市场供应奠定了坚实基础。这是自１９８５年以来首次连续４年增产，本世纪以来首次超过１万亿斤。
如果真係講到好似新華社報導勢頭咁好，點解依家又要突然對出口麵粉實施限制，中國麵粉供應荒又發生乜嘢一回事。仲有，如果雜糧嘅生產係穩定，點解黑龍江雙城市，會出現雜糧價格上升，最後搞到好似《壹週刊》報導咁，雀巢打茅波搵公安嚟搶奶農嘅牛奶。
呢堆自相矛盾新聞嘅背後，反映一定有啲騎呢嘢，我地係睇唔到嘅。究竟，中國真實嘅糧食供應同生產狀況係點？中國政府，係唔係應該有個交代咁？

土共大鑊臨頭

南韓《東亞日報》1月2日的報導
呢劑土共真係大鑊臨頭。
雖然在1978年左右，中國已經拉咗好多四人幫同黨，但由於中國未全面否定文革，加上香港嘅特殊情況，有份搞內亂嘅土共，係未被清算過。
但胡總書記將文革定性為內亂果陣，呢條辮子就大到離晒譜，試問邊條友孭得起參與十年內亂呢種大鑊，加上胡錦濤咁講，即係差唔多要全面否定文革，要清算相關責任咁滯，你話土共點可能唔大鑊臨頭。
大家應該明點解土共咁急住奪權，好戲在後頭，大家買定花生好。

參與假研究就膠到無朋友

http://news.boxun.com/news/gb/pubvp/2008/01/200801060006.shtml
郭正林、余振：族群意识与国家认同：新疆维汉关系问卷分析，有關網站是香港中文大學大學服務中心
睇完王力雄篇文，我認為參與呢次研究嘅香港浸會大學中國研究課程主任余振教授，應該拉去打靶。
先講王力雄係乜水先，大家認識嘅王力雄，係小說《黃禍》嘅作者，但佢最出名除咗《黃禍》呢本小說，仲有佢地西藏同新疆民族問題嘅研究，佢嘅老婆唯色茨仁係藏人，而王力雄對西藏同新疆文化都高度尊重，同好多漢人好唔同。
參與呢挺假研究，其中一個大問題係做衰香港大專院校嘅名，如果呢種情況接二連三發生，香港嘅大學公信力就好快蕩然無存，敗家敗得快。
另一個問題係，呢類研究根本係蒙蔽事實真象，一旦出現大規模族群衝突，你根本連預警都無，咁仲得了，呢類假研究仲唔膠到無朋友。大家要記住，新疆係一個火藥庫，中共過去六十年嘅管治遺留咗好多維吾爾眼中嘅血海深仇，我地嘅責任係要撫平傷痕，而唔係做幫兇，甚至合作弄假。
王力雄無指明果位參與研究嘅香港茂利係乜水，我就以香港人身份篤爆佢個名算，最好果條友自己辭職。如果參與咗假研究，仲好意思坐喺浸會大學度，我諗要揭臭呢條友，至可以挽救香港學界。