December 31, 2007...7:16 pm
敗家仔
Jump to Comments
如果我係有錢人，我感覺最有危機唔係搵唔到一班好手下，而係自己家族嘅接班人，都係一班無人嘅敗家仔。
英國嘅貴族之所以藍血，因為佢地崇尚騎士精神，我地唔係以食祖宗老本為榮，而係要做一番成績光宗耀祖，維持家族榮譽，否則就唔可能出到邱吉爾呢挺，面對希特拉呢種狂魔都腰板挺直的貴族子弟，領導國家走向勝利。
南洋做敗家仔會被人恥笑嘅，所以南洋人好少show off自己嘅家族點勁點勁，佢地只會講自己做咗乜成績咁勁，去令家族增光。你係同佢地熟咗，至知道好多人嘅家族背景，power唔弱，只不過平日唔話俾你知。
所以我對香港有班友，自以為有世叔伯照就好威，或者甘於食政治綜援而不知廉恥，感到價值觀好差。你唔好怪綜援領取人變懶人，你自己身為藍血人唔做好榜樣，走去做敗家仔，唔係等政府委任，就係玩女人玩到唔知去咗邊，咁你怪得邊個。成個價值觀不求進取，你有乜資格求你下屬進取。
香港有班敗家仔，以及同佢地吶喊助威嘅啦啦隊，唔沉淪就怪。
8 Comments
December 31, 2007 at 8:59 pm
西方文化中有樣野我都幾buy就係呢種騎士精神-所謂’權力愈大, 責任愈大’。英國皇室有上前線參軍傳統, 兩次大戰有大量貴族精英陣亡, 直接令英國貴族階層式微;又例如九一一事件中, 好多高級警官同消防官犧牲, 連NY消防局長都殉職埋…呢種”越係處於高位就越要上前線” 同中國人的”越高級就越縮去後方「接受保護」”的文化可謂大相徑庭。
香港有幸受過英國統治, 警察同消防都殘存呢套practice-越高級就越上到最前, 所以每次不幸有事發生, 都總有幫辦級官員份..
December 31, 2007 at 10:53 pm
是的。唔只，香港的醫務人員也是！SARS時的沈祖堯就是一個例子。
December 31, 2007 at 10:55 pm
我的意思是呢種騎士精神。
December 31, 2007 at 11:25 pm
當然唔會遺留呢班醫護人員。沈祖堯, 高永文, 鍾尚志, 馮康同何兆煒等, 全部都係高層人仕, 他們大可縮回後方「指揮」, 但佢地全部披甲上陣, 何兆煒仲中埋招…
一百五十年的英國統治不會全無痕跡, 基督教仁愛精神加上騎士的勇氣, 就是英國人留底的寶貴資產, 亦是我們的「核心價值觀」, 這些就係同其他華人地區最大相異之處。
December 31, 2007 at 11:49 pm
仲有, 當香港全民上下一同抗災之際, 性董個位竟以「醫生不建議他到醫院巡察, 因其’位置’重要」為由而絕跡前線…
他不單不是真正香港人, 而且正是世澤兄所講的「敗家仔」
敗他自己家好了, 仲要敗港!
January 1, 2008 at 1:19 am
其實唔只香港人, 西人一樣都係有敗家仔,不過就好似冇香港多到禁離譜. 倒如, George W Bush 就好明顯係一個敗家仔, 自己跟本冇乜本事, 淨係靠老豆個名出頭. 越戰嗰陣時靠關係呢埋冇上前線, 但依家又無端端去Iraq整死禁多人, 搞到佢老豆都冇眼睇.
但話時話,佢係美國人而唔係英國人,可能係呢一點有d分別ge.
January 1, 2008 at 5:10 am
英國政制唔容忍到小布「薯」呢挺硬膠做首相，佢應該一早侷住解散House of Common，或被黨友迫宮，然後離開10 Downing Street。
January 2, 2008 at 6:03 am
掌握社會資源分配權力和有錢有勢的第二代香港人也要付上責任. 他們對歷史及抽象概念沒有認知, 沒有完善社會環境, 還縱容這麼膠事.
令我最反感的, 是這班第二代香港人沒有搞好香港教育, 去應付知識型社會要求; 還亂改語文教育方法, 製造愚民. 自己的子女又不在香港受教育. 同時, 經常批評下一代如何不濟.
以陰謀論說, 這班第二代香港人是否想世襲其擁有的權力比他們下一代? 我的一些朋友也有類似想法.
本人72年出生, 是第3代人
Leave a Reply