我係刁民

Jump to Comments

由於呢個blog係計英國時間，所以暫且不寫我對2008年的看法，但我想鬧爆香港新年的一些景象，簡單嚟講，同香港開年。

1. 香港警察嘅人流管制措施，可謂一年比一年硬膠，我在除夕夜放工後去銅鑼灣食飯，食完飯遇上倒數嘅人群，班友倒完數後散水，警方可以控制人流到乜程度，就係帶你行大運，轉到暈陀陀，膠到無朋友，或者邊度都唔駛去，乜呢啲就係人流管制，定係玩人唔駛本，不妨大家諗吓。

2. 我對第五代嘅金毛飛忍耐到咗一個限度，果啲金毛飛簡單嚟講，就係無家教。成班友吹水傾偈，阻住人群前進而旁若無人，依家啲𡃁仔發生緊乜事，請話俾我聽。

3. 大時大節人咁多，好心班煙民就唔好吸煙，好多死飛仔，或死中年，齊齊吸煙，搞到我呢個路人吸咗大量二手煙。我建議修例，喺大時大節人多聚集嘅地區吸煙，控煙辦罰佢地每人一萬元罰款。

4. 銅鑼灣恒隆中心嘅Starbuck發乜癲，明知除夕多人竟然午夜十二點半關門，搞到名店坊嘅Starbuck人多到位都無得坐，大批狼狽咖啡客完全唔知去邊，呢啲係乜叉服務態度嚟，我對呢間Starbuck都忍咗好耐。乜Starbuck係咁唔識睇時勢serve客，明知高朋滿座都要關門，佢地係得嘅。

5. 我講完咁多，我估我都係刁民嘅一分子，沒錯，我係刁民，唔怪得鋪鋪見膠都鬧爆。

4 Comments

Filed under 香港政治