喺明年立法會選舉，各黨都會放啲新人入名單度。有啲新人係有潛質，你應該放佢入去，但有啲友仔，你放佢入去，完全無ground，你只會覺得佢膠。
我就拎公民黨創黨時嘅新人余冠威嚟講，佢喺區議會選舉打坪石，結果賽果係咁：
陳百里（民賤聯）：2647
余冠威：1386
個結果打到咁難睇，俾你都唔好意思入張名單，鍛錬多四五年先講。
反之，都係觀塘區，麗晶花園果度，民賤聯用咗好多陰濕招，公民黨對民賤聯，賽果係咁：
王偉明（公民黨）：2030
潘進源（民賤聯）：2362
呢條友係一定地區實力，大家睇UWants果度，王偉明嘅評價好好：
http://www1.uwants.com/redirect.php?tid=5117789&goto=lastpost
如果余冠威堅持明年玩立法會，我覺得佢自己應該問吓自己，夠料未。
政府開始接受副局長及政治助理的申請。政制及內地事務局長林瑞麟在本台節目說，未收到政黨推薦，但有人以個人身份毛蓫自薦．他相信，最終人選多數無政黨背景，強調政府會審慎考慮，確保有實力的人勝任。
以上說話係林瑞麟講嘅，小弟敢相信，副局長同政治助理呢份高薪厚職，人人有資格做，林生都講英雄莫問出處，不問學歷。
正由於係咁，我相信各位嘅智慧，各位請將履歷表送到以下地方，人人都要做副局長，我睇特首會唔會in人都in人標冷汗：
電子郵件
郵址： cmabenq@cmab.gov.hk
致函下述地址
香港下亞厘畢道
中區政府合署
中座三樓
政府總部
政制及內地事務局
政制及內地事務局局長
我相信呢度嘅讀者質素，會遠高於民賤聯會打人，兼且食政治綜援唔面紅嘅福佳n倍。
雖然澳門搞民主運動嘅環境，遠比香港惡劣（澳門當權派無恥度係全中國十大），但澳門民主派遠比香港嘅嚟得長進，你睇文宣就知。
當然香港民主派，依靠林忌、rebuildhk一眾民主志願死士嘅時候，澳門吳國昌喺《新澳門》，即係《新澳門學社》嘅官方刊物，附上一份叫《愛暪日報》的惡搞刊物，同你成班澳門政府嘅福佳玩膠。而呢份嘢，係深得澳門一眾網民愛戴，最新一期《愛暪日報》，可以喺以下hyperlink搵到。
http://newmacau.org/newmacauweb/35_p2.jpg
http://newmacau.org/newmacauweb/35_p1.jpg
就算你睇番新澳門學社好多政策論述，爭取政改策略等，都比贏香港民主派若干馬位。
你依家明點解，澳門會有唔少人支持吳國昌做特首，但喺泛民，除咗陳方安生同余若薇我敢支持，其他呀，哎……
我成日有大國勃起嚟寸爆中國，喺印尼峇里島舉行緊的氣候會議，又一次證明中國係「勃起」，而唔係「崛起」。
印度同中國都反對減排協議，印度有無ground我暫且唔評論，但中國依家環境已經膠到，如果再咁落去，唔好講地球其他人，連中國人本身都住唔落，全世界無好似寸爆美國咁寸爆中國已經俾足晒面。仲要聲稱係大國，但又要發展中國家嘅待遇，有無搞錯呀。
一句講晒，中國仲係未由以GDP為綱嘅發展理念清醒過嚟，如果繼續係咁落去，我估我唔返歐盟國家定居都唔得。
